Mark 6:11 - Vengo (Babungo)

¹¹ Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Mark 6:11 ပူးပေါင်းရင်းမြစ်များ

Matiu 12:36

Viŋ zɔ! Mə naysə tɨ́ viŋ laa ndɔ luu maa shi nsɔꞌ, faŋ Nwi ndɔ shia nsɔꞌsə vɨɨ vənshə, vɨ ndɔ kɨ bitə tɨ́ vɨɨ kɔ̀ŋ yigisə ŋkɔmə yinshə faŋ vəŋ nə gì.

Mark 6:10

Ŋwə baa gì tɨ́ vəŋ laa, «Viŋ taa gə, ziꞌ shəŋ mɔ́ꞌ, viŋ ŋii sheꞌ taa ŋii wə muꞌ, dùꞌ, shi sheꞌ yifi, taa ndɔ sheꞌ fɨ yifi.

Lukas 9:5

Viŋ kɨ luu zìꞌ maa shəŋ kəmɔ́ꞌ, vɨɨ kee jìa viŋ jəə me, viŋ fùu fɨ taa ntɨꞌ yinjii, tɔ̀ŋsə shɔꞌ fɨ ghuu viŋ nsi, kɨ nii lùu shwenə nsɔꞌ tɔ vɨɨ vɔ́.»

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

Roma 2:16

Nu kɔ́ ndɔ fuu ntee maa shi ŋkɨə faŋ Nwi ndɔ shoꞌtə vənu və vɨɨ faŋ vəŋ nə ndɨə. Mfɨꞌ yi ndɔ luu ntɔŋ yijəə Nwi buꞌ Yeso Kristo, faŋ mə fɨꞌtə tɨ́ vɨɨ nə.

Roma 2:5

Luu nə, a shii dɨdɨꞌ, kee kaw kwiinə fwi yə me, kɨ yɨsə vənu vəbwəvə. Nɨniŋ, a yɨ laa nsɔꞌ yə ndɔ luu yiweꞌ maa shi ŋkɨə faŋ Nwi ndɔ kɨ sɔꞌ mbi maa yinsəŋ yi ntee.

2 Pita 2:6

Gə fɨ maa məshɨ mə Sodom nə Gomora, Nwi nə kwàŋ vɨɨ mbɨə faŋ vəŋ nə luu taa məshɨ mbɔ́ nə taa nsɔꞌ. Nwi nə yɨ̀sə wisə twàŋ məshɨ mbɔ́ məmbɔɔ, mbə gu vəbu. Nɨniŋ, Nwi nə kɔ̀ shwenə tɨ́ vɨɨ vənshə faŋ vəŋ kee zɔnə ŋwə me, laa vəŋ kɔꞌ kɨɨ laa Nwi ndɔ ndisə vəŋ sheꞌ nɨndɨŋ.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.

1 Jɔn 4:17

Kɨ luu nu kaŋ-nsiŋ fɨ shɨ nsi luu sheꞌ faŋ ŋkə Yeso nə lùu, buu kɨ kaꞌ nsiŋ kàw Nwi nə fwi nyaa-nsiŋ yinshə, buu kɨ kaꞌ nsiŋ ndɔ jia fwi saŋ-nsiŋ maa shi məshia nsɔꞌ.

Ŋwaꞌlə Jud 1:7

Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.