Matiu 10:17 - Vengo (Babungo)

¹⁷ Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 10:17 ပူးပေါင်းရင်းမြစ်များ

Matiu 10:18

Vɨ ndɔ gə nə viŋ vɨsɨ vəgoməna nə vəfwàŋ buꞌ mə. Nɨniŋ, viŋ ndɔ kɨ fɨꞌtə nu Nwi tɨ́ vəŋ, nə tɨ́ vɨɨ faŋ vəŋ kee ta kɨ̀ɨ nə Nwi me.

Matiu 20:19

buu kɔ ŋwə tɨ́ vɨɨ tətɔŋ fu laa vəŋ shɨꞌ ŋwə, sàŋ ŋwə nə vəmfa, bèy ŋwə fuu fəŋkɔꞌ fə ŋkɨꞌsə, ŋwə ku. Vəshi kɨ ziꞌ vətia, ŋwə ywey fɨ shɨ yiku.»

Matiu 23:34

Yeso nə baa gì tɨ́ vɨɨ vɔ́ laa, «Viŋ zɔ! Nwi gì laa yi ndɔ tɔŋ nshiisə-ŋii sɔghɔ, nə vɨɨ yitɔfə, nə vɨɨ mədeesə ŋwaꞌlə Nwi tɨ́ viŋ, viŋ zwilə vəmɔ́ꞌ fɨ taa ŋwaa vəŋ, bey vəmɔ́ꞌ fuu fəŋkɔꞌ fə ŋkɨꞌsə, saŋ vəmɔ́ꞌ fɨ taa ŋwaa vəŋ taa ndɔꞌ Nwi ghiŋ, ndɔ shoꞌ ghuu vəŋ, vəŋ kɨ nyɨŋ fɨ shɨ tɔŋ, gə shɨ tɔŋ day.

Matiu 26:59

Vɨɨ kwalə məfeꞌ Nwi ghɔ vɨ vɨɨ məshia nsɔꞌ vənshə kəə vɨɨ faŋ vəŋ taa biŋ mbee tɔ Yeso, tɨ́ kaꞌ vɨ mɔꞌ nsɔꞌ tɔ Yeso, zwì ŋwə.

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 13:12

Maa yighee yɔ́, wə ndɔ kɨ fiŋ weenshu wi tɨ́ yiku; tɨɨ wee fiŋ ŋwiŋ wi nɨzi; vaŋnə ndɔ maa vətɨɨ vəvəŋ, fìŋ vəŋ tɨ́ yiku.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Lukas 12:11

Kɨ luu vɨ ndɔ ndi viŋ, gə̀ nə viŋ taa ndɔꞌ nsɔꞌsə, nə vɨsɨ məshəŋtə kwalə, kɨ viŋ lɔꞌ, kɨ kwaꞌtə laa viŋ sii taa fi tɔ kiŋ kɨkə me, tɨꞌnə me laa viŋ taa gi laa kə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:47

Vɨɨ məfeꞌ Nwi nə vɨɨ Farisii faynə taa ŋii məshia nsɔꞌsə, gì laa, «Nsiŋ yɨ kɨkə nə wə ŋwə̀ faŋ ŋwə yɨsə vəshwenə və shuu yɔŋvə vəyaŋ nee nə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Akts 17:14

Sheꞌ yighee yɔ́ vɨɨ məbiŋ nu Kristo ndi Pɔɔl, tɔŋ ŋwə mbɨɨ mamuu. Silas ghɔ Timoti goꞌ ntɨꞌ Berea.

Akts 22:19

Mə bəŋsə tɨ́ ŋwə laa, «Tɨta, vəŋ kɔꞌ kɨɨ laa mə nəə jiatə vɨɨ məbiŋ nu kə, kwaŋ vəŋ mfiŋ, saŋ vəŋ ŋkee taa ndɔꞌ Nwi.

Akts 26:11

Mə nə sɔꞌ vəŋ taa ndɔꞌ Nwi nshə, yɨ̀sə laa vɨ kɨ saŋ vəŋ laa vəŋ ndɔ ndasə Yeso. Mə beenə fɨ yiba vəŋ nə wutə, toꞌ shoꞌ ghuu vəŋ ŋkee taa məshɨ məday.

Akts 9:2

zwilə vəŋ, ndɔ̀ gə̀ yè wuu kwalə məfeꞌ Nwi, buꞌ ghɔ tɨ́ ŋwə laa ŋwə nyɔꞌ vəŋwaꞌlə, kɔ̀ tɨ́ yi, yi gə nə mbə, kɔ̀ tɨ́ vəməshəŋtə və vɨɨ Jus, faŋ vəŋ nəə shi ntɨꞌ Damaskɔs, laa ŋwə kɨ luu ye vɨɨ, vəndɔŋ nə vəki, faŋ vəŋ toꞌ fɨ maa jɨɨ Kristo shɔ, yi jiatə vəŋ, ka, jwì nə vəŋ Jerusalem.

Filipi 3:2

Viŋ kɨ shiinə yiŋwaa yiŋ fɨ ghɔ busə sì. Viŋ kɨ shiinə fɨ ghɔ vɨɨ mbɨə faŋ vəŋ jwi kɨ deesə nu bwə taa ŋwaa viŋ, faŋ vəŋ nùŋ tɔ vəŋ sheꞌ maa nu məsɨɨtə vɨɨ nə.

2 Timoti 4:15

Bàw laa nshɨ-tɔ wə kɨ tɔfə nə ŋwə, buꞌ laa ŋwə nə bɨ̀sə yigisə nyaa-nsiŋ ŋkee dɨdɨꞌ.

Hibru 11:36

Vɨɨ mɔ́ꞌ nə ye ŋɨꞌ faŋ vɨɨ nə shɨꞌ vəŋ buꞌ nu Nwi, saŋ vəŋ nə vəmfa. Vɨ nə ka vəŋ nə vəsumə, mɔ̀ꞌ taa ŋii mfiŋ.