Mark 4:15 - Vengo (Babungo)

¹⁵ Vɨɨ mbɨə faŋ ŋgwisə say vəŋ fìŋkə jɨɨ, lùu vɨɨ mbɨə faŋ vɨ mɔ̀ꞌ yigisə Nwi, vəŋ kɨ zɔ, tɨɨ vəzwitə vəbwəvə jwi, shə̀ fɨ tɔ vəŋ, fì nu ŋkɨə faŋ vɨ mɔ̀ꞌ taa fwisə vəŋ, gə̀ nə ŋkə.

Mark 4:15 ပူးပေါင်းရင်းမြစ်များ

Matiu 13:19

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Matiu 22:5

Vəndifwaŋ vɔ́ gə. Vɨɨ vɔ́ shɨshiasə. Vɨɨ mɔ́ꞌ gə taa faꞌ vəŋ, vɨɨ mɔ́ꞌ gə taa yiwiŋ vəŋ.

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Mark 4:14

Wuu məmɔꞌ say ghinə, mɔꞌ lùu yigisə Nwi.

Mark 4:16

Sheꞌ nee, vɨɨ mbɨə faŋ say vəŋ fìŋkə taa nsi ŋoꞌsə, lùu vɨɨ faŋ vəŋ zɔ̀ yigisə Nwi, bìŋ yighee muꞌ nə məŋaytə.

Mark 4:4

Faŋ ŋwə gə̀ kɨ mɔꞌ, say mɔ́ꞌ fiŋkə jɨɨ, mənwə jwi shwə̀tə.

Lukas 8:12

Say ŋgɨə faŋ ŋə fìŋkə jɨɨ nə, lùu yaa nu vɨɨ mbɨə faŋ vəŋ yaa kɨ zɔ, tɨɨ vəzwitə vəbwəvə jwi fùusə fɨ taa fwi vəŋ, laa kɨ vəŋ nuŋ fwisə vəŋ maa Nwi, Nwi bweysə vəŋ me.

Akts 17:32

Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

2 Kɔrintian 2:11

Nsiŋ yɨ nɨniŋ laa kɨ Satan, tɨɨ vəzwitə vəbwəvə, kee kɨ bweꞌsə nsiŋ me. Maa nsiŋ kɔꞌ kɨɨ nə ŋkɨɨ yi.

2 Tesalonika 2:9

Ndɔ yɨsə Satan, tɨɨ vəzwitə vəbwəvə, laa wuu ndwaŋ ghɔ́ fuu taa mbi, kɨ yɨsə vənu və shuu yɔŋvə vənshə, nə vəshwenə nə vənu və yifiŋtə, faŋ lùu sheꞌ vənu və təba.

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 20:10

Vɨ mɔꞌ tɨɨ vəzwitə vəbwəvə, faŋ ŋwə nə bwèꞌsə vɨɨ vɔ́ nə, taa shəŋ wisə kwalə, faŋ ŋwə kɨɨ, lumə ki zwilə vɨɨ nə, maa shəŋ ŋkɨə faŋ nyaa yi ghɔ wuu məsɨɨ təba wi lùu shɔ nɨzi nə. Vəŋ ye ŋɨꞌ shɔ vətuꞌ nə shɨshwi maa vəshi və mbi vənshə, ki kee ndɔ luu shɔ me.

Reveleyshən 20:7

Ŋuꞌ ŋkaŋ yɔ́ ndɔ me, vɨ keꞌtə Satan, ŋwə fuu fɨ taa ŋii mfiŋ ŋwə,