Mark 8:38 - Vengo (Babungo)

³⁸ Kɨ ghaŋ tɔ wə dɨɨ maa Wuu yinsəŋ Nwi nə mədeesə wi taa mbi yibwə nyə̀, buu tɔ ki ndɔ dɨɨ maa wə ghɔ́ nɨzi maa yighee njyə faŋ ghɔ vɨ nshiisə-ŋiisə Nwi ndɔ jwi mɔ́ꞌ taa nu yifwàŋ Nwi.»

Mark 8:38 ပူးပေါင်းရင်းမြစ်များ

Matiu 12:39

Ŋwə bəŋsə tɨ́ vəŋ laa, «Vɨɨ bwənə nə ŋgwisə vɨɨ mətii vəki kəə sheꞌ shwenə. Luu nə, vɨ ndɔ kee də shwenə tɨ́ vəŋ me, tɨ̀ lɨꞌ sheꞌ shwenə nu nshiiŋii-sɔghɔ Jona me.

Matiu 13:41

Wuu yinsəŋ Nwi ndɔ tɔŋ nshiisə-ŋiisə Nwi, vəŋ baytə vɨɨ vənshə fɨ shɨ ŋwə, faŋ vəŋ nə bwèꞌsə vɨɨ, nə vɨɨ mbɨə faŋ vənu vəvəŋ kee lùu vəloomə me,

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 16:4

Ŋgwisə vɨɨ bwənə, vɨɨ məmanə Nwi kəə yè shwenə. Luu nə, vɨ kee ndɔ də shwenə tɨ́ vəŋ me, tɨ̀ lɨꞌ sheꞌ shwenə nu Jona me.» Ŋwə nə gì nɨniŋ, mèꞌtə vəŋ, ndɔ̀ fɨ yɨ vəŋ.

Matiu 24:30

Shwenə Wuu yinsəŋ Nwi kɨ nii fùu taa yizɔ. Vɨɨ məshɨ mənshə fɨ taa mbi gwia, kɨ ye Wuu yinsəŋ Nwi ghɔ́, faŋ ŋwə bəŋ jwì fɨ fuu mbɔꞌ fɨ taa yizɔ, nə wutə nə feenə yaŋ.

Matiu 25:31

Yeso nə baa gì laa, «Ndɔ luu maa yighee njyə faŋ Wuu yinsəŋ Nwi ndɔ bəŋ jwì nə feenə wi ghɔ vɨ nshiisə-ŋiisə Nwi sənshə, buu ŋwə taa duꞌ fuu ŋkaw yifwàŋ ki, vɨ kɨ gwenə ŋwə yaa fwàŋ.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 8:20

Yeso gi tɨ́ ŋwə laa, «Mənsɨŋ-mə-ŋgusə kìi təŋɔŋ təvəŋ, mənwə fɨ taa yizɔ kii təzi təvəŋ. Gə fɨ maa Wuu yinsəŋ Nwi, ŋwə kee kìi shəŋ nuŋsə tɔ ki shɔ me.»

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Mark 14:62

Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Mark 8:37

Ŋwə baa gì laa, «Sii kɨ kaꞌ wə kɔ̀ kə maa məfi məbwey vəlwaŋ? - Viŋ zɔ! Kɨ tɔ wə dɨɨ maa mə nə yigisə nyaa vɨsɨ ŋgwisə vɨɨ nyə̀ faŋ vəŋ buulə məkee mə Nwi, yɨsə vənu vəbwəvə me.

Lukas 19:26

Ŋwə gi laa, «Mə naysə tɨ́ viŋ laa, wə tɨ̀ me wə faŋ ŋwə kìi, vɨ ndɔ kuꞌsə tɨ́ ŋwə. Gə fɨ maa wə ntɨə faŋ ŋwə kee yikii me, ŋkɨə faŋ ŋwə kìi, vɨ ndɔ fi fɨ ghɔ ŋwə.

