Matiu 10:2 - Vengo (Babungo)

² Təzii tə vɨɨ vi vɔ́ njɔsə-bɔɔ nə, lùu nee: Saymon faŋ vɨ tii ŋwə nə Pita, nə Andru weenshu wi, nə Jeyms wee Zebedii, nə Jɔn weenshu wi,

Matiu 10:2 ပူးပေါင်းရင်းမြစ်များ

Matiu 17:1

Vəshi kɨ shɔɔ ntɔfə, Yeso ndi Pita nə Jeyms nə Jɔn, weenshu Jeyms, ghɔ vɨ vəŋ koꞌ fuu baŋ yidə yimɔ́ꞌ sheꞌ vəŋ vəŋ.

Matiu 20:20

Yiŋkii kɨ shɔɔ, nshu vaŋ Zebedii ghɔ vɨ vaŋ vi vɔ́ jwi yɨ Yeso, jə̀ vətɔ vəyəə vi nsi, bùꞌ ghɔ tɨ́ ŋwə maa nu.

Matiu 26:37

Ŋwə kɨ nii ndì Pita ghɔ vaŋ Zebedii vəbɔɔ nə, ghɔ vɨ vəŋ gə. Vəŋ gə nɨniŋ, ŋwə tey kɨ luŋ, fwi yi ghaysə ŋwə.

Matiu 4:18

Yeso kɨ shɔ̀ɔ fɨ mbɨɨ maghia Galilii shi mɔ́ꞌ, yè vɨɨ vəbɔɔ faŋ vəŋ nə mɔꞌ ghuu susə vəŋ taa muu. Vɨɨ vɔ́ nə luu Saymon faŋ vɨ tii ŋwə nə Pita, ghɔ weenshu wi Andru. Vəŋ nə luu vɨɨ məkoo susə.

Matiu 4:21

Ŋwə baa kɨ toꞌ, filə gə vɨsɨ, baa yè vaŋ-nshwi mɔ́ꞌ vəbɔɔ, luu Jeyms, wee Zebedii, ghɔ weenshu wi Jɔn, faŋ vəŋ nə dùꞌ taa bay ghɔ vɨ tɨɨ vəŋ Zebedii, kɨ təənə təŋɔŋ fɨ maa ghuu susə vəŋ. Yeso tii vəŋ nɨzi.

Mark 1:29

Sheꞌ fɨkɨꞌ nee, Yeso ghɔ vɨ vɨɨ vi fuu fɨ taa ŋii məshɔꞌtə Nwi, gə̀ taa ŋii Saymon ghɔ Andru. Jeyms nə Jɔn gə shɔ nɨzi.

Mark 13:3

Vəŋ shɔɔ kɨ gə fuu baŋ Vətɨ-və-Məŋgwə. Vəŋ ziꞌ shɔ, Yeso duꞌnə nsi. Ŋii Nwi yikwalə yɔ́ nə luu vɨsɨ ŋwə. Pita nə Jeyms nə Jɔn, baa nə Andru, jwi bìtə tɨ́ ŋwə sheꞌ vəŋ vəŋ laa,

Mark 6:30

Vɨɨ ntɔŋsə Yeso bəŋ fàynə yɨ ŋwə, nàysə vənu vənshə faŋ vəŋ nə yɨ̀ tɨ́ ŋwə, nə mbɨə faŋ vəŋ nə dèesə.

Lukas 11:49

Buꞌ nu kɔ́ Nwi gì fɨ maa yitɔfə yi laa yi taa tɔŋ nshiisə-ŋii sɔghɔ nə vɨɨ ntɔŋsə tɨ́ vəŋ, vəŋ taa zwilə vəmɔ́ꞌ, shoꞌ ghuu vɨɨ mɔ́ꞌ.

Lukas 22:14

Yighee kɨ kuꞌ, Yeso jwi, ghɔ vɨ vɨɨ ntɔŋ vi dùꞌ nsi maa məzɨ vətɔ vɔ́.

Lukas 22:8

Yeso tɔŋ Pita ghɔ Jɔn, gì laa vəŋ gə nàysə fazɨ Pasa, tɨ́ kaꞌ vəŋ taa zɨ.

Lukas 5:10

Jeyms nə Jɔn, vaŋ Zebedii, nə luu taa ŋwaa vəliŋ və Saymon vɔ́. Vəŋ nəə fee nɨzi. Yeso gi tɨ́ Saymon laa, «Kɨ ghɔ fee me! Zì fɨ ndee, a taa kɨ baytə vɨɨ tɨ́ Nwi, yuu a nə baytə susə taa ghuu nə.»

Lukas 9:10

Vɨɨ ntɔŋ Yeso vɔ́ bəŋ jwì, fɨ̀ꞌtə vənu vənshə faŋ vəŋ nəə yɨsə tɨ́ ŋwə. Ŋwə ndi vəŋ, ghɔ vɨ vəŋ bɨɨ gə̀ sheꞌ vəŋ vəŋ maa shəŋ ndenə, gə̀ zìꞌ maa ntɨꞌ yimɔ́ꞌ, yizii ntɨꞌ yɔ́ luu Betsayda.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:22

Filip ndɔ gə̀ naysə nu kɔ́ tɨ́ Andru. Vəŋ vəbɔɔ kɨ nii gə nàysə tɨ́ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:23

