Matiu 10:32 - Vengo (Babungo)

³² Viŋ zɔ! Wə tɨ̀ me wə faŋ ŋwə bìŋ mə ntee vɨsɨ vɨɨ, buu mə ndɔ biŋ ŋwə nɨzi vɨsɨ Tii ŋwaa faŋ ŋwə lùu yizɔ.

Matiu 10:32 ပူးပေါင်းရင်းမြစ်များ

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:22

Vətɨɨ vi nə gì nɨniŋ, buꞌ laa vəŋ nəə fee vɨɨ Jus vɔ́, buꞌ laa vɨɨ Jus vɔ́ nə duꞌtə vəŋ tə laa, wə faŋ ŋwə taa biŋ ntee, ndɔ gì ntee laa Yeso lùu wə ntɨə faŋ Nwi shòꞌ, buu vəŋ taa fuusə ŋwə fɨ taa ŋii məshəŋtə vəŋ yighee muꞌ.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

Reveleyshən 2:13

«Mə kɔꞌ kɨɨ nə shəŋ ŋkɨə faŋ a shi shɔ nə. Lùu shəŋ ŋkɨə faŋ ŋkaw Satan, tɨɨ vəzwitə vəbwəvə, lùu shɔ. Luu nə, a kee bìŋ ŋwə me; a jìa luu yizii nyaa. A nə kee ta twey maa məbiŋ nu kaŋ me. A nə jìa nu kaŋ ŋkee maa yighee njyə faŋ vɨ nə zwi Antipas, faŋ ŋwə nə bìŋ nu kaŋ ntee nə fwi yijəə nə, shɨ viŋ, faŋ Satan shi shɔ nə.

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»