Mark 8:13 - Vengo (Babungo)

¹³ Ŋwə nə gì nɨniŋ, mèꞌtə vəŋ, baa kii ŋii taa bay, gə̀ njɨɨ yi.

Mark 8:13 ပူးပေါင်းရင်းမြစ်များ

Matiu 15:14

Viŋ meꞌtə vəŋ nɨnɔŋ; vəŋ lùu yaa vɨɨ sɨ fɨsə faŋ vəŋ kəə də̀ jɨɨ tɨ́ vɨɨ sɨ fɨsə vəmɔ́ꞌ. Luu nə, wuu sɨ fɨsə kɨ luu də̀ jɨɨ tɨ́ wuu sɨ fɨsə, buu vəŋ vənshə taa fiŋkə taa yibɨɨ.»

Matiu 7:6

Kɨ viŋ kɔ kweꞌ-Nwi tɨ́ busə me, kee kɨ mɔꞌ vətɔ və me viŋ tɨ́ vəŋkwinyaa me, buꞌ vəŋ jeꞌtə nsi, kìasə ŋwaa maa məkwə viŋ.»

Mark 8:12

Yeso sɔŋ ŋkee fɨ taa njyoꞌ ŋwə, gì laa, «Ŋgwi nyə̀ sii kəə shwenə buꞌ kə? Mə gì tɨ́ viŋ yinsəŋ laa tuu kee shwenə vɨ ndɔ kee kɔ tɨ́ ŋgwi nyə̀ me.»

Mark 8:14

Yeso ghɔ vɨ vɨɨ məzwetə nu ki ndɔ nɨniŋ, vɨɨ məzwetə nu ki ndenə maa mətoꞌ nə bee, kii sheꞌ ghɨ bee muꞌ taa bay vəŋ.

Lukas 8:37

Vɨɨ vɔ́ vənshə fɨ nsi Gerasa zɔ nu kɔ́, gì tɨ́ Yeso laa bàw ŋwə fuu fɨ shɨ vəŋ, buꞌ laa vəŋ nə fee ŋkee dɨdɨꞌ. Nɨniŋ, Yeso baa ŋìi taa bay maa məbəŋ gə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:36

Bàw viŋ biŋ məley ghɔ́ faŋ ŋwə kɨ bii ghɔ viŋ nə, tɨ́ kaꞌ viŋ ndɔ lùu vɨɨ faŋ vəŋ kìi məley nɨzi.» Yeso nə gì yigi yɔ́, gə̀ kə̀ə shəŋ ndenə shɔ, laa vɨɨ kee baa yè ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:21

Yeso baa kɨ gì tɨ́ vəŋ laa, «Mə gɨgə nə ŋwaa ŋwaa nə. Viŋ taa kəə mə dɨdu, kɨ kukə nə vənu vəbwəvə viŋ maa viŋ. Shəŋ ŋkɨə faŋ mə gə shɔ, kaꞌ viŋ kee kɨ̀ɨ nə jɨɨ jwì shɔ me.»

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

Akts 27:2

Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.