Wə muꞌ fɨ taa ŋwaa vɨɨ məzwetə nu Yeso nə luu shɔ faŋ ŋwə nə dùꞌ yɨ Yeso. Lùu ŋgwə faŋ Yeso nə kàw ŋwə shɔ̀ɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:2

Ŋwə nyɨŋ gə̀ yè Saymon Pita, nə wuu məzwetə nu Yeso mɔ́ꞌ, ŋgwə faŋ Yeso nə kàw ŋwə shɔ̀ɔ nə. Meri naysə tɨ́ vəŋ laa, «Vɨ fùusə ŋku tɨta ŋwaa-nsiŋ fɨ taa swi. Yia kee kɨɨ nə shəŋ ŋkɨə faŋ vɨ gə̀ nùŋ ŋwə shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:20

Vəŋ gə, Pita kiasə ŋwaa wi, yè wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, faŋ ŋwə nə beꞌsə vəŋ. Lùu ŋwə faŋ ŋwə nə yɨ̀ꞌtə shuu fwi Yeso maa yighee njyə faŋ vəŋ nə zɨ fazɨ vətuꞌ nə, ŋwə nə bìtə tɨ́ Yeso laa, «Tɨta, ndɔ fiŋ ndə fiŋ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:24

Nyɔ̀ꞌ wuu məzwetə nu Yeso faŋ ŋwə nə yè vənu vɔ́ nə yisɨ, nyɔ̀ꞌ ŋwaꞌlə ŋwə̀. Wə ghɔ́ nəə fɨꞌtə vənu vɔ́ tɨ́ vɨɨ nɨzi. Yia kɔꞌ kɨɨ laa nu ŋkɨə faŋ ŋwə nə gì nə, lùu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:67

Nɨniŋ, Yeso bitə tɨ́ vɨɨ məzwetə nu ki njɔsə-bɔɔ nə laa, «Ŋkiŋ sii lùu laa kə? Viŋ kee kəə nyɨŋ nɨzi yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:71

Yeso nəə gisə nu kɔ́ kɔ̀ŋ Judas, wee Saymon Iskariot, faŋ ŋwə ndɔ fiŋ Yeso nə. Ŋwə nə luu fɨ maa vɨɨ məzwetə nu Yeso njɔsə-bɔɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:8

Wuu məzwetə nu Yeso mɔ́ꞌ, faŋ yizii yi luu Andru, weenshu Pita, gi tɨ́ Yeso laa,

Akts 1:13

Vəŋ ziꞌ ntɨꞌ Jerusalem, koꞌ gə̀ taa njɨɨ ŋii njyə faŋ vəŋ yaa kɨ baytə shɔ nə. Vɨɨ vɔ́ nə luu Pita nə Jɔn nə Jeyms nə Andru nə Filip nə Tɔmas nə Bartolomi nə Matiu, nə Jeyms wee Alfeɔs, nə Saymon ŋgwə faŋ vɨ tii ŋwə nə wuu məsɨŋsə maa nu, baa nə Judas wee Jeyms.

Akts 1:26

Nɨniŋ, vəŋ tuŋ beꞌ maa yizii vɨɨ vɔ́ vəbɔɔ maa məshoꞌ wə muꞌ. Yizii njyə faŋ vɨ nə shoꞌ luu Matias. Ŋwə kɨ nii kùꞌsə nwaa vɨɨ ntɔŋsə Yeso njɔ-yimuꞌ nə.

Akts 12:2

Ŋwə nə jìa Jeyms, weenshu Jɔn, zwi ŋwə nə baꞌ yighaw.

Akts 3:1

Shi mɔ́ꞌ Pita ghɔ Jɔn koꞌ gə taa ŋii Nwi yikwalə maa vəshɨshwi vətia, faŋ nə luu yighee məshɔꞌtə Nwi.

1 Kɔrintian 15:7

Baa lùu maa yighee mɔ́ꞌ, Yeso fuu yikəꞌ Jeyms, baa kɨ nii fùu yikəꞌ vɨɨ ntɔŋ vi vənshə.

Efesɔs 4:11

Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə.

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

1 Pita 1:1

Lùu mə Pita, wuu ntɔŋ Yeso Kristo, faŋ mə tɔŋ ŋwaꞌlə ŋwə̀ tɨ́ viŋ, vɨɨ Nwi faŋ viŋ sàykə taa məshɨ mə Pɔntɔs nə Galatia nə Kapadosia nə Asia nə Bitinia.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.

3 Jɔn 1:1

Lùu mə, wuu taa fɨ taa məshəŋtə vɨɨ Kristo, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Gayɔs, faŋ mə kàw ghɔ yinsəŋ.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 18:20

Luu nə, viŋ kɨ ŋaytə buꞌ shɨ kɔ́, mɔɔ yizɔ, viŋ vɨ vɨɨ Nwi, nə vɨɨ ntɔŋ Kristo, nə nshiisə-ŋii sɔghɔ, buꞌ laa Nwi shìa nsɔꞌ tɔ shɨ kɔ́ faŋ vəŋ nə yɨnə viŋ nə.»

Reveleyshən 22:8

Luu mə, Jɔn, faŋ mə yè, baa zɔ̀ vənu və̀ vənshə. Yighee njyə faŋ mə nə zɔ̀ vənu vɔ́, baa yè mètə, mə kɨ nii gù ghuu nshiiŋii Nwi yɔ́ faŋ ŋwə nə də̀ vənu vɔ́ shee nə, bə̀ŋsə ŋwə.