Mark 6:41 - Vengo (Babungo)

⁴¹ Yeso kɨ nii ndì yighɨsə bee yɔ́ tee nə, nə susə sɔ́ səbɔɔ, ndèynə yizɔ, shɔ̀ꞌtə Nwi, kɨ nii bɨꞌ, kɔ̀ tɨ́ vɨɨ məzwetə nu ki laa vəŋ gaa tɨ́ vɨɨ vɔ́. Ŋwə gaa susə sɔ́ səbɔɔ tɨ́ vɨɨ vənshə nɨzi.

Mark 6:41 ပူးပေါင်းရင်းမြစ်များ

Matiu 14:19

Vəŋ jwi kɔ̀ tɨ́ ŋwə. Ŋwə gi tɨ́ nwaa vɨɨ vɔ́ laa vəŋ duꞌ nsi fuu gay. Ŋwə kɨ nii ndì yighɨsə bee yɔ́ tee, nə vaŋ-susə vɔ́ vəbɔɔ, ndèynə yizɔ, bə̀ŋsə Nwi, bɨ̀ꞌtə bee kɔ́, kɔ̀ tɨ́ vɨɨ məzwetə nu ki, vəŋ kɔ tɨ́ vɨɨ vɔ́.

Matiu 15:36

Ŋwə kɨ nii ndì yighɨsə bee yɔ́ kwatia nə, nə vaŋ-susə vɔ́, shɔ̀ꞌtə Nwi, bɨ̀ꞌtə bee kɔ́, kɔ̀ tɨ́ vɨɨ məzwetə nu ki, vɨɨ məzwetə nu ki kɔ tɨ́ vɨɨ vɔ́.

Matiu 26:26

Faŋ vəŋ nə zɨ̀ nɨniŋ, Yeso ndi bee, tù mənɔŋ-bwaŋnə shɔ, bɨꞌ, kɔ̀ tɨ́ vɨɨ məzwetə nu ki, gì laa, «Viŋ fi zɨ, lùu mbasə ŋwaa ŋwaa.»

Mark 14:22

Nə luu maa yighee yɔ́, faŋ vəŋ nə duꞌ kɨ zɨ nə, Yeso ndi bee, bə̀ŋsə Nwi shɔ, bɨꞌ, kɔ̀ tɨ́ vəŋ, gì laa, «Kɔ̀, lùu ŋwaa ŋwaa.»

Mark 6:40

Vɨɨ vɔ́ duꞌnə nsi vəshəŋ vəshəŋ, wə waaghɨꞌ, wə muu-ntee maa shəŋ, wə waaghɨꞌ, wə muu-ntee maa shəŋ.

Mark 6:42

Vɨɨ vənshə zɨ zwə̀kə.

Mark 7:34

ndèynə yizɔ, sɔŋ, gì tɨ́ ŋwə laa, «Efata», faŋ lùu laa «Ŋaꞌnə».

Mark 8:19

Maa viŋ lùmə nu yighɨsə bee yì. Yighee njyə faŋ mə yaa ndi yighɨsə bee tee, bɨ̀ꞌtə, kɔ̀ tɨ́ vɨɨ ŋkaŋsə tee nə, viŋ nə bàytə vəbɨꞌ və bee, lwèsə ŋkɔɔsə səꞌ?» Vəŋ gi tɨ́ ŋwə laa, ŋkɔɔsə njɔsə-bɔɔ.

Lukas 24:30

Vəŋ gə ŋìi taa ŋii, dùꞌ nsi maa məzɨ, ŋwə ndi bee, shɔ̀ꞌtə Nwi, bɨꞌ, kɔ̀ tɨ́ vəŋ.

Lukas 9:16

Ŋwə kɨ nii ndì yighɨsə bee yɔ́ tee, nə susə sɔ́ səbɔɔ nə, ndèynə yizɔ, bwàŋ Nwi maa vətɔ vɔ́, bɨ̀ꞌtə, kɔ̀ tɨ́ vɨɨ məzwetə nu ki laa vəŋ gaatə tɨ́ vɨɨ vɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:41

Vəŋ baꞌsə ŋoꞌ yɔ́. Yeso ndeynə yizɔ, gì laa, «Tɨta, mə bwaŋ ghɔ, buꞌ laa a zɔ̀ gɨ nyaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:1

Faŋ Yeso nə gì vənu vɔ́ mètə, ndèynə yizɔ, shɔꞌtə Nwi, gì laa lee, «Tɨta, yighee kùꞌ, də yikwalə ŋwiŋ wə tɨ́ mbi, tɨ́ kaꞌ vɨɨ kɨ̀ɨ nə yikwalə yə buꞌ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:11

Yeso fi yighɨsə bee yɔ́, shɔ̀ꞌtə Nwi, kɨ nii bɨ̀ꞌtə bee kɔ́, gàasə tɨ́ vɨɨ vɔ́, faŋ vəŋ nə dùꞌ nsi nə, baa ndì susə sɔ́, gàatə tɨ́ vɨɨ vɔ́. Wə tɨ̀ me wə zɨ zwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:23

Vəbay vəmɔ́ꞌ tɔŋ jwì fɨ ntɨꞌ Tiberias, jwi lùu nshənə maa shəŋ ŋkɨə faŋ tɨta Yeso nə ndwàŋ Nwi shɔ, vɨ zɨ bee yifi nə.

Akts 27:35

Ŋwə nə gì nɨniŋ, ndì bee, shɔ̀ꞌtə Nwi vɨsɨ vəŋ vənshə, kɨ nii yibɨꞌ, kɨ zɨ.

Roma 14:6

Wə ntɨə faŋ ŋwə bɨꞌtə shi mɔ́ꞌ laa ŋkə luu kəkwalə tɨ́ ŋwə, buu ŋwə bɨꞌtə nɨniŋ, bəŋsə tɨta ŋwaa-nsiŋ nɨniŋ. Gə fɨ maa wə ntɨə faŋ ŋwə kwə mbasə, ŋwə kwə lùu maa yizii tɨta ŋwaa-nsiŋ, buꞌ faŋ ŋwə bwaŋ Nwi maa fazɨ kɔ́. Wə ntɨə faŋ ŋwə twèy maa məkwə mbasə, yɨ nɨniŋ buꞌ tɨta ŋwaa-nsiŋ nɨzi, bwaŋ Nwi sheꞌ nɨniŋ.

1 Kɔrintian 10:31

Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.