Matiu 11:23 - Vengo (Babungo)

²³ Gə fɨ maa ghɔ, ntɨꞌ Kapernaum, a nə bɨ̀ꞌtə laa vɨ ndɔ shaꞌsə ghɔ yizɔ lee? A ndɔ siꞌ gə̀ ŋkee maa shəŋ ŋɨꞌ faŋ vəŋku və nsisə vəbwəvə lùu shɔ nə. Vɨ nə yɨsə ŋkee vənu vəkwalə taa ntɨꞌ ghɔ. Vɨ nəə toꞌ yɨsə vənu vɔ́ shɨ Sodom, faŋ Nwi nə ndìsə buꞌ vənu vəbwəvə vəŋ fɨshi nə, buu vəŋ kɨ bii shɔ kɔ tɔ və-ndee.

Matiu 11:23 ပူးပေါင်းရင်းမြစ်များ

Matiu 10:15

Mə naysə nu yinsəŋ tɨ́ viŋ laa, nsɔꞌ njyə faŋ nyə ndɔ jia ntɨꞌ yɔ́, weꞌ shɔ̀ɔ njyə shɨ Sodom ghɔ shɨ Gomora maa shi məshia nsɔꞌsə ŋkə yiba.»

Matiu 16:18

Zɔ mɔɔ! Mə naysə tɨ́ ghɔ laa, yizii yə lùu Yighɔsə. Mə ndɔ fia ŋii Nwi fuu yighɔsə nyə̀. Kaꞌ wutə yiku kee ndɔ ghɔꞌ ŋii Nwi yɔ́ me.

Matiu 17:24

Vəŋ kɨ ziꞌ ntɨꞌ Kapernaum, vɨɨ mbɨə faŋ vɨ yaa kɨ mɔꞌ ka tasə ŋii Nwi tɨ́ vəŋ, jwi ye Pita, gì tɨ́ ŋwə laa, «Tii wiŋ kee mɔ̀ꞌ tasə ghɔ́ yimu?»

Matiu 4:13

Ŋwə ziꞌ yifi, mèꞌtə ntɨꞌ Nazaret, gə̀ kɨ shi luu ntɨꞌ Kapernaum, faŋ lùu shuu maghia, nsi Zebulɔn nə Naftali.

Matiu 8:5

Faŋ Yeso nə ŋìi ntɨꞌ Kapernaum, tɨɨ vəsogeꞌ mɔ́ꞌ jwi yɨ ŋwə, bùꞌ ghɔ tɨ́ ŋwə,

Lukas 10:15

Gə fɨ maa ghɔ, ntɨꞌ Kapernaum, a kɨ bɨꞌtə laa vɨ ndɔ koꞌsə ghɔ yizɔ mu? Bey, a ndɔ siꞌ ŋii ŋkee taa wee-nsi yibay.»

Lukas 14:11

Wə tɨ̀ me wə faŋ ŋwə koꞌsə ŋwaa wi, vɨ taa suꞌsə ŋwə nsi. Gə fɨ maa wə ntɨə faŋ ŋwə suꞌsə ŋwaa wi nsi, vɨ koꞌsə ŋwə yizɔ.»

Lukas 16:23

Ŋwə gə zìꞌ shɨ yiku, kɨ ye ŋɨꞌ shɔ dɨdɨꞌ, shàꞌsə tɔ ki yizɔ, yè Abraham fɨ ntaŋ, nə Lasarɔs faŋ ŋwə dùꞌ yɨ ŋwə.

Lukas 4:23

Ŋwə gi tɨ́ vəŋ laa, «Mə kɔꞌ kɨɨ laa viŋ taa gi shee laa, bàw wuu ŋay kɨ gaŋtə nshɨ-tɔ wi. Maa viŋ kəə laa mə kɨ yɨsə vənu vəkwalə mbɨə faŋ viŋ zɔ laa mə nə yɨ̀sə ntɨꞌ Kapernaum, laa mə kɨ yɨsə ntɨꞌ nsiŋ nɨzi.

Akts 2:27

buꞌ laa a kee ndɔ biŋ laa zwitə kaŋ goꞌ shɨ yiku me, tɨꞌnə me laa wuu ley wə ndɔ shuu me.

Akts 2:31

Nɨniŋ nə, ŋwə nə gi kɔ̀ŋ nu məywey Yeso Kristo fɨ shɨ yiku, laa vɨ kee gày ŋwə shɨ yiku me, mbasə ŋwaa wi kee shuu me.

Ŋwaꞌlə Jud 1:7

Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 11:8

Vəŋku və ŋwaa vəvəŋ nɔŋ jɨɨsə shɨ Jerusalem, ŋkee taa shɨ kwalə ŋkɨə faŋ vɨ nə bey tɨta vəŋ shɔ fuu fəŋkɔꞌ fə ŋkɨꞌsə nə. Nɨniŋ, vɨ kɨ tii shɨ kɔ́ nə Sodom, tɨꞌnə me Ijip, (buꞌ faŋ ŋkə bɨ sheꞌ yaa məshɨ mbɔ́.)

Reveleyshən 20:13

Nɨniŋ, mamuu bəŋsə vəŋku və vɨɨ faŋ mbə lùu tey yi nə. Yiku baa nə shɨ yiku bəŋsə vɨɨ mbɨə faŋ mbə lùu taa ghɔ vəŋ. Vɨ sɔꞌ vənu və vɨɨ faŋ vəŋ nəə yɨsə tɔ tɔ,

Reveleyshən 6:8

Mə ndeynə, yè nyaa yikoꞌ yimɔ́ꞌ faŋ nyə nɨndɔɔlə. Wuu məkoꞌ wi lùu yiku, shɨ yiku beꞌsə ŋwə. Vɨ gaasə vɨɨ fɨ taa mbi vəshəŋ yishwe, kɔ̀ shəŋ kəmuꞌ tɨ́ ŋwə, kɔ̀ wutə tɨ́ ŋwə maa məndisə vəŋ nə baꞌ yighaw, baa nə jɨŋ, nə vəza, nə nyaasə bwəsə fɨ shɨ nsi.