Matiu 1:16 - Vengo (Babungo)

¹⁶ Jeykob bi Josef, ndəə Meri, faŋ ŋwə nə bì Yeso, faŋ vɨ nəə tii ŋwə nə Kristo nə.

Matiu 1:16 ပူးပေါင်းရင်းမြစ်များ

Matiu 1:15

Eliud bi Eleasar, Eleasar bi Matan, Matan bi Jeykob.

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 16:20

Yeso nə gì nɨniŋ, kɨ nii lɨ̀ꞌtə tɨ́ vɨɨ məzwetə nu ki laa, kɨ vəŋ naysə tɨ́ wə laa yi lùu Kristo me.

Matiu 2:13

Vəŋ ndɔ nɨniŋ, njyəə shi Josef. Nshiiŋii Nwi jwi maa ŋwə taa njyəə, gì tɨ́ ŋwə laa, «Ndɔ fɨ nsi, ndì wee ŋwə̀ ghɔ nshu wi, nyɨŋ gə̀ shɨ Ijip, gòꞌ shɔ, zìꞌ maa yighee njyə faŋ mə ndɔ naysə tɨ́ ghɔ, buꞌ laa fwàŋ Herod shoꞌ ghuu wee ŋwə̀ maa məzwi ŋwə.»

Matiu 27:17

Faŋ vɨɨ nə bàytə shɔ nə, goməna Pilate gi tɨ́ vəŋ laa, «Viŋ kəə laa mə fuusə ndə tɨ́ viŋ? Bàw mə fuusə Barabas mu, mu Yeso faŋ vɨ tii ŋwə nə Kristo nə?»

Matiu 27:22

Goməna Pilate gi tɨ́ vəŋ laa, «Mə kɨ luu fùusə Barabas, buu mə taa yɨ kə nə Yeso faŋ vɨ tii ŋwə nə Kristo?» Vəŋ vənshə gi laa bàw vɨ bey ŋwə fuu fəŋkɔꞌ fə ŋkɨꞌsə.

Mark 6:3

Maa lùu wuu məfianə ndɔꞌ wì nə, wee Meri, weenshu Jeyms nə Josef nə Judas nə Saymon. Maa nsiŋ vɨ vaŋ-nshwi vi vəki lùu feenə mɔ́ꞌ.» Nɨniŋ, njyoꞌ vəŋ lia buꞌ ŋwə.

Lukas 1:27

Nwi tɔŋ nshiiŋii Nwi yɔ́ maa ŋgwaŋ wəzwi mɔ́ꞌ faŋ Josef, wuu ŋiinə Deyvid, nəə ŋii ŋii maa məndaa ŋwə. Yizii ŋgwaŋ wəzwi ghɔ́ luu Meri.

Lukas 2:48

Tii wi ghɔ nshu wi ye ŋwə, shuu vəŋ yɔŋ. Nshu wi gi tɨ́ ŋwə laa, «Ŋwiŋ ŋwaa, a sii yɨ nu kə̀ nee maa yia buꞌ kə? Maa a ye faŋ yia tii wə kəə ghɔ nə mənsɨ sɨ yia.»

Lukas 2:7

Ŋwə bi mfɔŋ ŋwiŋ wi, luu wee-wəndɔŋ, ndìŋtə ŋwə taa vəway və njwisə, nùŋ ŋwə taa ŋkɨŋ fazɨ nyaasə taa ta nyaasə. Vəŋ nə shi taa ta nyaasə, buꞌ laa shəŋ nə kee lùu shɔ taa ŋii tɨ́ vəŋ maa məshi shɔ me.

Lukas 3:23

Nshɨ-tɔ Yeso nə kɨ zi faꞌ wi, tɨ́ ŋwə shi ŋuꞌ muu-ntia. Vɨɨ nəə bɨꞌtə laa lùu wee Josef, faŋ nə luu wee Heli.

Lukas 4:22

Vɨɨ vənshə biŋ yigi njyə faŋ Yeso nə gi nə, shuu vəŋ yɔŋ maa yigisə yi yijəə njyə faŋ nyə fùu fɨ shuu ŋwə nə. Vəŋ gi laa, «Wə ŋwə̀ kee lùu wee Josef yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:25

Wəzwi ghɔ́ gi tɨ́ ŋwə laa, «Mə kɔꞌ kɨɨ laa wuu məbweysə vɨɨ ndɔ jwi faŋ vɨ tii ŋwə nə Kristo. Wuu məbweysə ghɔ́ ndɔ kɨ jwi, ŋwə taa fɨꞌtə vənu vənshə tɨ́ nsiŋ.»