Mark 9:31 - Vengo (Babungo)

³¹ buꞌ laa ŋwə nəə deesə vɨɨ məzwetə nu ki, gì tɨ́ vəŋ laa, «Vɨ ndɔ kɔ Wuu yinsəŋ Nwi tɨ́ vɨɨ, vəŋ zwi ŋwə. Luu nə, vəshi kɨ shɔɔ vətia, ŋwə ywey.»

Mark 9:31 ပူးပေါင်းရင်းမြစ်များ

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Matiu 26:2

«Bàw viŋ kɨɨ laa gòꞌ vəshi vəbɔɔ, shi zwisə Pasa kùꞌ. Ndɔ luu maa yighee yɔ́, vɨ ndi Wuu yinsəŋ Nwi, bèy ŋwə fuu fəŋkɔꞌ fə ŋkɨꞌsə, ŋwə ku.»

Matiu 27:63

gì laa, «Tɨta, yia lumə laa wuu təba wì nə gì maa yighee njyə faŋ ŋwə nəə kɨ bii mbi, laa yi taa ywey fɨ shɨ yiku faŋ vəshi vətia taa shɔɔ.

Mark 10:34

Vɨɨ tətɔŋ fu taw ŋwə, sheꞌ mənti maa ŋwə, saŋ ŋwə nə vəmfa, ndɔ zwi ŋwə. Vəshi kɨ shɔɔ vətia, ŋwə ywey.»

Mark 8:31

Yeso kɨ nii tey kɨ deesə vɨɨ məzwetə nu ki laa Wuu yinsəŋ Nwi ndɔ ghaa ye ŋɨꞌ yiyaŋ. Vɨɨ ndɔ twey ŋwə, zwì ŋwə. Ŋkee vɨɨ taa fɨ taa ŋii Nwi ghɔ vɨ vɨɨ kwalə məfeꞌ Nwi nə vɨɨ mədeesə ŋwaꞌlə Nwi ndɔ twey ŋwə, zwì ŋwə. Luu nə, vəshi kɨ shɔɔ vətia, ŋwə baa ywèy fɨ shɨ yiku.

Mark 9:12

Ŋwə bəŋsə tɨ́ vəŋ laa, «Ɔŋ, vɨɨ vɔ́ gì yinsəŋ laa Elias jwi ŋkəə, lòotə vənu vənshə, mbə neꞌtə. Lùu nɨniŋ. Gə fɨ maa wuu məbweysə ghɔ́, vɨ nyɔ̀ꞌ kə taa ŋwaꞌlə Nwi buꞌ Wuu yinsəŋ Nwi? Maa vɨ nyɔ̀ꞌ laa ŋwə ndɔ ghaa ye ŋɨꞌ yiyaŋ, vɨɨ shia ŋwə.

Lukas 24:26

Maa nə luu nu Kristo, wuu məbweysə vɨɨ, maa məye ŋɨꞌ yɔ́, buu zɨ nu yifwàŋ ki.»

Lukas 9:44

«Viŋ ndi yigi nyaa faŋ mə kəə gi tɨ́ viŋ ndwə, nùŋ taa fwisə viŋ. Viŋ zɔ! Vɨ ndɔ kɔ Wuu yinsəŋ Nwi taa ghɔ vɨɨ, vəŋ zwi ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:19

Yeso bəŋsə tɨ́ vəŋ laa, «Viŋ sɔꞌ ŋii Nwi nyə̀, mə taa fianə maa vəshi vətia.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:14

Ŋkee fɨ shi Mose nə ndì zɔ faŋ vɨ nə nàysə fɨ maa bwey, bèy maa tɨ, shàꞌsə yizɔ taa tɔɔ waꞌsə. Sheꞌ nee, vɨ ndɔ ghaa shaꞌsə Wuu yinsəŋ Nwi yizɔ.

2 Timoti 2:12

Nsiŋ kɨ luu jìa fwi taa ŋɨꞌ, buu nsiŋ vɨ vəŋ ndɔ kɨ sɔꞌ mbi mɔ́ꞌ. Kɨ luu nsiŋ twey ŋwə, buu ŋwə ndɔ twey nsiŋ nɨzi.