Mark 6:12 - Vengo (Babungo)

¹² Yeso mètə yigi yi yɔ́, vɨɨ məzwetə nu ki fuu, gə̀ kɨ fɨꞌtə nu Nwi laa vɨɨ kwiinə njɨɨnə vəŋ.

Mark 6:12 ပူးပေါင်းရင်းမြစ်များ

Matiu 11:1

Faŋ Yeso nə mètə maa məkɔ ntɨ yɔ́ tɨ́ vɨɨ məzwetə nu ki njɔsə-bɔɔ nə, ndɔ̀ fɨ yifi, gə̀ kɨ deesə nu Nwi taa ntɨꞌsə shɨ vəŋ.

Matiu 11:20

Yeso kɨ nii tey kɨ shə fɨ tɔ ntɨꞌsə səmɔ́ꞌ, buꞌ laa vəŋ nə kee kwìinə fwisə vəŋ me, faŋ ŋwə nə kɔlə yɨ̀sə ŋkee vənu vəkwalə sɨ vəŋ. Ŋwə nə gì laa lee,

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 9:13

Viŋ gə kɨ kwaꞌtə tɔ kiŋ maa nu ŋkɨə faŋ Nwi nə gì laa, «Mə kəə laa vɨɨ kɨ gaŋtə vɨɨ, shɔ̀ɔ faŋ vəŋ feꞌ ŋwə.» Mə nə kee jwì maa mətii vɨɨ mbɨə faŋ vənu vəvəŋ lùu vəloomə me; mə nə jwì maa mətii vəyɨ-kəbwə laa vəŋ kwiinə fwisə vəŋ.»

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Mark 1:3

baa nə laa, «Wə mɔ́ꞌ luꞌ fɨ tɔɔ waꞌsə laa, viŋ lootə jɨɨ Tɨta ŋwaa-nsiŋ, bɔ̀ŋsə fɔꞌ wi, ŋwə neꞌtə.»

Lukas 11:32

Sheꞌ nɨniŋ, vɨɨ fɨ shɨ Ninevee ndɔ tɨŋnə yizɔ, mɔꞌ nsɔꞌ tɔ ŋgwisə vɨɨ və̀, vəŋ ŋii nsɔꞌ, buꞌ laa vɨɨ Ninevee vɔ́ nə kwìinə fwisə vəŋ, faŋ Jona nə fɨꞌtə nu Nwi tɨ́ vəŋ nə. Gə fɨ maa viŋ, viŋ kee kwìinə fwi siŋ me, faŋ viŋ kɔlə yè wə ntɨə faŋ ŋwə shɔ̀ɔ Jona nə.»

Lukas 13:3

Ŋkə kee lùu nɨniŋ me. Viŋ zɔ! Mə gì tɨ́ viŋ laa viŋ kɨ luu kee kwiinə fwi siŋ me, buu viŋ vənshə ndɔ kɨ kukə sheꞌ nɨniŋ.

Lukas 13:5

Bey, mə gì tɨ́ viŋ laa, viŋ kɨ luu kee kwìinə fwi siŋ me, buu viŋ vənshə ndɔ kɨ kukə sheꞌ nɨniŋ.»

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 9:6

Ŋwə gi nɨniŋ mètə, vəŋ fuu, kɨ toꞌ fɨ taa məshɨ məshɨ, toꞌ wày nu ntɔŋ yijəə Nwi, fuusə vəza fɨ maa vɨɨ vəza maa vəshəŋ vənshə.

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 26:20

Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.