Lukas 9:26

Viŋ zɔ! Wə ntɨə faŋ tɔ ki dɨɨ buꞌ mə, baa nə yigisə nyaa, buu tɔ kaŋ ndɔ dɨɨ maa ŋwə nɨzi, maa yighee njyə faŋ mə ndɔ jwi nə yikwalə nyaa nə njyə Tii ŋwaa, baa nə njyə nshiisə-ŋiisə Nwi səleysə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:34

Nwaa vɨɨ ghɔ́ gi tɨ́ ŋwə laa, «Yia zɔ̀ faŋ vɨ nə ŋwàꞌlə taa ŋwaꞌlə Nwi laa, Kristo, wuu məbweysə ŋwaa-nsiŋ faŋ Nwi tɔ̀ŋ, ndɔ goꞌsə yighee muꞌ. Sii yɨ̀ kə buu a gi laa vɨ ndɔ bɨŋsə Wuu yinsəŋ Nwi? Ŋwə sii lùu ndə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:27

Nwi nə kɔ̀ wutə məshia nsɔꞌsə vɨɨ tɨ́ ŋwiŋ wi, buꞌ laa ŋwə lùu Wuu yinsəŋ Nwi.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 5:41

Vɨɨ ntɔŋ Yeso vɔ́ ndɔ fɨ vɨsɨ vəŋ, kɨ ŋaytə dɨdɨꞌ laa Nwi ndì vəŋ laa vəŋ kùꞌnə maa məye ŋɨꞌ buꞌ yizii Yeso.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

1 Tesalonika 3:13

Tɨta ŋwaa-nsiŋ Yeso kɨ yɨsə nɨniŋ, kwàŋ wutə taa fwisə viŋ, laa yighee njyə faŋ ŋwə ndɔ bəŋ jwi ghɔ vɨ vɨɨ vi vənshə, faŋ vəŋ lùu vɨɨ ley vɨsɨ Nwi nə, viŋ baw shɨlə yikəꞌ Nwi, tɨta ŋwaa-nsiŋ.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 1:16

Bàw tɨta Nwi gaŋtə ŋiꞌ ŋii Onesifɔrɔs, buꞌ laa ŋwə nəə zwisə fwi nyaa ghee ghee, tɔ ki kee dɨ̀ɨ buꞌ mə, faŋ mə lùu mfiŋ nə me.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

Hibru 11:16

Luu nə, vəŋ nəə kəə shəŋ kəmɔ́ꞌ faŋ ŋkə lùu kəjəə shɔ̀ɔ shɨ vəŋ. Luu shəŋ ŋkɨə faŋ ŋkə lùu yɨ Nwi yizɔ. Nɨniŋ, tɔ Nwi kee dɨdɨɨ me, faŋ vəŋ tìi Nwi nə tɨɨ vəŋ, buꞌ laa Nwi duꞌtə Nwi naysə shəŋ tɨ́ vəŋ.

Hibru 11:26

Ŋwə nə ndì yaa yinsəŋ laa, kɨ luu yi ye ŋɨꞌ buꞌ vɨɨ Nwi, buu ŋkə taa baw tɨ́ ŋwə, shɔ̀ɔ faŋ ŋwə kìi yifwàŋ yinshə fɨ shɨ Ijip, sheꞌ faŋ Kristo nə mèꞌtə məbaw wi yɨ Nwi, jwì yè ŋɨꞌ shɨ nsi, kù fuu fəŋkɔꞌ nə. Mose nə yɨ̀ nɨniŋ, buꞌ laa ŋwə nə tə̀ sɨ ghi sheꞌ maa vəkeynə mbɨə faŋ mbə ndɔ jwi fɨ ghɔ Nwi.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

1 Jɔn 2:23

Wə tɨ̀ me wə faŋ ŋwə kee bìŋ Wee Nwi me, buu ghɔ Nwi kee lùu fɔ nu me. Wə ntɨə faŋ ŋwə bìŋ Wee Nwi ntee, buu ghɔ tɨta Nwi lùu fa kəmuꞌ.

1 Jɔn 2:28

Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!

Reveleyshən 14:10

buu ŋwə taa kɨ nu fwi yishəsə Nwi yaa məluꞌ, faŋ Nwi kwàŋ taa ndaw məluꞌ, kee wasə me. Kəŋ wə ghɔ́ ndɔ kɨ ye ŋɨꞌ taa wi nə wisə baynə faŋ luŋ ki zwilə vɨɨ yikəꞌ nshiisə-ŋiisə Nwi, baa nə yikəꞌ wee-bi-njɨɨ ghɔ́.