Mark 6:34 - Vengo (Babungo)

³⁴ Nɨniŋ, Yeso kɨ fùu fɨ taa bay, yè ŋkee nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa bisə-njɨɨ faŋ nsə kee kii nshii me. Ŋwə tey kɨ deesə vənu tɨ́ vəŋ ŋkee vəyaŋ.

Mark 6:34 ပူးပေါင်းရင်းမြစ်များ

Matiu 14:14

Nɨniŋ, ŋwə kɨ fuu fɨ taa bay, yè nwaa vɨɨ vəyaŋ, kèe gəŋsə vəŋ, fùusə vəza fɨ maa vɨɨ vəza vəvəŋ.

Matiu 15:32

Yeso tii vɨɨ məzwetə nu ki, vəŋ shəŋtə jwi yɨ ŋwə. Ŋwə gi tɨ́ vəŋ laa gəŋsə koo yi maa nwaa vɨɨ vɔ́, buꞌ laa vəŋ tay yɨ yi, ndwə lùu vəshi vətia, fazɨ kee lùu shɔ ghɔ vəŋ me. Mə kee kàw mèꞌtə vəŋ gə, maa laa vəŋ zɨ̀ fa me, buꞌ jɨŋ taa zwilə vəŋ jɨɨ.

Matiu 9:36

Faŋ ŋwə nə toꞌ nɨniŋ nə, yè nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa nwaa bisə-njɨɨ faŋ nsə nɔŋ nsi bwa bwa, nə vədɨꞌ maa vəŋ, buꞌ faŋ nshii vəŋ kee lùu shɔ me.

Mark 6:33

Vɨɨ vəyaŋ ye vəŋ faŋ vəŋ gə, nyɨŋ bèꞌsə vəŋ fɨ ghuu, shìanə gə̀ vɨsɨ fɨ ghɔ vəŋ. Vɨɨ vɔ́ nə ndɔ̀ fɨ ntɨꞌsə sənshə, bèꞌsə vəŋ.

Mark 6:35

Yighee shɔɔ, vɨɨ məzwetə nu ki gi tɨ́ ŋwə laa, «Lùu shəŋ tɔɔ waꞌsə nə; yighee baa shɔ̀ɔ nɨzi.

Mark 8:1

Nə luu maa yighee yɔ́, vɨɨ baa kɨ baytə yɨ Yeso ŋkee vəyaŋ, kee bee kìi fazɨ me. Yeso tii vɨɨ məzwetə nu ki yɨ ŋwə, gì tɨ́ vəŋ laa,

Mark 8:2

«Gəŋsə kòo mə maa vɨɨ və̀. Vəŋ duꞌ yɨ mə ndwə vəshi vətia, kee kìi fazɨ me.

Lukas 9:11

Vɨɨ vəyaŋ zɔ, bèꞌsə ŋwə. Ŋwə biŋ laa vəŋ ziꞌ yɨ ŋwə, gì tɨ́ vəŋ kɔ̀ŋ nu yifwàŋ Nwi, fùusə vəza fɨ maa vɨɨ mbɨə faŋ vəŋ nəə zɨzasə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.