Mark 7:7 - Vengo (Babungo)

⁷ Vəŋ bəŋsə mə dayday, buꞌ laa vəŋ deesə vənu yaa ntɨsə Nwi, faŋ lùu sheꞌ ntɨsə vɨɨ.»

Mark 7:7 ပူးပေါင်းရင်းမြစ်များ

Matiu 15:9

Nɨniŋ, vəŋ bəŋsə mə dayday. Vənu mbɨə faŋ vəŋ deesə, luu sheꞌ nuŋsə wə mənsaw.»

Matiu 6:7

Viŋ kəə kɨ shɔꞌtə Nwi, kɨ viŋ kɨ gisə yigi yiyaŋ me, yaa vɨɨ məkoꞌsə ŋwaa yaa kɨ yɨsə nə me. Vəŋ bɨꞌtə laa Nwi taa zɔ yigisə vəŋ, buꞌ faŋ vəŋ gisə yigi yiyaŋ dɨdɨꞌ.

1 Kɔrintian 15:14

Ŋkə nə maa luu laa Yeso nə ywèy fɨ shɨ yiku me, buu ŋkə də̀ laa yigisə Nwi faŋ yia fɨꞌtə tɨ́ viŋ, lùu nu dayday. Məbiŋ wiŋ nɨzi, faŋ viŋ nùŋ fwi siŋ maa Kristo nə, lùu nu dayday nɨzi.

1 Kɔrintian 15:58

Nɨniŋ, vaŋ-nshwi vaŋ faŋ mə kàw, viŋ kɨ tɨŋnə weꞌ. Viŋ goꞌ fa kəmuꞌ viŋ vɨ Kristo. Viŋ kɨ faꞌ faꞌ Nwi nə fwi yinshə, buꞌ laa viŋ kɔꞌ kɨɨ laa faꞌ ŋgwə faŋ viŋ faꞌ tɨ́ tɨta Yeso, kee ndɔ ndi day me.

Kɔlɔsii 2:22

Maa vətɔ vɔ́ vənshə luu sheꞌ shɔ laa mbə shɔ̀ɔ fɨ taa ŋwaa wə, kɨ nii yindi. Kəŋ ntɨsə sɔ́ ndɔ̀ sheꞌ fɨ taa mbɨꞌtə vɨɨ. Nsə lùu sheꞌ nuŋsə faŋ dèesə vɨɨ nə.

Taytəs 3:9

Nyɨŋ fɨ maa yigisə vəmfaw nə nu yikuu yidənə, nə ntaysə nə nywaŋsə kɔ̀ŋ nuŋsə; vənu vɔ́ kee gaŋtə wə nə nu me, lùu vənu vədayday.

Jeyms 1:26

Wə kɨ luu bɨ̀ꞌtə laa yi lùu wuu Nwi, kee jìa nditə ki me, buu ŋwə bweꞌsə fwi yi, məbiŋ wi laa yi lùu wuu Nwi, lùu dayday.

Jeyms 2:20

A luu mfaw, bàw a kɨɨ laa, wə kɨ luu biŋ Nwi, kee kɨ yɨsə nu ŋkɨə faŋ Nwi gì me, buu lùu nu dayday.

Reveleyshən 22:18

Mə Jɔn, faŋ mə nyɔ̀ꞌ ŋwaꞌlə ŋwə̀, tɨsə vɨɨ vənshə faŋ vəŋ zɔ yigisə shuu Nwi nyə̀ fɨ taa ŋwaꞌlə ŋwə̀, laa wə kɨ luu kùꞌsə nu shɔ, buu Nwi ndɔ kuꞌsə ŋɨꞌ tɨ́ wə ghɔ́, sheꞌ yuu njyə faŋ vɨ nyɔ̀ꞌ nàysə taa ŋwaꞌlə ŋwə̀ nə.