Mark 5:7 - Vengo (Babungo)

⁷ yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»

Mark 5:7 ပူးပေါင်းရင်းမြစ်များ

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Matiu 8:29

Vəŋ yumə laa, «Nsiŋ sii kìi kə, Wee Nwi? A jwì feenə, jwi kɔ ŋɨꞌ tɨ́ yia, buu yighee taa kuꞌ mu?»

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Mark 14:61

Ŋwə gay, kee bee bə̀ŋsə tuu nu me. Wuu kwalə məfeꞌ Nwi bitə tɨ́ ŋwə laa, «Naysə tɨ́ yia, a luu wə ntɨə faŋ Nwi nə shoꞌ maa wuu məbweysə vɨɨ vi mu? A lùu Wee Nwi, faŋ vɨ bəŋsə ŋwə Nwi nə mu?»

Mark 3:11

Faŋ zwitə bwə nə yè Yeso, vəzwitə vəbwəvə yɨsə vɨɨ vɔ́ gukə vɨsɨ ŋwə, yùmə, gì laa, «A lùu Wee Nwi!»

Mark 5:6

Wə ghɔ́ ye Yeso fɨ ntaŋ, nyɨŋ jwì, gwènə ŋwə,

Mark 5:8

Ŋwə nə gì nɨniŋ buꞌ laa Yeso nii gì tɨ́ zwitə bwə kɔ́ laa ŋkə fuu fɨ maa ŋwə.

Lukas 1:32

Ŋwə ndɔ luu wuu kwalə, vɨ tii ŋwə nə Wee Nwi Nshɔɔ-mbi. Nwi, Tɨɨ-mbi, taa kɔ kenə yifwàŋ tii wi Deyvid tɨ́ ŋwə,

Lukas 4:34

«Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Lukas 6:35

Nɨniŋ, viŋ kɨ kaw luu vɨɨ mbeenə viŋ. Viŋ kɨ yɨsə vənu vəjəəvə, shwaꞌ vɨɨ nə ka, kee kɨ tə sɨ maa məbaa fi me. Viŋ yɨ̀ nɨniŋ, buu sey wiŋ ndɔ yaŋ. Viŋ luu vaŋ Nwi Nshɔɔ-mbi, buꞌ laa ŋwə yɨsə jəə maa vɨɨ vənshə, nə tɨ́ vɨɨ faŋ vəŋ kee kɔ bwaŋ-wee tɨ́ ŋwə me, nə tɨ́ vɨɨ vəŋwiŋ nɨzi.

Lukas 8:28

Wə ghɔ́ ye Yeso, yùmə, gù vɨsɨ Yeso, gì tɨ́ ŋwə ŋkee nəŋay laa, «Nsoo kìi kə, Yeso, Wee Nwi Nshɔɔ-mbi? Mə bùꞌ ghɔ tɨ́ ghɔ laa, kɨ ghɔ yɨnə mə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 19:13

Nɨniŋ, vɨɨ Jus vəmɔ́ꞌ faŋ vəŋ nəə toꞌ fɨ taa mbi, toꞌ fùusə vəzwitə vəbwəvə fɨ maa vɨɨ, fiꞌsə maa mətii yizii tɨta Yeso maa vɨɨ faŋ zwitə bwə nə luu taa ŋwaa vəŋ, gisə tɨ́ vəzwitə vəbwəvə laa, «Maa yizii Yeso ŋgwə faŋ Pɔɔl toꞌ fɨꞌtə nu ki nə, yia gì laa viŋ fuu.»

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Roma 16:20

Nwi faŋ ŋwə kɔ məduꞌ-nyɔŋ tɨ́ vɨɨ nə, taa fiitə tɨɨ vəzwitə vəbwəvə Satan ŋiꞌ ghuu viŋ, ŋkə kee baa luu ntaŋ me. Tɨta ŋwaa-nsiŋ Yeso tu mənɔŋ-bwaŋnə tɔ viŋ!

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

Hibru 7:1

Wə wì faŋ vɨ tii ŋwə nə Melkizedek nə, nə luu fwàŋ fɨ shəŋ mɔ́ꞌ faŋ vɨ tii nə Salem. Ŋwə nə baa lùu wuu məfeꞌ Nwi Nshɔɔ-mbi. Ŋkee fɨshi, maa yighee njyə faŋ Abraham nə bə̀ŋ fɨ shəŋ yighaw faŋ ŋwə ghɔ vɨ vɨɨ vi nə tuŋ yighaw, jìatə vəfwàŋ vəyaŋ, Melkizedek ghɔ́ nə gə fàynə ghɔ vɨ vəŋ jɨɨ, tù mənɔŋ-bwaŋnə tɔ ŋwə.

Jeyms 2:19

A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.

2 Pita 2:4

Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 12:12

Nɨniŋ, yizɔ ŋaytə ghɔ vɨ vɨɨ vənshə faŋ vəŋ lùu yizɔ nə. Luu nə, ŋɨꞌ shɨ nsi nə fuu mamuu, buꞌ laa tɨɨ vəzwitə vəbwəvə siꞌ gə̀ shɔ, yè viŋ, tɨ́ fwi yi shə dɨdɨꞌ, buꞌ faŋ ŋwə kɨɨ laa yighee yi tuŋsə̀.»