Mark 9:18 - Vengo (Babungo)

¹⁸ Ŋkə yaa kɨ ndɔ maa ŋwə, ŋkə mɔꞌ ŋwə nsi sheꞌ shəŋ ŋkɨə faŋ ŋwə lùu shɔ; təfwi fuu fɨ shuu ŋwə; ŋwə kwə gɨꞌ ghi, kɔꞌ kɨ nii tatə. Mə nii gì tɨ́ vɨɨ məzwetə nu kə laa vəŋ fuusə zwitə bwə kɔ́. Vəŋ kee kɨɨ fùusə me.»

Mark 9:18 ပူးပေါင်းရင်းမြစ်များ

Matiu 15:22

Wəzwi Kanahan mɔ́ꞌ fɨ kwiŋ yɔ́ jwi kɨ yumə laa, «Kee gəŋ saŋ, tɨta, wee fwàŋ Deyvid! Zwitə bwə mɔ́ꞌ kɔ ŋɨꞌ tɨ́ ŋwiŋ ŋwaa wəzwi ŋkee dɨdɨꞌ.»

Matiu 17:16

Mə nə jwì nə ŋwə tɨ́ vɨɨ məzwetə nu kə, vəŋ kee kɨɨ shuꞌ ŋwə me.»

Matiu 8:12

Gə fɨ maa vɨɨ Isirayl, faŋ vəŋ nə luu yaa vaŋ ntoꞌ shɨ Nwi yɔ́, vɨ ndɔ meꞌ vəŋ fu maa shəŋ ŋkɨə faŋ ŋkə fəŋ maa lee shɨŋ, vəŋ kɨ gwia, kwə gɨꞌ vəŋ yifi.»

Mark 11:23

Viŋ zɔ! Mə naysə tɨ́ viŋ laa, wə ntɨə faŋ ŋwə ye baŋ nyə̀, gì tɨ́ nyə laa, «Muꞌnə, gə̀ fìŋ taa mamuu,» kɨ gì nɨniŋ, kee kìi fwisə bɔɔ me, baa nùŋ fwi yi maa Nwi laa nu kɔ́ taa gay nɨniŋ, buu ŋkə taa gay faŋ ŋwə kəə.

Mark 9:17

Wə mɔ́ꞌ fɨ taa nwaa vɨɨ vɔ́ bəŋsə tɨ́ ŋwə laa, «Tɨta, mə nii jwì nə ŋwiŋ ŋwaa tɨ́ ghɔ, buꞌ laa ŋwə kìi zwitə bwə faŋ ŋkə yɨsə ŋwə kee gɨgisə me.

Mark 9:19

Yeso gi tɨ́ vəŋ laa, «Aŋ viŋ, ŋgwisə vɨɨ faŋ viŋ kee nùŋ fwi siŋ maa Nwi me. Mə sii taa shi yɨ viŋ tay kɨkə? Nsiŋ ndɔ mwəsə ndəəkə? - Viŋ jwi nə wee ghɔ́ shee!»

Mark 9:20

Vɨ jwi nə wee ghɔ́ tɨ́ ŋwə. Zwitə bwə kɔ́ ye Yeso, kìasə wee ghɔ́ yighee muꞌ, mɔ̀ꞌ nsi. Ŋwə bɨŋlə. Təfwi fuu fɨ shuu ŋwə.

Mark 9:26

Zwitə bwə kɔ́ yumə, nə̀ꞌsə wee ghɔ́ ŋkee nəŋay, fùu. Wee ghɔ́ kiasə, gù yaa ŋku wə. Vɨɨ vəyaŋ gi laa ŋwə kù.

Akts 7:54

Vɨɨ məshia nsɔꞌ zɔ nɨniŋ, fwisə vəŋ shə. Vəŋ kwə gɨꞌ vəŋ tɨ́ Stefen.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.