Mark 9:24 - Vengo (Babungo)

²⁴ Tɨɨ wee ghɔ́ tɔnə yigwia, gì laa, «Mə nùŋ fwi nyaa maa Nwi. Gaŋtə mə laa mə nuŋ fwi nyaa maa Nwi yinsəŋ!»

Mark 9:24 ပူးပေါင်းရင်းမြစ်များ

Mark 9:23

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Mark 9:25

Yeso ye laa vɨɨ nyɨŋkə jwi fàynə vəyaŋ, ŋwə shə tɨ́ zwitə bwə kɔ́, gì tɨ́ ŋkə laa, «Zwitə bwə, faŋ a yɨsə laa wee ŋwə̀ kee gì me, kee zɔ me, mə shə̀ tɨ́ ghɔ laa a fuu fɨ maa wee ŋwə̀! Kɨ ghɔ baa bəŋ jwi ŋìi taa ŋwaa ŋwə me!»

Lukas 17:5

Vɨɨ ntɔŋ tɨta Yeso gi tɨ́ ŋwə laa ŋwə kuꞌsə wutə maa vəŋ, tɨ́ kaꞌ vəŋ nùŋ fwisə vəŋ maa Nwi, wèꞌ shɔ.

Lukas 7:38

jwì tɨ̀ŋ yɨ ghuu Yeso fɨ yiba, kɨ gwia, mənsɨ mi fiŋkə ghuu Yeso, ŋwə ndɔ tɔŋsə nə nyuŋsə tɔ si, nyɔŋ ghuu ghi, ndɔ zwisə nə lamenda ghɔ́.

Lukas 7:44

kɨ nii kìasə ŋwaa wi maa wəzwi ghɔ́, baa gì tɨ́ Saymon laa, «A yè wəzwi ŋwə̀ mu? - Zɔ mɔɔ! Mə nii ŋìi taa ŋii ghɔ, a kee kɔ̀ muu shee maa məsɔ ghuu ŋaa me. Gə fɨ maa wəzwi ŋwə̀, ŋwə shù ghuu ŋaa nə mənsɨ mi, ndɔ̀ tɔ̀ŋsə nə nyuŋsə tɔ si.

Akts 10:19

Pita nəə kɨ bii kəə maa məkɨɨ nə ŋiꞌ njyəə yɔ́, Zwitə Ley Nwi gi tɨ́ ŋwə laa, «Ye vɨɨ vətia faŋ vəŋ kəə ghɔ.

Akts 10:31

gì shee laa, «Kɔrniliɔs, Nwi zɔ̀ məshɔꞌtə wə, faŋ a shɔꞌtə Nwi shɔ nə. Nwi lumə vətɔ mbɨə faŋ a kɔ tɨ́ vɨɨ ŋɨꞌ nə.

2 Kɔrintian 2:4

Mə nə nyɔ̀ꞌ ŋwaꞌlə ghɔ́ tɨ́ viŋ nə məlaꞌ. Fwi nyaa nəə ghaysə mə. Mə nyɔꞌ ŋkee nə mənsɨ sɨ mə. Mə nəə kee kəə yɨsə laa fwi siŋ za me, luu nə, laa viŋ kɨɨ faŋ ŋkawnə nyaa maa viŋ, lwàŋ taa fwi mə.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Filipi 1:29

Lùu nɨniŋ buꞌ laa Nwi key viŋ nə jɨɨ maa mənuŋ fwi siŋ maa Kristo, key viŋ nə nu məye ŋɨꞌ buꞌ nu Kristo nɨzi.

2 Tesalonika 1:11

Nɨniŋ, yia buꞌ ghɔ tɨ́ Nwi tɔ viŋ ghee nshə, laa ŋwə yɨsə viŋ kuꞌnə maa məndɔ zɨ məbwey vəlwaŋ faŋ ŋwə nə tìi viŋ shɔ nə, baa nə laa ŋwə ndɔ gaŋtə viŋ maa məmetə vənu vəjəəvə vənshə faŋ viŋ kàw maa məyɨsə, nə vəfaꞌ vənshə faŋ viŋ faꞌ nə wutə ki, buꞌ faŋ viŋ nùŋ fwi siŋ maa Kristo nə.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

2 Timoti 1:4

Jɨŋ maa məye ghɔ zasə mə, buꞌ laa mə lumə faŋ a nə gwia, mənsɨ shəŋkə fɨ sɨ ghɔ (faŋ sɨ nə gaasə). Nɨniŋ, mə kəə baa ye ghɔ, tɨ́ kaꞌ mə baa ŋàytə nə fwi nyaa yinshə.

Hibru 12:17

Viŋ kɔꞌ kɨɨ laa, nə luu maa yighee yiba, Esaw nəə kəə laa tii wi tu mənɔŋ-bwaŋnə tɔ yi, luu nə, vɨ twey tɨ́ ŋwə. Jɨɨ nə kee baa lùu shɔ, tɨ́ kaꞌ ŋwə kwìinə nu ŋkɨə faŋ ŋwə nə yɨ̀sə nə me, faŋ ŋwə nə kɔlə gwia, mənsɨ fuu nə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 5:7

Faŋ Yeso nə luu shɨ nsi, ŋwə nə shɔ̀ꞌtə Nwi shɔ̀ꞌtə, yùmə ŋkee nəŋay, mənsɨ fiŋkə fɨ sɨ ŋwə, ŋwə buꞌ ghɔ tɨ́ Nwi faŋ ŋwə kìi wutə maa məgaŋtə ŋwə fɨ ghɔ yiku. Nwi nə zɔ̀ məshɔꞌtə wi, buꞌ laa ŋwə nə luu wuu məfee Nwi.