Mark 9:50 - Vengo (Babungo)

⁵⁰ Fəŋway bàw. Kɨ luu mfə kee baa kɨ ndɨŋ me, buu sii kaꞌ viŋ yɨ kə laa mfə baa lùu fəndɨŋ? Nɨniŋ, bàw viŋ luu vəndɨŋ yaa fəŋway, dùꞌ nyɔŋ viŋ viŋ.»

Mark 9:50 ပူးပေါင်းရင်းမြစ်များ

Matiu 5:13

«Viŋ lùu fəŋway taa mbi, luu nə, fəŋway kɨ luu kee baa kɨ ndɨŋ me, buu sii kaꞌ vɨ yɨ kɨkə mfə baa ndɨ̀ŋ? Maa mfə kee baa lùu maa nu me; vɨ meꞌ fu, vɨɨ kɨ toꞌ, shɔɔ, jeꞌtə nə ghuu vəŋ.

Mark 9:34

Vəŋ gay buꞌ laa vəŋ nəə toꞌ, gìsə jɨɨ laa, wuu kwalə fɨ taa ŋwaa vəŋ lùu ndə?

Mark 9:49

Viŋ zɔ! Vɨ ndɔ mɔꞌ wi taa ŋwaa vɨɨ vənshə yaa vɨ yaa kɨ mɔꞌ fəŋway taa mbasə.

Roma 12:18

Viŋ kəə jɨɨ maa məduꞌ nyɔŋ viŋ vɨ vɨɨ vənshə. Kɨ ŋgaasə ndɔ fɨ kwiŋ viŋ me.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

Kɔlɔsii 4:6

Viŋ yɨsə laa yigisə yiŋ luu yizutə, nyə baa lùu yindɨŋ tɨ́ vɨɨ, tɨ́ kaꞌ viŋ kɨ̀ɨ maa məbəŋsə yigi tɨ̀ me yigi tɨ́ vɨɨ ŋkee yijəə.

1 Tesalonika 5:13

Bàw viŋ biŋ vəŋ, kɔ̀ feenə tɨ́ vəŋ dɨdɨꞌ, kàw vəŋ buꞌ nu faꞌ vəŋ kɔ́. Viŋ duꞌ nyɔŋ viŋ viŋ.

2 Timoti 2:22

Kɨ nyɨŋ vənu vəbwəvə mbɨə faŋ zawə yaa kɨ kəə, beꞌsə luu fɨ yiba jɨŋ nu faŋ lùu nu loomə, baa nə maa mənuŋ fwi yə maa Kristo, baa nə maa məkaw vɨɨ, baa nə maa məduꞌ bwaŋnə viŋ vɨ vɨɨ vənshə faŋ vəŋ tii yizii tɨta Kristo nə fwi yiley.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

Jeyms 1:20

Mə gì nɨniŋ buꞌ laa wə ntɨə faŋ fwi yi shə, kee yaa kɨ yɨsə nu loomə vɨsɨ Nwi me.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.