Mark 8:34 - Vengo (Babungo)

³⁴ Yeso kɨ nii baa tìi nwaa vɨɨ vəyaŋ faŋ vəŋ nə bàytə yifi, ghɔ vɨ vɨɨ məzwetə nu ki, laa vəŋ shəŋtə jwi yɨ ŋwə. Ŋwə kɨ nii gì tɨ́ vəŋ laa, «Wə ntɨə faŋ ŋwə kəə jwì fɨ yiba jɨŋ mə, bàw ŋwə twey nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə (ŋkee maa shəŋ ŋɨꞌ).

Mark 8:34 ပူးပေါင်းရင်းမြစ်များ

Matiu 10:38

Wə ntɨə faŋ ŋwə kee bìŋ maa məshaꞌ fəŋkɔꞌ fə ŋkɨꞌsə fi, kɨ beꞌsə mə (ŋkee maa shəŋ ŋɨꞌ) me, buu ŋwə kee kùꞌnə shee me.

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 27:32

Faŋ vəŋ nəə koꞌ gə, fàynə ghɔ vɨ wə mɔ́ꞌ fɨ shɨ Kirene, yizii yi luu Saymon. Vəŋ dɔɔ wə ghɔ́ laa ŋwə shaꞌ fəŋkɔꞌ fə ŋkɨꞌsə fə Yeso.

Mark 10:21

Yeso ndeynə ŋwə, kàw ŋwə, gì tɨ́ ŋwə laa, «A bəə sheꞌ nu kəmuꞌ. Nu kɔ́ lùu laa, a gə fìŋtə vətɔ və vənshə, kɔ̀ ka ghɔ́ nshə tɨ́ mbəəsə, jwì bèꞌsə mə, buu a ndɔ kii vətɔ vəyaŋ shɨ Nwi.»

Mark 7:14

Yeso nə gì nɨniŋ, kɨ nii baa tìi nwaa vɨɨ vəyaŋ vɔ́ yɨ ŋwə, gì tɨ́ vəŋ laa, «Bàw viŋ vənshə zɔ nu ŋkɨə faŋ mə taa gi tɨ́ viŋ, kɨɨ nə ŋiꞌ ki.

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 14:33

Gə fɨ maa nu wuu məzwetə nu kaŋ, wə tɨ̀ me wə fɨ taa ŋwaa viŋ faŋ ŋwə kee meꞌ vətɔ vi vənshə me, buu kaꞌ ŋwə kee lùu wuu məzwetə nu kaŋ me.»

Lukas 18:22

Yeso zɔ nɨniŋ, gì tɨ́ ŋwə laa, «Bəə sheꞌ nu kəmuꞌ fɨ ghɔ ghɔ. Gə fiŋtə vətɔ və vənshə, gàa ka ghɔ́ tɨ́ vɨɨ ŋɨꞌ, buu a ndɔ kii vəkeynə və yizɔ, kɨ nii jwi bèꞌsə mə!»

Lukas 20:45

Yeso baa kɨ gì tɨ́ vɨɨ məzwetə nu ki, faŋ nwaa vɨɨ vəyaŋ nə luu shɔ, zɔ̀ yigisə yi nɨzi, laa,

Lukas 9:23

Yeso baa gì tɨ́ vɨɨ vənshə laa, «Wə kɨ luu kəə kɨ beꞌsə mə, bàw ŋwə shaꞌ fəŋkɔꞌ fə ŋkɨꞌsə fi shi shi, beꞌsə mə (ŋkee maa shəŋ ŋkɨə faŋ kaꞌ vɨ zwi ŋwə shɔ nə).

