Matiu 10:22 - Vengo (Babungo)

²² Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Matiu 10:22 ပူးပေါင်းရင်းမြစ်များ

Matiu 10:39

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Gə fɨ maa wə ntɨə faŋ ŋwə ndisə ŋwaa wi buꞌ mə, ŋwə ndɔ bweysə ŋwaa wi, zɨ̀ məbwey vəlwaŋ.»

Matiu 24:13

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.

Matiu 24:9

Yiŋkii ndɔ kɨ shɔɔ, vɨ jiatə viŋ, kɔ̀ maa vəshəŋ və ŋɨꞌ, zwìlə viŋ. Vɨɨ kɨ bee viŋ taa məshɨ mənshə buꞌ nu yizii kaŋ.

Matiu 5:11

Mənɔŋ-bwaŋnə lùu tɨ́ viŋ, faŋ vɨɨ ndasə viŋ, shoꞌ ghuu ghiŋ, gisə vənu vəbwəvə tɔ viŋ, sɨɨ təba shɔ buꞌ mə.

Mark 13:13

Gə fɨ maa viŋ, vɨɨ vənshə ndɔ bee viŋ buꞌ mə. Luu nə, wə ntɨə faŋ ŋwə kà fwi yi zìꞌ tɨ́ vəndwə və vənu vɔ́, ndɔ zɨ məbwey vəlwaŋ.»

Lukas 21:17

Vɨɨ vənshə ndɔ bee viŋ buꞌ mə.

Lukas 21:19

Viŋ ndɔ kɨ jia fwi yiŋ maa ŋɨꞌ, kɔꞌ kɨ bɨbiŋ, buu viŋ ndɔ fi məbwey vəlwaŋ faŋ ŋwə gòꞌsə yighee muꞌ.»

Lukas 6:22

Mənɔŋ-bwaŋnə lùu tɨ́ viŋ faŋ vɨɨ bee viŋ, jɔmə viŋ, tɨꞌnə me ndasə viŋ, tɨꞌnə me ndì yizii yiŋ laa lùu fa bwə buꞌ Wuu yinsəŋ Nwi.

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:14

Mə nə nàysə yigisə yə tɨ́ vɨɨ vaŋ vɔ́. Nɨniŋ, mbi nə bee vəŋ, buꞌ faŋ vəŋ kee lùu vaŋ fɨ taa mbi nyə̀ me, sheꞌ yaa nshɨ-tɔ ŋwaa kee lùu wee mbi nyə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:7

Kaꞌ mbi kee bèe viŋ me. Mbi bee sheꞌ mə, buꞌ faŋ mə gisə ntee laa vəŋ yɨ vənu vəbwəvə.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

2 Kɔrintian 4:11

Faŋ yia kɔlə bwèy nə, yia luu shuu yiku buꞌ Yeso ghee nshə. Nɨniŋ laa vɨ kɨ ye məbwey Yeso maa mbasə ŋwaa wia, faŋ ŋwə kɔlə lùu fa yiku nə.

Galatia 6:9

Nɨniŋ, bàw nsiŋ kɨ yɨ vənu vəjəəvə ghee nshə, kee bwa me. Nsiŋ kɨ luu kee bə̀ŋ nə yiba me, buu nsiŋ ndɔ ye ŋkee nu jəə ŋkɨə faŋ ŋkə fuu fɨ maa faꞌ ŋwaa-nsiŋ ghɔ́ maa yighee njyə faŋ Nwi tə̀.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 6:11

Yia kəə sheꞌ laa wə tɨ́ me wə fɨ taa ŋwaa viŋ kɨ faꞌ nə wutə, gə ziꞌ maa vəndwə, kee bwa me, tɨ́ kaꞌ viŋ ndɔ kii məbwey vəlwaŋ faŋ viŋ tə̀ sɨ shɔ nə.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Jɔn 3:13

Nɨniŋ, vaŋ-nshwi vaŋ, kɨ yishuu yiŋ yɔŋ buꞌ faŋ mbi bee viŋ me.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 2:26

Wə ntɨə faŋ ŋwə jìa nu kaŋ, kee mèꞌtə me, gə kɔ maa vəndwə, buu mə ndɔ kɔ wutə məsɔꞌ vɨɨ tətɔŋ fu tɨ́ ŋwə.

Reveleyshən 2:3

Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.

Reveleyshən 2:7

Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»