Matiu 11:1 - Vengo (Babungo)

¹ Faŋ Yeso nə mètə maa məkɔ ntɨ yɔ́ tɨ́ vɨɨ məzwetə nu ki njɔsə-bɔɔ nə, ndɔ̀ fɨ yifi, gə̀ kɨ deesə nu Nwi taa ntɨꞌsə shɨ vəŋ.

Matiu 11:1 ပူးပေါင်းရင်းမြစ်များ

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Matiu 4:23

Yeso kɨ nii toꞌ fɨ taa shɨ Galilii kənshə, deesə nu Nwi taa ndɔꞌ Nwi, fɨꞌtə ntɔŋ yijəə kɔ̀ŋ nu yifwàŋ yizɔ, shùꞌ vəza vənshə nə vəndoꞌ vənshə fɨ maa vɨɨ.

Matiu 7:28

Yeso kɨ mètə təgi tɔ́, shuu vɨɨ vɔ́ yɔŋ maa yigi njyə faŋ ŋwə nə gì tɨ́ vəŋ nə,

Matiu 9:35

Yeso kɨ tɨtoꞌ fɨ taa məshɨ nə taa ntɨꞌsə sənshə, toꞌ deesə nu Nwi taa ndɔꞌ Nwi vəŋ, fɨꞌtə ntɔŋ yijəə kɔ̀ŋ nu yifwàŋ yizɔ, baa ndisə vəza nə vəndoꞌ fɨ maa vɨɨ.

Mark 6:12

Yeso mètə yigi yi yɔ́, vɨɨ məzwetə nu ki fuu, gə̀ kɨ fɨꞌtə nu Nwi laa vɨɨ kwiinə njɨɨnə vəŋ.

Lukas 23:5

Luu nə, vəŋ tweꞌ laa ŋwə buulə shɨ buꞌ faŋ ŋwə deesə nu ki shɨ Judia kənshə, baa nə laa ŋwə nə zì ŋkee fɨ shɨ Galilii, jwi ziꞌ feenə.

Lukas 8:1

Nu kɔ́ kɨ mè, Yeso ndɔ kɨ toꞌ fɨ taa ntɨꞌsə nə məshɨ, toꞌ fɨ̀ꞌtə nu Nwi shɔ, jwi nə ntɔŋ yijəə kɔ̀ŋ nu yifwàŋ Nwi tɨ́ vɨɨ, toꞌ nɨniŋ, ghɔ vɨ vɨɨ vi njɔsə-bɔɔ luu mɔ́ꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10

Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:14

Viŋ lùu vɨɨmba vaŋ faŋ viŋ yɨ nu ŋkɨə faŋ mə tɨ̀sə viŋ shɔ nə.

Akts 1:2

ziꞌ maa shi ŋkɨə faŋ Nwi nə ndi ŋwə, kòꞌsə ŋwə yizɔ, tɨ́ ŋwə yaa tɨ vɨɨ ntɔŋsə vi faŋ ŋwə nə shoꞌ nə, fɨ taa Zwitə Ley Nwi.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 10:42

Ŋwə nə nàysə tɨ́ yia laa yia kɨ fɨꞌtə nu Yeso tɨ́ vɨɨ, baa naysə tɨ́ vɨɨ laa, Nwi nùŋsə Yeso laa ŋwə luu wuu məshia nsɔꞌ vɨɨ bweynə nə vəŋku vənsisə.

1 Tesalonika 4:2

Viŋ kɔꞌ kɨɨ nə ntɨsə sɔ́, faŋ yia nə kɔ̀ tɨ́ viŋ maa yizii tɨta Yeso nə.

2 Tesalonika 3:10

Maa yia nə duꞌtə yia naysə nu kɔ́ tɨ́ viŋ, faŋ nsiŋ nəə kɨ bii mɔ́ꞌ nə, laa wə kɨ luu kee kɨ kaw faꞌ me, kɨ ŋwə zɨ me.

2 Tesalonika 3:6

Vaŋ-nshwi via, yia naysə tɨ́ viŋ maa yizii tɨta Yeso Kristo laa, viŋ buꞌsə fɨ ghɔ wə tɨ̀ me wə taa ŋwaa viŋ faŋ ŋwə kee kàw faꞌ me, kee kɨ toꞌ fɨ taa ntɨ njyə faŋ yia nə kɔ̀ tɨ́ viŋ nə me.

1 Timoti 6:14

Nɨniŋ laa a jia nu Nwi jəə, tuu ŋkee wee-nu bwə, tɨꞌnə me wee-ndoꞌ kee lùu maa ghɔ me, gə ziꞌ maa shi ŋkɨə faŋ tɨta ŋwaa-nsiŋ Yeso Kristo ndɔ fuu mbi.