Mark 9:43 - Vengo (Babungo)

⁴³ Yeso baa gì tɨ́ vəŋ laa, «Viŋ zɔ! Kɨ ghaŋ ghɔ kə yɨsə laa a yɨ nu bwə, shia, bàꞌsə, buꞌ laa ŋkə bàw laa a ndɔ ŋìi məbwey vəlwaŋ nə kwiŋ muꞌ, fɨ ghɔ a kii kwiŋ bɔɔ, ndɔ̀ ŋìi taa shəŋ vəŋku vənsisə vəbwəvə taa wi faŋ ŋwə kee yaa kɨ ndɨɨnə me,

Mark 9:43 ပူးပေါင်းရင်းမြစ်များ

Matiu 17:27

Luu nə, ŋkə kee baw laa nsoo yɨ nu faŋ ŋkə taa bɨ tɨ́ vəŋ me. Nɨniŋ, bàw a gə taa muu, mɔ̀ꞌ tasə koꞌsə fɨ taa muu. Mfɔŋ su faŋ nyə koꞌ, a ŋaꞌsə shuu wi. A taa ye ka shuu nyə. A ndi, gə̀ kɔ̀ tɨ́ vəŋ shee, baa nə maa nshɨ-tɔ wə.»

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 3:12

Ŋkə ndɔ luu sheꞌ yaa nu wuu məfetə ŋɨŋee, faŋ nsì məfetə ŋɨŋee lùu ghɔ ŋwə, ŋwə ndɔ fetə ŋɨŋee wi, nùŋsə ŋkee jəə taa ŋii, ndɔ shəŋtə vəghɔ vi, twàŋ taa wi faŋ ŋwə kee yaa kɨ ndɨɨnə me.»

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Mark 9:44

[faŋ vəntɔꞌ mbɨə faŋ mbə kwə vɨɨ nə, kee yaa kɨ kukə fɨ tey yi me; wisə kee ndɨɨnə fɨ fuŋ me.]

Lukas 14:13

A kəə kɨ tia vɨɨ, a tìi luu mbəəsə, nə vəndwey, nə vɨɨ sɨ fɨsə,

Lukas 14:21

Wuu faꞌ ghɔ́ bəŋ jwi, nàysə vənu vɔ́ tɨ́ tɨɨ faꞌ wi. Fwi tɨɨ fu ghɔ́ za. Ŋwə gi tɨ́ wuu faꞌ ghɔ́ laa ŋwə ndɔ titi, gə kɨ toꞌ fɨ maa jɨɨsə kwalə, nə sətɨtiꞌ fɨ taa shɨ, tii mbəəsə nə vəndwey, nə vɨɨ sɨ fɨsə, jwi viŋ vɨ vəŋ feenə.

Lukas 3:17

Ŋwə lùu yaa wuu məfetə ŋɨŋee, faŋ nsi məfetə ŋɨŋee lùu ghɔ ŋwə, ŋwə ndɔ fetə ŋɨŋee wi, nuŋsə ŋkee jəə taa ŋii, ndɔ shəŋtə vəghɔ vi, twàŋ taa wi, faŋ ŋwə kee yaa kɨ ndɨɨnə me.»

Roma 8:13

Kɨ luu viŋ toꞌ ghuu yitoꞌ kiŋ faŋ mbasə ŋwaa wiŋ kàw, buu viŋ ndɔ kukə. Luu nə, Zwitə Ley Nwi kɨ luu kɨ yɨsə viŋ meꞌ nu ŋkɨə faŋ mbasə ŋwaa wiŋ kəə kɨ yɨsə, buu viŋ ndɔ zɨ məbwey vəlwaŋ.

1 Kɔrintian 9:27

Mə saŋ ŋwaa ŋwaa, tɨ́ kaꞌ mə sɔ̀ꞌ ŋwaa ŋwaa maa vənu vənshə, laa mə faŋ mə fɨꞌtə nu Nwi tɨ́ vɨɨ nə, kee gu jɨɨ me.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.