Matiu 10:3 - Vengo (Babungo)

³ nə Filip, nə Bartolomi, nə Tɔmas, nə Matiu wuu məfi tasə, nə Jeyms wee Alfeɔs, nə Tadeɔs,

Matiu 10:3 ပူးပေါင်းရင်းမြစ်များ

Matiu 18:17

Kɨ luu ŋwə twey maa məzɔ yigisə vəŋ, a nàysə tɨ́ məshəŋtə vɨɨ Nwi. Ŋwə taa kɨ luu twey yigisə vəŋ nɨzi, buu a ndi ŋwə yaa wuu məmanə Nwi, tɨꞌnə me wuu məsa vətɔ.

Matiu 27:56

Wə muꞌ fɨ taa ŋwaa vəki vɔ́ nə luu Meri Madalin, wuu mɔ́ꞌ luu Meri, nshu Jeyms ghɔ Josef, wuu mɔ́ꞌ luu nshu vaŋ Zebedii.

Matiu 9:9

Yeso fuu fɨ fuŋ, kii gə vɨsɨ, yè wə mɔ́ꞌ faŋ ŋwə dùꞌ shuu ŋii məsa vətɔ, yizii yi luu Matiu, gì tɨ́ ŋwə laa, «Beꞌsə mə!» Ŋwə ndɔ fɨ nsi, bèꞌsə Yeso.

Mark 15:40

Vəki vəmɔ́ꞌ nə luu shɔ nɨzi, tɨ̀ŋ ntaŋ, kɨ ye. Vəki vəmɔ́ꞌ fɨ taa ŋwaa vəŋ nə luu Meri Madalin, nə Salomi, nə Meri nshu Jeyms bwa ghɔ Josef.

Mark 2:14

shɔ̀ɔ kii gə, yè Levi, wee Alfeɔs, faŋ ŋwə nə dùꞌ shuu ŋii məsa vətɔ. Yeso gi tɨ́ ŋwə laa, «Beꞌsə mə!» Levi ndɔ fɨ nsi, bèꞌsə Yeso.

Mark 3:18

Ŋwə baa shoꞌ Andru, nə Filip, nə Bartolomi, nə Matiu, nə Tɔmas, nə Jeyms wee Alfeɔs, nə Tadeɔs, nə Saymon wuu Kanahan,

Lukas 18:10

«Vɨɨ vəbɔɔ nə koꞌ gə̀ taa ŋii Nwi yikwalə maa məshɔꞌtə Nwi. Wuu mɔ́ꞌ lùu wuu Farisii, wuu mɔ́ꞌ lùu wuu məsa vətɔ.

Lukas 18:11

Wuu Farisii ghɔ́ gə koꞌ yàanə yizɔ, shɔꞌtə Nwi maa nshɨ-tɔ wi laa, «Nwi ŋwaa, mə bwaŋ ghɔ, buꞌ laa mə kee lùu yaa vɨɨ mɔ́ꞌ me. Mə kee lùu yaa vəndɔꞌ, nə vɨɨ məyɨ vənu və mbuulə, nə vɨɨ mətii vəki me, tɨꞌnə me yaa wuu məsa vətɔ ŋwə̀ me.

Lukas 18:13

Gə fɨ maa wuu məsa vətɔ ghɔ́, ŋwə jwi tɨŋ ŋkee ntaŋ, kee bee jìa fwi maa məŋaꞌsə yisɨ yi, ndeynə yizɔ me, buꞌ fwi yi, shɔꞌtə Nwi laa, «Nwi, kee gəŋ saŋ, mə lùu wuu bwə!»

Lukas 19:2

wə mɔ́ꞌ luu shɔ ntɨꞌ Jeriko, yizii yi luu Zakiɔs. Ŋwə nə luu tɨɨ vɨɨ məsa vətɔ, baa lùu tɨɨ ka nɨzi.

Lukas 5:27

Yiŋkii kɨ mè, Yeso fuu fu, kɨ toꞌ, yè wuu məsa vətɔ faŋ ŋwə nə dùꞌ shuu ŋii məsa vətɔ. Yizii yi luu Levi. Yeso gi tɨ́ ŋwə laa, «Beꞌsə mə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:48

Nataniel bitə tɨ́ Yeso laa ŋwə sii kɨ̀ɨ nə yi fɨ fə? Yeso bəŋsə tɨ́ ŋwə laa, «Yighee njyə faŋ Filip nə kee ta tìi ghɔ me, mə nə duꞌtə mə ye ghɔ ŋiꞌ tɨ taŋ fig.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:16

Tɔmas faŋ vɨ tii ŋwə nə Siꞌye nə, gi tɨ́ vəliŋ vi laa, «Viŋ kɨ nshɔ, nsiŋ vɨ vəŋ gə mɔ́ꞌ, tɨ́ la nsiŋ vɨ vəŋ kukə mɔ́ꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:22

Judas mɔ́ꞌ faŋ nə kee lùu Judas Iskariot me, bitə tɨ́ ŋwə laa, «Sii yɨ̀ kə a kəə də̀ ŋwaa wə sheꞌ tɨ́ yia, kee biŋ laa mbi ye ghɔ nɨzi me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:5

Tɔmas gi tɨ́ ŋwə laa, «Yia kee kɨɨ nə shəŋ ŋkɨə faŋ a gə shɔ me. Sii kaꞌ yia kɨ̀ɨ nə jɨɨ kɨkə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:9

Yeso gi tɨ́ ŋwə laa, «Filip, nsiŋ duꞌtə nsiŋ tày dɨdɨꞌ, a kee ta kɨ̀ɨ nə mə yimu? Wə ntɨə faŋ ŋwə yè mə, buu ŋwə yè luu Tii ŋwaa. A sii gì laa mə də Tii ŋwaa tɨ́ viŋ kɨkə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Akts 1:13

Vəŋ ziꞌ ntɨꞌ Jerusalem, koꞌ gə̀ taa njɨɨ ŋii njyə faŋ vəŋ yaa kɨ baytə shɔ nə. Vɨɨ vɔ́ nə luu Pita nə Jɔn nə Jeyms nə Andru nə Filip nə Tɔmas nə Bartolomi nə Matiu, nə Jeyms wee Alfeɔs, nə Saymon ŋgwə faŋ vɨ tii ŋwə nə wuu məsɨŋsə maa nu, baa nə Judas wee Jeyms.

Akts 12:17

Ŋwə shitə vəŋ nə ghɔ ki, ndɔ nàysə tɨ́ vəŋ, faŋ Nwi nii fùusə yi fɨ taa ŋii mfiŋ, kɨ nii gì laa vəŋ naysə tɨ́ Jeyms nə tɨ́ vaŋ-nshwi vəmɔ́ꞌ, kɨ nii ndɔ, nyɨŋ gə shəŋ day.

Akts 15:13

Faŋ Barnabas ghɔ Pɔɔl metə yigisə vəŋ yɔ́, Jeyms gi laa, «Vaŋ-nshwi vaŋ, viŋ zɔ nu ŋkɨə faŋ mə gisə!

Akts 21:18

Fu kɨ lee, Pɔɔl ndi yia laa yia vɨ vəŋ gə yè Jeyms. Yia ziꞌ shɔ, tɨ́ vɨɨ taa vənshə fɨ taa məshəŋtə vɨɨ Kristo baytə fu Jeyms.

Galatia 1:19

Mə nə kee yè wuu ntɔŋ Kristo mɔ́ꞌ me, tɨ̀ lɨꞌ sheꞌ Jeyms, weenshu tɨta Yeso.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.