Matiu 10:5 - Vengo (Babungo)

⁵ Yeso tɔŋ vɨɨ vɔ́ njɔsə-bɔɔ nə, gì tɨ́ vəŋ laa, «Kɨ viŋ shɔɔ fɨ maa jɨɨ faŋ nyə gə shɨ vɨɨ faŋ vəŋ kee kɨ̀ɨ nə Nwi me, kee ŋìi shɨ vɨɨ Samaria nɨzi me.

Matiu 10:5 ပူးပေါင်းရင်းမြစ်များ

Matiu 22:3

Ŋwə tɔŋ vəndifwaŋ vi laa vəŋ toꞌ tìi vɨɨ mbɨə faŋ vɨ nə shoꞌ vəŋ maa məzɨ yitianə məndaa ghɔ́. Vəndifwaŋ vɔ́ gə, vɨɨ vɔ́ kee biŋ jwì me.

Matiu 4:15

Ŋwə nə gì laa lee, «Vɨɨ fɨ nsi Zebulɔn nə fɨ nsi Naftali, faŋ nyə lùu kwiŋ maghia nə, yiba muu mə Jordan njɨɨ yi, maa kwiŋ shɨ Galilii, faŋ vɨɨ shi shɔ faŋ kee lùu vɨɨ Jus nə me.

Mark 6:7

Yeso kɨ nii tìi vɨɨ ntɔŋ vi njɔsə-bɔɔ yɨ ŋwə, tey kɨ gaasə vəŋ vəbɔɔ vəbɔɔ, tɔŋ vəŋ maa ntɔŋ Nwi, kɔ̀ wutə tɨ́ vəŋ, tɨ́ kɨ kaꞌ vəŋ kɨ fuusə vəzwitə vəbwəvə fɨ maa vɨɨ.

Lukas 10:1

Yiŋkii kɨ shɔɔ, tɨta Yeso shoꞌ vɨɨ ntɔŋ vi mɔ́ꞌ muu-ŋkwatia, tɔŋ vəŋ vəbɔɔ vəbɔɔ, vəŋ gə vɨsɨ kɨ toꞌ fɨ taa məshɨ məshɨ, maa vəshəŋ vənshə faŋ ŋwə taa kɨ shɔɔ fɨ fuŋ nɨzi.

Lukas 10:33

Wə mɔ́ꞌ fɨ shɨ Samaria jwi, (faŋ vɨɨ Jus ghɔ vɨ vɨɨ Samaria kee yaa kɨ zɨnə me). Wuu Samaria ghɔ́ jwi, ziꞌ yɨ wə ghɔ́, ye ŋwə, kèe gəŋ si,

Lukas 17:16

Ŋwə jwi gù vɨsɨ Yeso, tùŋ yikəꞌ yi nsi, kɔ bwaŋ-wee. Wə ghɔ́ nə luu wuu Samaria.

Lukas 9:1

Shi mɔ́ꞌ Yeso shəŋtə vɨɨ ntɔŋ vi njɔsə-bɔɔ, kɔ̀ wutə tɨ́ vəŋ, ŋkee wutə maa məfuusə vəzwitə vəbwəvə vənshə fɨ maa vɨɨ, baa nə wutə maa məshuꞌ vəza,

Lukas 9:2

kɨ nii tɔŋ vəŋ laa vəŋ gə, kɨ toꞌ, fɨꞌtə nu yifwàŋ Nwi tɨ́ vɨɨ, baa shùꞌ vəza fɨ maa vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:18

Mə tɔŋ vəŋ taa mbi, sheꞌ faŋ a nə tɔ̀ŋ mə taa mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:21

Yeso baa gì tɨ́ vəŋ laa, «Mənɔŋ-bwaŋnə tɔ viŋ. Tɨta Nwi nə tɔ̀ŋ mə nə ntɔŋ. Nɨniŋ, mə tɔŋ viŋ ndwə nə ntɔŋ Nwi yɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:20

Mə kəə bitə nu tɨ́ ghɔ. Vətɨɨ via nəə jwi shɔ̀ꞌtə Nwi fuu baŋ nyə̀ feenə. Gə fɨ maa viŋ, vɨɨ Jus, viŋ gi laa, Jerusalem lùu shəŋ ŋkɨə faŋ kaꞌ vɨɨ kɨ gə shɔ̀ꞌtə Nwi shɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:5

Ŋwə gə ziꞌ maa ntɨꞌ yimɔ́ꞌ fɨ shɨ Samaria, yizii ntɨꞌ yɔ́ luu Sika. Ntɨꞌ yɔ́ luu yɨ shəŋ nsi ŋkɨə faŋ Jeykob nə kɔ̀ tɨ́ ŋwiŋ wi Josef fɨshi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:9

Wəzwi ghɔ́ gi tɨ́ Yeso laa, «A lùu wuu Jus, kɨ ndwaŋ muu fɨ ghɔ wuu Samaria lee?» Ŋwə nə gì nɨniŋ, buꞌ laa vɨɨ Jus ghɔ vɨɨ Samaria nə kee zɨzɨnə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:35

Vɨɨ Jus gi sheꞌ vəŋ vəŋ laa, «Wə ŋwə̀ sii gì laa yi ndɔ gə fə, tɨ́ kaꞌ nsiŋ kee ndɔ ye ŋwə me? Ŋwə ndɔ gə ye vɨɨ Jus mbɨə faŋ vəŋ sàynə taa ŋwaa vɨɨ Griik, kɔꞌ kɨ nii deesə nu ki tɨ́ vɨɨ Griik mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48

Vɨɨ kwalə vɨɨ Jus vɔ́ bitə tɨ́ Yeso laa, «Maa yia gì nu bɔŋsə laa a lùu wuu Samaria, baa nə laa zwitə bwə lùu taa ŋwaa ghɔ.»

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 10:45

Nu kɔ́ ghɔꞌ vɨɨ məbiŋ Kristo fɨ taa ŋwaa vɨɨ Jus, faŋ vəŋ nə jwì ghɔ vɨ Pita nə. Shuu vəŋ yɔŋ laa Nwi tù Zwitə Ley ki maa vɨɨ faŋ vəŋ nə kee lùu vɨɨ Jus me, faŋ vɨ nə kee sɨ̀ɨtə vəŋ me. Nwi nə key vəŋ nə Zwitə Ley ki,

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

1 Tesalonika 2:16

Vəŋ baa fəŋ yia laa kɨ yia kɨ gisə tɨ́ vɨɨ tətɔŋ fu, tɨ́ kaꞌ Nwi bweysə vəŋ me. Nɨniŋ, vəŋ lwèsə mfɨꞌ nu bwə vəŋ yighee muꞌ. Luu nə, nsɔꞌ Nwi duꞌtə nyə jia vəŋ maa məndisə vəŋ.