Mark 6:30 - Vengo (Babungo)

³⁰ Vɨɨ ntɔŋsə Yeso bəŋ fàynə yɨ ŋwə, nàysə vənu vənshə faŋ vəŋ nə yɨ̀ tɨ́ ŋwə, nə mbɨə faŋ vəŋ nə dèesə.

Mark 6:30 ပူးပေါင်းရင်းမြစ်များ

Matiu 10:2

Təzii tə vɨɨ vi vɔ́ njɔsə-bɔɔ nə, lùu nee: Saymon faŋ vɨ tii ŋwə nə Pita, nə Andru weenshu wi, nə Jeyms wee Zebedii, nə Jɔn weenshu wi,

Mark 3:14

Ŋwə shoꞌ vɨɨ njɔsə-bɔɔ laa ghɔ vɨ vəŋ lùu mɔ́ꞌ, baa nə laa ŋwə taa tɔŋ vəŋ laa vəŋ gə kɨ fɨꞌtə nu Nwi,

Mark 6:29

Vɨɨ məzwetə nu Jɔn zɔ nu kɔ́, gə̀ ndì ŋku ki, gə̀ təə.

Lukas 10:17

Vɨɨ ntɔŋ Yeso vɔ́ muu-ŋkwatia nə, bəŋ jwi yɨ Yeso nə məŋaytə, nàysə tɨ́ ŋwə laa, «Tɨta, ŋkee vəzwitə vəbwəvə zɔnə yia maa yizii yə.»

Lukas 17:5

Vɨɨ ntɔŋ tɨta Yeso gi tɨ́ ŋwə laa ŋwə kuꞌsə wutə maa vəŋ, tɨ́ kaꞌ vəŋ nùŋ fwisə vəŋ maa Nwi, wèꞌ shɔ.

Lukas 22:14

Yighee kɨ kuꞌ, Yeso jwi, ghɔ vɨ vɨɨ ntɔŋ vi dùꞌ nsi maa məzɨ vətɔ vɔ́.

Lukas 24:10

Vəki vɔ́ nə luu Meri Madalin, nə Joana, nə Meri nshu Jeyms, baa nə vəki vəmɔ́ꞌ faŋ ghɔ vɨ vəŋ nə luu mɔ́ꞌ. Vəŋ naysə vənu vɔ́ tɨ́ vɨɨ ntɔŋ Yeso,

Lukas 6:13

Fu kɨ lee, ŋwə tii vɨɨ məzwetə nu ki, vəŋ jwi yɨ ŋwə, ŋwə shoꞌ vɨɨ njɔsə-bɔɔ fɨ taa ŋwaa vəŋ, tii vəŋ nə vɨɨ ntɔŋ vi nɨzi.

Lukas 9:10

Vɨɨ ntɔŋ Yeso vɔ́ bəŋ jwì, fɨ̀ꞌtə vənu vənshə faŋ vəŋ nəə yɨsə tɨ́ ŋwə. Ŋwə ndi vəŋ, ghɔ vɨ vəŋ bɨɨ gə̀ sheꞌ vəŋ vəŋ maa shəŋ ndenə, gə̀ zìꞌ maa ntɨꞌ yimɔ́ꞌ, yizii ntɨꞌ yɔ́ luu Betsayda.

Akts 1:26

Nɨniŋ, vəŋ tuŋ beꞌ maa yizii vɨɨ vɔ́ vəbɔɔ maa məshoꞌ wə muꞌ. Yizii njyə faŋ vɨ nə shoꞌ luu Matias. Ŋwə kɨ nii kùꞌsə nwaa vɨɨ ntɔŋsə Yeso njɔ-yimuꞌ nə.