Mark 5:18 - Vengo (Babungo)

¹⁸ Yeso biŋ, baa kii ŋii taa bay, wuu zwitə bwə ghɔ́ buꞌ ghɔ tɨ́ ŋwə laa ghɔ ŋwə gə mɔ́ꞌ.

Mark 5:18 ပူးပေါင်းရင်းမြစ်များ

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Mark 5:15

Vəŋ jwi yɨ Yeso, yè wə ntɨə faŋ vəzwitə vəbwəvə nə luu maa ŋwə ŋkaŋsə nə. Wə ghɔ́ nə dùꞌ nsi, tɨ́ ŋwə mɔꞌ njwisə, tɔ ki ley. Vəŋ fee.

Mark 5:16

Vɨɨ mbɨə faŋ vəŋ nə yè, naysə nu ŋkɨə faŋ ŋkə nii gày maa wuu zwitə bwə ghɔ́ nə vəŋkwinyaa.

Mark 5:17

Vɨɨ zɔ, tey kɨ buꞌ ghɔ tɨ́ Yeso laa ŋwə ndɔ fɨ yɨ shɨ vəŋ.

Mark 5:7

yùmə ŋkee nəŋay, gì laa, «Sɨ kìi kə, Yeso, Wee Nwi Nshɔɔ-mbi? Maa yizii Nwi, mə buꞌ ghɔ, kɨ ghaysə mə me!»