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:27

Gə̀ fɨ maa vɨɨ vaŋ, vəŋ lùu yaa bisə-njɨɨ faŋ nsə zɔ gɨ nshii vəŋ. Mə luu nshii vəŋ. Vəŋ zɔ gɨ nyaa. Mə kɨɨ nə vəŋ. Vəŋ bèꞌsə mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:17

Vəŋ gə nɨniŋ, Yeso shaꞌ fəŋkɔꞌ fə ŋkɨꞌsə fi ŋgɨɨ-ŋwə, ndɔ̀ gə̀ nɨniŋ maa shəŋ mɔ́ꞌ faŋ vɨ tii nə shəŋ ghutə tɔ wə. Yizii shəŋ kɔ́ maa ghaŋ Hibru nə luu Golgota.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 15:31

Vaŋ-nshwi vaŋ, mə naysə tɨ́ viŋ laa mə luu shuu yiku vəshi vənshə. Luu ŋkee nu yinsəŋ, sheꞌ faŋ ŋkə baa lùu yinsəŋ laa mə koꞌsə ŋwaa buꞌ viŋ, buꞌ laa viŋ lùu vɨɨ Yeso Kristo, faŋ lùu tɨta ŋwaa-nsiŋ faŋ ŋwə sɔꞌ nsiŋ nə.

1 Kɔrintian 8:13

Nɨniŋ, mə naysə tɨ́ viŋ laa, mə kɨ luu kɨ ye laa fazɨ ŋkɨə faŋ mə zɨ ŋkə, laa ŋkə lùu nu bwə tɨ́ weenshu ŋwaa, buu mə taa meꞌtə fazɨ kɔ́ yighee muꞌ, kee baa kɨ zɨ me, tɨ́ kaꞌ mə kee yɨ laa weenshu ŋwaa gu nu me.

1 Kɔrintian 9:19

Mə lùu wə faŋ mə toꞌ fɨ tɔ mə, wə kee sɔꞌ mə me. Luu nə, faŋ ŋkə kɔlə lùu nɨniŋ, mə gù buꞌ tɨ́ vɨɨ vənshə, tɨ́ kaꞌ mə yɨ̀sə laa vɨɨ vəyaŋ jwi bèꞌsə Yeso Kristo.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 5:24

Vɨɨ mbɨə faŋ lùu vɨɨ Yeso Kristo, mèꞌ vənu vəbwəvə vəvəŋ vənshə, nə mbɨꞌtə yibwə yinshə laylay. Ŋkə lùu yaa vəŋ ndi vənu vɔ́, bèy fuu fəŋkɔꞌ fə ŋkɨꞌsə fə Yeso Kristo.

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

Filipi 3:10

Nɨniŋ, nu ŋkɨə faŋ mə kəə ŋkə, luu sheꞌ laa mə kɨɨ nə Kristo, nə wutə ŋkɨə faŋ ŋkə jwi fɨ maa məywey wi fɨ shɨ yiku. Mə baa kəə laa kaꞌ mə baa luu yè fɨ maa ŋɨꞌ yi, faŋ ŋwə nə yè nə. Mə biŋ ŋkee maa məku, sheꞌ faŋ ŋwə nə biŋ yiku nə.

Filipi 3:7

Luu nə, faŋ mə nə kɔlə ndì vənu vɔ́ yaa sey, mə ndì yaa kəndi ndwə buꞌ Kristo.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 3:5

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

2 Tesalonika 3:11

Yia nyɔ̀ꞌ vənu vɔ́ tɨ́ viŋ nɨniŋ, buꞌ laa yia zɔ laa vɨɨ mɔ́ꞌ taa ŋwaa viŋ kee toꞌ maa jɨɨ yijəə me, kee kàw faꞌ me, toꞌ sheꞌ maa nu dayday.

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.

2 Pita 1:14

Mə kɔꞌ kɨɨ laa, goꞌ sheꞌ fɨkɨꞌ nee, mə gwəkə bə̀ə fɨ mbi, sheꞌ faŋ tɨta Yeso Kristo nə nàysə shee.

1 Jɔn 3:16

Nu ŋkɨə faŋ kaꞌ nsiŋ kɨ̀ɨ nə nu məkaw wə fɨ fuŋ, lùu faŋ Yeso nə bìŋ yiku, kù tɔ nsiŋ nə. Ŋkaŋ-nsiŋ nu kɨ nii lùu laa, nsiŋ baa luu bìŋ yiku tɔ vaŋ-nshwi vaŋ-nsiŋ.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»