Mark 8:35 - Vengo (Babungo)

³⁵ Mə gì tɨ́ nee buꞌ laa, wə ntɨə faŋ ŋwə kəə gaŋtə məbwey wi shɨ nsi, ndɔ ndisə ŋwaa wi. Luu nə, wə ntɨə faŋ ŋwə ndìsə ŋwaa wi buꞌ mə, tɨꞌnə me buꞌ ntɔŋ Nwi yijəə, ndɔ bweysə ŋwaa wi.

Mark 8:35 ပူးပေါင်းရင်းမြစ်များ

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Matiu 10:39

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Gə fɨ maa wə ntɨə faŋ ŋwə ndisə ŋwaa wi buꞌ mə, ŋwə ndɔ bweysə ŋwaa wi, zɨ̀ məbwey vəlwaŋ.»

Matiu 16:25

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Wə ntɨə faŋ ŋwə ndisə ŋwaa wi buꞌ nu kaŋ, ndɔ bweysə ŋwaa wi.

Matiu 19:29

Wə tɨ̀ me wə faŋ ŋwə mèꞌtə ŋii yi, tɨꞌnə me vaŋ-nshwi vi, tɨꞌnə me tii wi, tɨꞌnə me nshu wi, tɨꞌnə me vaŋ vi, tɨꞌnə me ndɨɨsə si buꞌ nu yizii kaŋ, taa baa kɨ ye vəmɔ́ꞌ ŋkee vəyaŋ, ndɔ baa zɨ̀ məbwey faŋ ŋwə gòꞌsə yighee muꞌ.

Mark 8:36

Sii kɨ kaꞌ ŋkə gaŋtə wə nə kə, faŋ ŋwə kìi mbi yinshə, lèe məbwey vəlwaŋ wi?»

Lukas 17:33

Wə ntɨə faŋ ŋwə kəə bweysə ŋwaa wi, ndɔ ndi. Luu nə, wə ntɨə faŋ ŋwə ndisə ŋwaa wi, ndɔ bweysə ŋwaa wi.

Lukas 9:24

Wə ntɨə faŋ ŋwə kəə bweysə ŋwaa wi, ndɔ ndisə ŋwaa wi. Wə ntɨə faŋ ŋwə ndisə ŋwaa wi buꞌ mə, ndɔ bweysə ŋwaa wi.

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Akts 21:13

Luu nə, Pɔɔl kee kaw zɔ me, gì laa, «Viŋ sii yɨ̀ kə, gwia tɨ́ kə? Kɨ viŋ yɨsə fwi nyaa lɔꞌ me! Mə duꞌtə mə biŋ laa vɨ kwaŋ mə mfiŋ Jerusalem. Mə biŋ ŋkee maa məku buꞌ yizii tɨta Yeso.»

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

1 Kɔrintian 9:23

Mə yɨsə vənu vənshə buꞌ nu Nwi, tɨ́ kaꞌ mə ndɔ kii fɨ maa jəə ŋgwə faŋ ŋwə jwi fiiba nu Nwi.

2 Kɔrintian 12:10

Lùu nu ŋkɨə faŋ mə ŋaytə shɔ, faŋ mə bəə ŋay, tɨꞌnə me faŋ vɨ sàŋ mə, nə faŋ vɨ yɨnə mə, tɨꞌnə me shoꞌ ghuu ŋaa, nə faŋ mə ye ŋɨꞌ buꞌ nu Kristo, fɔnə mə bəə ŋay, buu mə weꞌ.

2 Timoti 1:8

Kɨ tɔ kə dɨɨ maa məbiŋ nu tɨta ŋwaa-nsiŋ ntee me, tɨꞌnə me buꞌ mə faŋ mə lùu wuu ŋii mfiŋ buꞌ nu Kristo kɔ́ nə me. Bàw a bee kii bìŋ ŋɨꞌ buꞌ nu ntɔŋ yijəə yɔ́ nɨzi, faŋ Nwi kɔ̀ wutə tɨ́ nsiŋ nə.

Hibru 11:35

Nwi nə baa luu yɨ̀sə vəki vəmɔ́ꞌ nə yè vɨɨ vəŋ, faŋ vəŋ nə kukə̀, faŋ vəŋ ywèy fɨ shɨ yiku. Vɨɨ mɔ́ꞌ nə yè ŋɨꞌ fɨ ghɔ vɨɨ mbeenə Nwi, kùkə . Vəŋ nə kee twey Nwi, tɨ́ la vɨ meꞌtə vəŋ me, buꞌ laa vəŋ nə nùŋ fwi vəŋ maa Nwi, laa vəŋ ndɔ ywey fɨ shɨ yiku, kìi məbwey jəə fɨ yizɔ.

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 7:14

Mə gì tɨ́ ŋwə laa, «Tɨta ŋwaa, kɨ̀ɨ ghɔ.» Ŋwə gi shee laa, «Lùu vɨɨ mbɨə faŋ vəŋ fùu fɨ taa ŋɨꞌ yiyaŋ, sɔ̀ njwisə vəŋ nə mənshi mə bi-njɨɨ yɔ́, yɨ̀sə nsə ley, buꞌ faŋ vəŋ nə nùŋ fwisə vəŋ maa wə ntɨə faŋ ŋwə nə kù tɔ vəŋ nə.