Mark 3:29 - Vengo (Babungo)

²⁹ Luu sheꞌ wə ntɨə faŋ ŋwə ndà Zwitə Ley Nwi, faŋ kaꞌ Nwi kee ndɔ baa ndenə yibɨsə yi yɔ́ me. Ŋwə yɨ̀ nu bwə faŋ ŋkə gòꞌsə maa ŋwə yighee muꞌ.»

Mark 3:29 ပူးပေါင်းရင်းမြစ်များ

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Matiu 9:3

Vɨɨ mɔ́ꞌ fɨ taa ŋwaa vɨɨ mədeesə ŋwaꞌlə Nwi gi fɨ taa fwisə vəŋ laa, «Wə ŋwə̀ ndasə Nwi.»

Mark 12:40

Viŋ kɔꞌ kɨɨ laa, vəŋ zɨ vətɔ və vəki ŋkusə, shɔꞌtə Nwi nə təgi təyaŋ təyaŋ, tay dɨdɨꞌ maa məboꞌ sɨ vɨɨ. Nsɔꞌ njyə faŋ Nwi ndɔ kwaŋ maa vəŋ ndɔ shɔɔ ki.»

Mark 3:30

Yeso nə gì nɨniŋ buꞌ laa vəŋ nə gì laa lùu zwitə bwə taa ŋwaa ŋwə faŋ ŋkə kɔ wutə ki tɨ́ ŋwə nə.

Lukas 12:10

Wə tɨ̀ me wə faŋ ŋwə gì bwə kɔ̀ŋ Wuu yinsəŋ Nwi, buu vɨ ndɔ ndenə yibɨsə yi tɨ́ ŋwə. Gə fɨ maa wə faŋ ŋwə nə ndà Zwitə Ley Nwi, kaꞌ vɨ kee ndɔ baa ndenə nu bwə ki kɔ́ me.

2 Tesalonika 1:9

Nsɔꞌ ndɔ ŋii maa vɨɨ vɔ́ ŋkee yiweꞌ, vəŋ ndɔ ye ŋɨꞌ yiyaŋ dɨdɨꞌ faŋ nyə gòꞌsə yighee muꞌ. Ŋkə taa ndɔ fɨ ghɔ tɨta Kristo, fɨ maa wutə ki kəkwalə nə, faŋ ŋkə bàw shɔ̀ɔ ki.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.

Ŋwaꞌlə Jud 1:7

Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.