Mark 6:14 - Vengo (Babungo)

¹⁴ Fwàŋ Herod nə zɔ̀ vənu və Yeso, buꞌ faŋ vɨ nə duꞌtə vɨ kɨɨ nə Yeso dɨdɨꞌ. Ŋwə gi laa Yeso luu sheꞌ Jɔn, wuu məkɔ muu mə Nwi, faŋ ŋwə ywèy fɨ shɨ yiku, baa nə laa lùu ŋiꞌ nu ŋkɨə faŋ wutə ki faꞌ fɨ maa ŋwə tɨ́ nee.

Mark 6:14 ပူးပေါင်းရင်းမြစ်များ

Matiu 9:31

Luu nə, vəŋ fuu kɨ naysə nu Yeso taa way shɨ kɔ́ kənshə.

Mark 1:28

Sheꞌ yighee muꞌ sɔꞌkə ghɔ́ nə fì vədɨꞌ vənshə fɨ shɨ Galilii kənshə ŋkwəŋ.

Mark 1:45

Luu nə, wə ghɔ́ fuu kɨ toꞌ, naysə tɨ́ vɨɨ vəyaŋ. Nu kɔ́ saynə, fi vəshəŋ vənshə. Vɨɨ tey kɨ baytə yɨ Yeso ŋkee dɨdɨꞌ, tɨ́ kɨ kaꞌ ŋwə kee baa kɨɨ fuu baa ŋii taa ntɨꞌ yimɔ́ꞌ ntee me, kɨ nii dùꞌ sheꞌ yiba shɨ. Vɨɨ kɨ jɨjwi yɨ ŋwə fɨ maa vəshəŋ vənshə.

Mark 8:28

Vəŋ gi tɨ́ ŋwə laa, «Vɨɨ mɔ́ꞌ gì laa a lùu Jɔn, wuu məkɔ muu mə Nwi; vɨɨ mɔ́ꞌ gi laa a lùu Elias; vɨɨ mɔ́ꞌ laa a lùu ŋgwə muꞌ fɨ taa nwaa nshiisə-ŋii sɔghɔ fɨ ywaŋ-vɨsɨ.»

Lukas 13:31

Kɨ luu sheꞌ maa yighee yɔ́, vɨɨ Farisii vəmɔ́ꞌ jwi, gì tɨ́ Yeso laa ŋwə ndɔ fɨ maa shəŋ kɔ́, buꞌ laa fwàŋ Herod kəə zwi ŋwə.

Lukas 3:1

Nə luu maa yighee njyə faŋ fwàŋ Tiberiɔs nə dùꞌ fuu ŋkaw yifwàŋ, gə ziꞌ ŋuꞌsə njɔsə-tee, Nwi tii Jɔn, wee Zakaraya fɨ tɔɔ waꞌsə, tɔ̀ŋ ŋwə nə ntɔŋ tɨ́ vɨɨ Isirayl. Nə luu maa yighee njyə faŋ Pɔntiɔs Pilate nə luu goməna fɨ shɨ Judia, Herod nə luu fwàŋ fɨ shɨ Galilii, weenshu wi Filip nə luu fwàŋ fɨ Ituria nə Trakonitis, Lisanias nə luu fwàŋ fɨ Abilene.

Lukas 7:17

Nu ki kɔ́ saynə shɨ Judia kənshə nə taa məshɨ məmɔ́ꞌ faŋ mbə kìa shɨ Judia.

Lukas 9:19

Vəŋ bəŋsə tɨ́ ŋwə laa, «Vɨɨ mɔ́ꞌ gisə laa a luu Jɔn, wuu məkɔ muu mə Nwi. Vəmɔ́ꞌ laa a luu Elias. Vəmɔ́ꞌ laa a lùu fɨ maa nshiisə-ŋii sɔghɔ mbə ywaŋ-vɨsɨ, faŋ ŋwə ywèy fɨ shɨ yiku.»

1 Tesalonika 1:8

fɔnə nu Nwi nə fùu fɨ ghɔ viŋ, saynə taa məshɨ mə Makedonia nə Akaya, baa kii shɔ̀ɔ fɨ fuŋ, vɨ kɨɨ nə məbiŋ wiŋ, faŋ viŋ nùŋ fwi maa Nwi nə, maa vəshəŋ vənshə. Nɨniŋ, yia kee baa kìi nu gì me,

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.