Mark 8:33 - Vengo (Babungo)

³³ Ŋwə kiasə ŋwaa wi, yè vɨɨ məzwetə nu ki, shə̀ tɨ́ Pita, gì laa, «Suꞌtə fɨ yiba jɨŋ mə, Satan. A kee bɨꞌtə nu Nwi me. A bɨꞌtə luu mbɨꞌtə vɨɨ mbi.»

Mark 8:33 ပူးပေါင်းရင်းမြစ်များ

Matiu 15:23

Yeso kee bə̀ŋsə tuu nu tɨ́ ŋwə me. Vɨɨ məzwetə nu ki shəŋtə jwì yɨ ŋwə, bùꞌ ghɔ tɨ́ ŋwə laa ŋwə gi wəzwi ghɔ́ gə, buꞌ laa ŋwə toꞌ yumə fɨ jɨŋ vəŋ.

Matiu 16:23

Ŋwə kiasə ŋwaa wi, gì tɨ́ Pita laa, «Suꞌtə fɨ yiba jɨŋ mə, Satan, a kɔꞌsə mə taa mbwəə, buꞌ laa a kee bɨꞌtə nu Nwi me, a bɨꞌtə luu sheꞌ nu wə mənsaw.»

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Mark 3:34

kɨ nii ndèynə vɨɨ mbɨə faŋ vəŋ nə duꞌ kia ŋwə nə, gì laa, «Ye nshu ŋwaa nə vaŋ-nshwi vaŋ!

Mark 3:5

Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Lukas 22:61

Tɨta Yeso kiasə ŋwaa, ndèynə Pita. Pita lumə nu ŋkɨə faŋ tɨta Yeso nii gì tɨ́ ŋwə laa, ŋkɨꞌ kee taa taw ndee me, a twey mə ghee tia.

Lukas 4:8

Yeso bəŋsə tɨ́ ŋwə laa, vɨ nyɔ̀ꞌ taa ŋwaꞌlə Nwi laa, «Kɨ bəŋsə sheꞌ Tɨta Nwi, faŋ lùu Nwi wə. Bàw a kɨ faꞌ sheꞌ tɨ́ ŋwə.»

Lukas 9:55

Ŋwə kiasə ŋwaa wi, shə̀ tɨ́ vəŋ, [twey, gì laa, «Viŋ kee kɨɨ nə kəŋ zwitə ŋkɨə faŋ viŋ kii me. Wuu yinsəŋ Nwi nə kee jwì maa məndisə vɨɨ me. Ŋwə nə jwì maa məbweysə vɨɨ.»]

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

Filipi 3:19

Vəŋ ndɔ ŋii taa nsɔꞌ Nwi, ndì. Vəŋ kàw sheꞌ maa məzɨ shɨ. Nu kɔ́ lùu tɨ́ vəŋ yaa Nwi vəŋ. Vəŋ koꞌsə ŋwaa buꞌ vənu faŋ bee kii lùu vənu və tɔ dɨɨ. Vəŋ bɨꞌtə sheꞌ vənu və shɨ nsi.

1 Timoti 5:20

Vɨɨ lùu shɔ taa ŋwaa vəŋ faŋ vəŋ yɨsə nu bwə, bàw a sɔꞌ vəŋ taa ŋwaa vɨɨ vənshə, laa vɨɨ mɔ́ꞌ fee nɨzi.

Taytəs 1:13

Yigi yɔ́ luu ŋkee yinsəŋ. Nɨniŋ, bàw a kɨ gi tɨ́ vəŋ ŋkee nə wutə, laa vəŋ kɨ duꞌ nə nu ŋkɨə faŋ vəŋ nùŋ fwisə vəŋ shɔ maa Kristo,

1 Pita 4:1

Faŋ Kristo nə bìŋ ŋɨꞌ nə ŋwaa wi nə, bàw viŋ ndi njyoꞌ yijəə yi yɔ́, tɨ́ kaꞌ viŋ biŋ ŋɨꞌ nɨzi, buꞌ laa wə ntɨə faŋ ŋwə bìŋ ŋɨꞌ mbɨɨ ŋwaa ŋwə, mèꞌ vənu vəbwəvə,

1 Jɔn 2:15

Kɨ viŋ baa kɨ kaw mbi nə vətɔ və taa mbi me! Wə kɨ luu kɨ kaw mbi, buu kɨ kaꞌ ŋwə kee kàw Nwi fɨ taa fwi ŋwə me,

Reveleyshən 3:19

Mə sɔꞌ vɨɨ mbɨə faŋ mə kaw vəŋ, saŋ vəŋ, laa vəŋ kwiinə fwisə vəŋ. Nɨniŋ, yasə kɔꞌlə kwiinə fwi yə!