Matiu 11:11 - Vengo (Babungo)

¹¹ Mə naysə nu yinsəŋ tɨ́ viŋ laa, wə mɔ́ꞌ faŋ ŋwə kwàlə shɔ̀ɔ Jɔn, wuu məkɔ muu mə Nwi, kee ta lùu shɔ taa ŋwaa vɨɨ faŋ bì wəzwi me. Luu nə, ŋkee wuu tɨtiꞌ fɨ taa ŋwaa vɨɨ mbɨə faŋ vəŋ ndɔ ŋii taa nu yifwàŋ yizɔ, kwàlə shɔ̀ɔ ŋwə.

Matiu 11:11 ပူးပေါင်းရင်းမြစ်များ

Matiu 11:10

Jɔn nə luu ŋkee wuu ntɔŋ Nwi ŋgwə faŋ vɨ nə nyɔ̀ꞌ buꞌ ŋwə taa ŋwaꞌlə Nwi laa, Nwi nə gi laa, «Ye mɔɔ, mə ndɔ tɔŋ wuu ntɔŋ ŋwaa, ŋwə jwi vɨsɨ fɨ ghɔ ghɔ, lootə jɨɨ tɨ́ ghɔ.»

Matiu 11:12

Shu fɨ maa shi ŋkɨə faŋ Jɔn, wuu məkɔ muu mə Nwi, nə fùu, jwi kɔ tɔ və-ndee, vɨ nywenə nu yifwàŋ yizɔ. Vɨɨ kəə bɨsə nu yifwàŋ yizɔ yɔ́ nə wutə.

Matiu 3:1

Nə luu maa ŋuꞌsə mbi sɔ́, Jɔn, wuu məkɔ muu mə Nwi, fuu kɨ fɨꞌtə nu Nwi tɔɔ waꞌsə,

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Matiu 5:19

Nɨniŋ, wə kɨ luu ndisə sheꞌ wee-ntɨ yimuꞌ fɨ taa ntɨsə Nwi sətɨtiꞌ, dèesə vɨɨ shɔ, buu vɨ ndɔ kɨ tii ŋwə nə wuu tɨtiꞌ taa nu yifwàŋ yizɔ. Luu nə, wə kɨ luu nùŋsə ntɨsə sɔ́, baa deesə tɨ́ vɨɨ, buu vɨ ndɔ kɨ tii ŋwə nə wuu kwalə taa nu yifwàŋ yizɔ.

Lukas 1:15

buꞌ laa ŋwə ndɔ luu wuu kwalə vɨsɨ Nwi. Ŋwə kee ndɔ nu məluꞌ me, tɨꞌnə me fa mɔ́ꞌ faŋ ŋkə buulə tɔ wə me. Zwitə Ley Nwi ndɔ lwaŋ taa fwi ŋwə, shù ŋkee fɨ taa njyoꞌ nshu wi.

Lukas 7:28

Mə naysə tɨ́ viŋ laa wə kee lùu shɔ, faŋ nə bì wəzwi, faŋ kaꞌ ŋwə kwàlə shɔ̀ɔ Jɔn me. Luu nə, ŋkee wuu tɨtiꞌ faŋ ŋwə ndɔ ŋii nu yifwàŋ Nwi, kwalə shɔ̀ɔ ŋwə.

Lukas 9:48

gì tɨ́ vəŋ laa, «Wə ntɨə faŋ ŋwə ndì wee ŋwə̀, kɨ gaŋtə maa yizii nyaa, buu ŋwə gàŋtə luu mə. Wə ntɨə faŋ ŋwə gàŋtə mə, gàŋtə wə ntɨə faŋ ŋwə nə tɔ̀ŋ mə nə. Wə faŋ luu ŋkee wuu tɨtiꞌ fɨ taa ŋwaa viŋ, buu lùu wuu kwalə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:15

Ŋwə nə jwì nɨniŋ, Jɔn twelə nu ki kɔ́, gisə nəŋay laa, «Ye wə ntɨə faŋ mə nəə gisə buꞌ ŋwə. Ŋwə shɔ̀ɔ mə, faŋ ŋwə kɔlə jwì fɨ yiba jɨŋ mə nə. Ŋwə nə lùu shɔ maa yighee njyə faŋ mə nə kee ta lùu mbi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:27

Ŋwə lùu wə ntɨə faŋ ŋwə taa jwì fɨ yiba jɨŋ mə, faŋ mə kee bee kùꞌnə maa məkeꞌtə kuu gɔsə wi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:41

Vɨɨ vəyaŋ jwi yɨ ŋwə, kɨ gisə laa, «Jɔn nəə kee yɨ vənu və shuu yɔŋvə me. Luu nə, vənu vənshə faŋ ŋwə nə gi kɔ̀ŋ wə ŋwə̀, lùu yinsəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:30

Bàw ŋwə kɨ kwalə, mə kɨ tiitə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:35

Yinsəŋ, Jɔn nə luu yaa kiꞌ faŋ ŋwə bee ŋkee ley. Luu nə, viŋ nə kàw dùꞌ taa məley wi ghɔ́ sheꞌ maa kuŋtə yighee, baa ndɔ̀. Viŋ nə bìŋ yigisə yi sheꞌ maa kuŋtə yighee baa mèꞌtə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

1 Kɔrintian 15:9

Fɨ taa ŋwaa vɨɨ ntɔŋ Yeso, mə luu ŋkee nshətə yiba. Mə kee kùꞌnə tɨ́ kaꞌ vɨ tìi mə laa mə lùu wuu ntɔŋ Yeso me, buꞌ laa mə nəə toꞌ zwilə vɨɨ Kristo yighee vɨsɨ.

1 Kɔrintian 6:4

Nɨniŋ, yighee njyə faŋ nu gày taa ŋwaa viŋ, kɨ viŋ ndɨ, gə̀ nə ŋkə taa ŋii nsɔꞌsə me, tɨ́ kaꞌ vɨɨ faŋ kee lùu vɨɨ Nwi me, sɔꞌ nsɔꞌsə sɔ́, shìa me.

Efesɔs 2:3

Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

2 Timoti 1:10

Lùu ndwə, ŋkə fùu ntee, faŋ wuu məbweysə ŋwaa-nsiŋ, Yeso Kristo nə fùu mbi, ndìsə yiku, nùŋsə məbwey vəlwaŋ faŋ ŋwə gòꞌsə yighee muꞌ tɨ́ vɨɨ mbɨə faŋ vəŋ zɔ ntɔŋ yijəə yɔ́.

Hibru 11:40

Lùu nɨniŋ buꞌ laa Nwi nə bìa nu faŋ luu ŋkee nu jəə tɨ́ nsiŋ. Nwi nə bia laa ŋwə ndɔ ndi nsiŋ vɨ vəŋ, yɨ̀sə nsiŋ vənshə ndɔ zɨ məbwey vəlwaŋ shɨ Nwi.

1 Pita 1:10

Viŋ kɔꞌ kɨɨ laa nshiisə-ŋii sɔghɔ fɨ ywaŋ vɨsɨ nəə bɨbɨꞌtə kɔ̀ŋ məbwey vəlwaŋ ghɔ́, kɨ kəə jɨɨ yi, faŋ vəŋ nəə fɨꞌtə ŋiꞌ ki tɨ́ vɨɨ. Vəŋ nə fɨꞌtə kɔ̀ŋ məbwey ghɔ́ faŋ Nwi kɔ̀ tɨ́ viŋ ndwə.