Mark 9:12 - Vengo (Babungo)

¹² Ŋwə bəŋsə tɨ́ vəŋ laa, «Ɔŋ, vɨɨ vɔ́ gì yinsəŋ laa Elias jwi ŋkəə, lòotə vənu vənshə, mbə neꞌtə. Lùu nɨniŋ. Gə fɨ maa wuu məbweysə ghɔ́, vɨ nyɔ̀ꞌ kə taa ŋwaꞌlə Nwi buꞌ Wuu yinsəŋ Nwi? Maa vɨ nyɔ̀ꞌ laa ŋwə ndɔ ghaa ye ŋɨꞌ yiyaŋ, vɨɨ shia ŋwə.

Mark 9:12 ပူးပေါင်းရင်းမြစ်များ

Matiu 16:21

Shù fɨ maa yighee yɔ́, Yeso tey kɨ naysə tɨ́ vɨɨ məzwetə nu ki laa, nu ki lùu laa yi gə Jerusalem, yè ŋɨꞌ yiyaŋ fɨ ghɔ vəshɨꞌ, nə vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ zwi yi. Vəshi kɨ ziꞌ vətia, yi ywey fɨ shɨ yiku.

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Mark 10:33

Ŋwə nə gì laa lee, «Viŋ zɔ! Nsiŋ koꞌ gə̀ Jerusalem, vɨ taa jia Wuu yinsəŋ Nwi, kɔ̀ tɨ́ vɨɨ kwalə məfeꞌ Nwi nə vɨɨ mədeesə ŋwaꞌlə Nwi, vəŋ sɔꞌ ŋwə, shìa laa vɨ zwi ŋwə, kɔ ŋwə tɨ́ vɨɨ tətɔŋ fu.

Mark 9:13

Gə fɨ maa Elias ghɔ́, mə naysə tɨ́ viŋ laa Elias duꞌtə ŋwə jwì. Vɨ yɨ nu ŋkɨə faŋ vɨ nə kàw maa ŋwə, yuu vɨ ŋwàꞌlə buꞌ ŋwə taa ŋwaꞌlə Nwi.»

Mark 9:31

buꞌ laa ŋwə nəə deesə vɨɨ məzwetə nu ki, gì tɨ́ vəŋ laa, «Vɨ ndɔ kɔ Wuu yinsəŋ Nwi tɨ́ vɨɨ, vəŋ zwi ŋwə. Luu nə, vəshi kɨ shɔɔ vətia, ŋwə ywey.»

Lukas 1:76

Gə fɨ maa ghɔ, weembwa, vɨ ndɔ kɨ tii ghɔ nə nshiiŋii-sɔghɔ, tɨta Nshɔɔ-mbi, buꞌ laa a ndɔ shɔɔ vɨsɨ fɨ ghɔ Mɔꞌmbi, təŋ jɨɨ yi.

Lukas 23:11

Nɨniŋ, fwàŋ Herod ghɔ vəsogeꞌ vi shiasə ŋwə, shɨꞌ ŋwə, mɔ̀ꞌ njwi yindwaꞌlə maa ŋwə, ndì ŋwə, bə̀ŋsə tɨ́ goməna Pilate.

Lukas 23:39

Wə muꞌ fɨ taa ŋwaa vɨɨ məyɨ vənu vəbwəvə mbɨə faŋ vɨ nə bey vəŋ ghɔ vɨ Yeso mɔ́ꞌ nə, nda Yeso nɨzi, gì laa, «A lùu wuu məbweysə vɨɨ lee? - Bweysə ŋwaa wə, bweysə yia nɨzi!»

Akts 1:6

Vɨɨ mbɨə faŋ ghɔ vɨ Yeso nə fàynə shəŋ muꞌ nə, bitə tɨ́ ŋwə laa, «Tɨta, a taa yɨsə laa vɨ bəŋsə yifwàŋ nyaa-nsiŋ tɨ́ nsiŋ, vɨɨ Isirayl, maa yighee yɔ́ mu?»

Akts 4:11

Yeso lùu ŋoꞌ njyə faŋ viŋ, vɨɨ məbɔŋ ndɔꞌ, nə mèꞌ, nyə kiasə gù ŋoꞌ mfay ŋii, sheꞌ faŋ vɨ nə nyɔ̀ꞌ taa ŋwaꞌlə Nwi.