Mark 9:25 - Vengo (Babungo)

²⁵ Yeso ye laa vɨɨ nyɨŋkə jwi fàynə vəyaŋ, ŋwə shə tɨ́ zwitə bwə kɔ́, gì tɨ́ ŋkə laa, «Zwitə bwə, faŋ a yɨsə laa wee ŋwə̀ kee gì me, kee zɔ me, mə shə̀ tɨ́ ghɔ laa a fuu fɨ maa wee ŋwə̀! Kɨ ghɔ baa bəŋ jwi ŋìi taa ŋwaa ŋwə me!»

Mark 9:25 ပူးပေါင်းရင်းမြစ်များ

Matiu 12:22

Yiŋkii kɨ shɔɔ, vɨ jwi nə wə tɨ́ Yeso faŋ zwitə bwə nə luu taa ŋwaa ŋwə, yɨsə laa ŋwə gu bɨbɨ, sɨ ghi fɨ nɨzi. Yeso shuꞌ wə ghɔ́, ŋwə gi, ndɔ yè vədɨꞌ.

Matiu 17:18

Vɨ jwi nə wee ghɔ́ tɨ́ Yeso, ŋwə shə tɨ́ zwitə bwə kɔ́ faŋ ŋkə nə luu taa ŋwaa wee ghɔ́, ŋkə fuu fɨ maa ŋwə, wee ghɔ́ bwaŋnə. Shù fɨ maa yighee yɔ́, kəŋgu kee baa mɔꞌ ŋwə me.

Mark 9:15

Nwaa vɨɨ vɔ́ ye Yeso, sàylə yighee muꞌ, nyɨŋ gə̀ shɔ̀ꞌtə ŋwə.

Mark 9:24

Tɨɨ wee ghɔ́ tɔnə yigwia, gì laa, «Mə nùŋ fwi nyaa maa Nwi. Gaŋtə mə laa mə nuŋ fwi nyaa maa Nwi yinsəŋ!»

Mark 9:26

Zwitə bwə kɔ́ yumə, nə̀ꞌsə wee ghɔ́ ŋkee nəŋay, fùu. Wee ghɔ́ kiasə, gù yaa ŋku wə. Vɨɨ vəyaŋ gi laa ŋwə kù.

Lukas 11:14

Kɨ lùu maa yighee yɔ́, Yeso fuusə zwitə bwə mɔ́ꞌ fɨ maa wə mɔ́ꞌ, faŋ zwitə bwə kɔ́ nəə yɨsə wə ghɔ́ gu bɨbɨ. Zwitə bwə kɔ́ kɨ fuu, wə ghɔ́ zi kɨ gisə. Shuu vɨɨ mbɨə faŋ vəŋ nə yè, yɔŋ.

Lukas 4:35

Yeso shə tɨ́ zwitə bwə kɔ́, gì tɨ́ ŋkə laa, «Shia, fùu fɨ taa ŋwaa wə ŋwə̀!» Zwitə bwə kɔ́ mɔꞌ wə ghɔ́ nsi taa ŋwaa vɨɨ, kɨ nii yifuu fɨ maa ŋwə, kee ndɨ̀əsə ŋwə me.

Lukas 4:41

Vəzwitə vəbwəvə nə fùu fɨ taa ŋwaa vɨɨ vəyaŋ nɨzi, kɨ yumə laa, «A luu ŋkee Wee Nwi.» Ŋwə shə tɨ́ vəzwitə vəbwəvə vɔ́, kee biŋ laa mbə gi me, buꞌ laa mbə nəə kɔꞌ kɨɨ laa ŋwə lùu Kristo.

Lukas 8:29

Ŋwə nə gì nɨniŋ, buꞌ laa Yeso nəə kəə kɨ sɔꞌ zwitə bwə kɔ́ laa ŋkə fuu fɨ taa ŋwaa wə ghɔ́, buꞌ laa zwitə bwə kɔ́ nəə ghaysə ŋwə shù fɨshi. Vɨ nəə ka ŋwə nə vəsumə və bwey, kwaŋ mfiŋ fəŋ ŋwə, shiinə ŋwə dɨdu. Ŋwə shiatə mfiŋsə sɔ́ ghee ghee, zwitə bwə kɔ́ suŋ ŋwə, ŋwə ndɔ gə taa tɔɔ.

Lukas 9:42

Wee ghɔ́ kɨ jwi, zwitə bwə kɔ́ suŋ ŋwə, kəŋgu mɔꞌ ŋwə. Yeso shə tɨ́ zwitə bwə kɔ́, shùꞌ wee ghɔ́, kɔ̀ tɨ́ tii wi.

Akts 16:18

Ŋwə nə yɨsə nɨniŋ vəshi vəyaŋ, ŋkə za Pɔɔl, ŋwə kiasə ŋwaa wi, gì tɨ́ zwitə bwə kɔ́ fɨ taa ŋwaa wəzwi ghɔ́ laa, «Mə gì tɨ́ ghɔ maa yizii Yeso Kristo laa a fuu fɨ taa ŋwaa wəzwi ŋwə̀.» Sheꞌ yighee yɔ́ zwitə bwə kɔ́ fuu.

Ŋwaꞌlə Jud 1:9

Ŋkee Maykel faŋ luu nshiiŋii taa mbuꞌ Nwi nə, nə kee ndà Satan, tɨɨ vəzwitə vəbwəvə me. Yighee njyə faŋ Maykel nə tày ghɔ Satan buꞌ nu ŋku ŋwaa ŋku Mose, Maykel nə kee kòꞌsə ŋwaa wi maa məgi yigi yibwənə maa məsɔꞌ Satan me. Ŋwə nə gì sheꞌ laa bàw Nwi bɔŋsə Satan.