Matiu 10:23 - Vengo (Babungo)

²³ Vɨ ndɔ kɨ shoꞌ ghuu ghiŋ fɨ taa ntɨꞌ yimɔ́ꞌ, viŋ nyɨŋ gə shəŋ day. Mə naysə nu yinsəŋ tɨ́ viŋ laa viŋ kee ndɔ kia shɨ Isirayl, mètə ntɨꞌsə sənshə me, buu Wuu yinsəŋ Nwi ndɔ bəŋ jwì me.

Matiu 10:23 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 2:13

Vəŋ ndɔ nɨniŋ, njyəə shi Josef. Nshiiŋii Nwi jwi maa ŋwə taa njyəə, gì tɨ́ ŋwə laa, «Ndɔ fɨ nsi, ndì wee ŋwə̀ ghɔ nshu wi, nyɨŋ gə̀ shɨ Ijip, gòꞌ shɔ, zìꞌ maa yighee njyə faŋ mə ndɔ naysə tɨ́ ghɔ, buꞌ laa fwàŋ Herod shoꞌ ghuu wee ŋwə̀ maa məzwi ŋwə.»

Matiu 23:34

Yeso nə baa gì tɨ́ vɨɨ vɔ́ laa, «Viŋ zɔ! Nwi gì laa yi ndɔ tɔŋ nshiisə-ŋii sɔghɔ, nə vɨɨ yitɔfə, nə vɨɨ mədeesə ŋwaꞌlə Nwi tɨ́ viŋ, viŋ zwilə vəmɔ́ꞌ fɨ taa ŋwaa vəŋ, bey vəmɔ́ꞌ fuu fəŋkɔꞌ fə ŋkɨꞌsə, saŋ vəmɔ́ꞌ fɨ taa ŋwaa vəŋ taa ndɔꞌ Nwi ghiŋ, ndɔ shoꞌ ghuu vəŋ, vəŋ kɨ nyɨŋ fɨ shɨ tɔŋ, gə shɨ tɔŋ day.

Matiu 23:36

Mə naysə ŋkee nu yinsəŋ tɨ́ viŋ laa, vənu vɔ́ vənshə ndɔ koꞌ tɔ ŋgwisə yiŋ.

Matiu 24:27

Yighee njyə faŋ Wuu yinsəŋ Nwi ndɔ baa bə̀ŋ jwì, vɨ ndɔ kɨ gwəkə ye ŋwə maa vəshəŋ vənshə. Ŋkə ndɔ luu sheꞌ yaa yibay faŋ nyə yaa kɨ ndɔ fɨ kwiŋ ntɔŋ-shɨshwi, ndwaꞌlə gə ziꞌ kwiŋ mfiŋ-shɨshwi.

Matiu 24:30

Shwenə Wuu yinsəŋ Nwi kɨ nii fùu taa yizɔ. Vɨɨ məshɨ mənshə fɨ taa mbi gwia, kɨ ye Wuu yinsəŋ Nwi ghɔ́, faŋ ŋwə bəŋ jwì fɨ fuu mbɔꞌ fɨ taa yizɔ, nə wutə nə feenə yaŋ.

Matiu 24:34

Viŋ zɔ! Mə naysə tɨ́ viŋ yinsəŋ laa, ŋgwi nyə̀ kee taa mè me, buu vənu vɔ́ gay vənshə.

Matiu 24:48

Luu nə, wuu faꞌ bwə kɨ luu gi fɨ taa fwi ŋwə laa, «Tɨɨ faꞌ ŋwaa tày,»

Matiu 25:13

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 4:12

Yeso kɨ zɔ laa vɨ jia Jɔn, kwàŋ taa ŋii mfiŋ, ŋwə ndɔ fɨ yifi, bə̀ŋ gə̀ shɨ Galilii.

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Lukas 18:8

Mə naysə tɨ́ viŋ laa, ŋwə ndɔ gaŋtə vəŋ nə nsɔꞌsə vəŋ titi. Gə fɨ maa Wuu yinsəŋ Nwi, vɨɨ ndɔ luu shɔ faŋ vəŋ nùŋ fwisə vəŋ maa ŋwə maa yighee njyə faŋ ŋwə ndɔ bəŋ jwi taa mbi nə mu?»

Lukas 21:27

Vənu vɔ́ ndɔ gay nɨniŋ, buu vɨ kɔꞌ kɨ nii ye Wuu yinsəŋ Nwi, faŋ ŋwə ndɔ baa jwi, tɨ́ ŋwə dùꞌ fuu mbɔꞌ, kɨ jwi ŋkee nə wutə, baa nə feenə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:1

Yiŋkii kɨ shɔɔ, Yeso nə toꞌ fɨ shɨ Galilii. Ŋwə nə kee baa kaw kɨ toꞌ fɨ shɨ Judia me, buꞌ laa vɨɨ kwalə vɨɨ Jus nəə kəə zwi ŋwə.

Akts 17:10

Sheꞌ faŋ fu nə jɨ, vɨɨ məbiŋ nu Kristo ndi Pɔɔl ghɔ Silas, tɔŋ vəŋ ntɨꞌ Berea. Nɨniŋ, vəŋ gə zìꞌ Berea, shɔ̀ɔ gə̀ ŋìi taa ŋii məshɔꞌtə Nwi vɨɨ Jus.

Akts 17:14

Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 20:1

Faŋ yumə məbuulə vədɨꞌ nə shìa, Pɔɔl baytə vɨɨ məbiŋ nu Kristo shəŋ muꞌ, gì tɨ́ vəŋ, tɨ vəŋ, kɨ nii kɔ̀ bwey-jəə tɨ́ vəŋ, ndɔ̀ gə̀ shɨ Makedonia,

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.