Mark 7:19 - Vengo (Babungo)

¹⁹ Maa vətɔ vɔ́ kee ŋii taa fwi wə me, mbə ŋii luu taa njyoꞌ ŋwə, fuu gə taa ŋkwi. - Nɨniŋ, fazɨ kənshə lùu kəley.

Mark 7:19 ပူးပေါင်းရင်းမြစ်များ

Matiu 15:17

Maa vətɔ vənshə faŋ mbə ŋii shuu wə, shɔɔ gə sheꞌ taa njyoꞌ ŋwə, shɔɔ fuu, ŋii taa ŋkwi.

Mark 7:18

Ŋwə gi tɨ́ vəŋ laa, «Viŋ nɨzi, tɔ kiŋ kee ta yiley yimu? Viŋ kee yikɨɨ laa vətɔ vənshə faŋ mbə ndɔ fɨ fu, ŋii taa ŋwaa wə, kaꞌ mbə kee kɨ yɨsə ŋwə kee lùu wuu ley yimu?

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

Akts 10:15

Gɨ yɔ́ baa kii bəŋsə jwì maa ŋwə lwesə ghee bɔɔ, gì laa, «Fa ŋkɨə faŋ Nwi sɔ̀ ŋkə ley, kaa baa tii laa lùu fa bwə me!»

Akts 11:9

Gɨ yɔ́ baa kii gi fɨ yizɔ laa kɨ mə tii fa nə fa bwə, faŋ Nwi yɨ̀sə laa lùu fa ley me.

1 Kɔrintian 6:13

Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

Kɔlɔsii 2:16

Faŋ ŋkə lùu nɨniŋ, kɨ viŋ biŋ wə kɔ nuŋsə yimɔ́ꞌ tɨ́ viŋ buꞌ vətɔ mbɨə faŋ viŋ zɨ nə me, tɨꞌnə me vətɔ mbɨə faŋ viŋ nu me, tɨꞌnə me kɔ̀ŋ nu məzɨ vəshi vəkwalə taa ŋuꞌ, nə taa ŋuu finə, tɨꞌnə me kɔ̀ŋ vəshi və zwisə me.