Mark 7:26 - Vengo (Babungo)

²⁶ Wəzwi ghɔ́ nə luu wuu Griik, faŋ vɨ nə bi ŋwə ntɨꞌ Fənishia fɨ shɨ Siria. Ŋwə jwi bùꞌ ghɔ tɨ́ Yeso laa ŋwə fuusə zwitə bwə fɨ maa ŋwiŋ wi.

Mark 7:26 ပူးပေါင်းရင်းမြစ်များ

Matiu 15:22

Wəzwi Kanahan mɔ́ꞌ fɨ kwiŋ yɔ́ jwi kɨ yumə laa, «Kee gəŋ saŋ, tɨta, wee fwàŋ Deyvid! Zwitə bwə mɔ́ꞌ kɔ ŋɨꞌ tɨ́ ŋwiŋ ŋwaa wəzwi ŋkee dɨdɨꞌ.»

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Mark 7:25

Wəzwi mɔ́ꞌ faŋ zwitə bwə nə luu taa ŋwaa ŋwiŋ wi, zɔ laa ŋwə shɔ, jwi gù ghuu ŋwə.

Mark 7:27

Nɨniŋ, Yeso gi tɨ́ ŋwə laa, «Meꞌtə vɨ zə vaŋ ŋkəə. Ŋkə kee yikuꞌnə laa vɨ ndi bee vaŋmbwaa, mɔ̀ꞌ tɨ́ vaŋ-busə me.»

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.