Mark 3:17 - Vengo (Babungo)

¹⁷ nə Jeyms, wee Zebedii, nə Jɔn, weenshu Jeyms, faŋ Yeso nə tìi vəŋ nə Boanerjes, faŋ lùu laa Vaŋ-Yibay.

Mark 3:17 ပူးပေါင်းရင်းမြစ်များ

Matiu 4:21

Ŋwə baa kɨ toꞌ, filə gə vɨsɨ, baa yè vaŋ-nshwi mɔ́ꞌ vəbɔɔ, luu Jeyms, wee Zebedii, ghɔ weenshu wi Jɔn, faŋ vəŋ nə dùꞌ taa bay ghɔ vɨ tɨɨ vəŋ Zebedii, kɨ təənə təŋɔŋ fɨ maa ghuu susə vəŋ. Yeso tii vəŋ nɨzi.

Mark 10:35

Jeyms ghɔ Jɔn, vaŋ Zebedii, kɨ nii fùu jwì vɨsɨ Yeso, gì tɨ́ ŋwə laa, «Tɨta, yia kəə laa a yɨ nu ŋkɨə faŋ yia taa ndwaŋ fɨ ghɔ ghɔ.»

Mark 14:33

Ŋwə gi nɨniŋ, ndì Pita nə Jeyms baa nə Jɔn, ghɔ vɨ vəŋ gə. Vəŋ gə nɨniŋ, fwi yi tey kɨ laꞌ, ŋwə fee,

Mark 3:16

Vɨɨ vɔ́ njɔsə-bɔɔ faŋ ŋwə nə shòꞌ nə, nə luu Saymon, ŋgwə faŋ Yeso nə shù yizii yi nə Pita,

Mark 3:18

Ŋwə baa shoꞌ Andru, nə Filip, nə Bartolomi, nə Matiu, nə Tɔmas, nə Jeyms wee Alfeɔs, nə Tadeɔs, nə Saymon wuu Kanahan,

Mark 5:37

Yeso kɨ gə̀ shɔ, kee biŋ laa wə beꞌsə ŋwə me, tɨ̀ lɨꞌ sheꞌ Pita nə Jeyms baa nə Jɔn, weenshu Jeyms.

Mark 9:2

Vəshi kɨ shɔɔ ntɔfə, Yeso ndi Pita nə Jeyms baa nə Jɔn, ghɔ vɨ vəŋ koꞌ gə̀ ŋkee fuu baŋ yidə. Faŋ vəŋ nə zìꞌ yifi, sheꞌ vəŋ vəŋ, ŋwaa Yeso kwiinə fɨ yikəꞌ vəŋ.

Lukas 9:54

Jeyms nə Jɔn, faŋ nə luu vɨɨ məzwetə nu Yeso nə, ye nu kɔ́, gì tɨ́ ŋwə laa, «Tɨta, a kəə laa yia gi wisə fuu fɨ taa yizɔ, twàŋ vəŋ mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:2

Saymon Pita nə Tɔmas faŋ vɨ nəə tii ŋwə nə Siꞌye nə, baa nə Nataniel faŋ ŋwə nə ndɔ̀ fɨ ntɨꞌ Kana fɨ shɨ Galilii, nə vaŋ Zebedii vəbɔɔ, nə vɨɨ məzwetə nu Yeso vəmɔ́ꞌ vəbɔɔ, vəŋ nə bàytə shəŋ muꞌ.

Akts 12:1

Kɨ luu sheꞌ maa yighee yɔ́ fwàŋ Herod jiatə vɨɨ vəmɔ́ꞌ fɨ taa nwaa vɨɨ məbiŋ Kristo, kɨ kɔ ŋɨꞌ tɨ́ vəŋ.

Hibru 4:12

Nsiŋ kɔꞌ kɨɨ laa yigisə Nwi lùu nu məbwey, kìi wutə, baa shə shɔ̀ɔ baꞌ yighaw faŋ ŋkə lùu kəshəsə nə, shə̀ kwiŋ nshə, tɨ́ kaꞌ nyə ŋii ŋkee taa fwi wə, ŋii ŋkee taa vəyəə və ŋwaa və wə. Nyə baa luu də mbɨꞌtə wə faŋ wə bɨꞌtə fɨ taa fwi ŋwə.

Reveleyshən 10:11

Vɨ baa kɨ nii nàysə shee laa mə ndɔ ghaa kɨ fɨꞌtə nu ŋkɨə faŋ Nwi kwàŋ taa shuu mə nə, tɨ́ ŋgwisə vɨɨ vəyaŋ, nə məshɨ məyaŋ, nə təghaŋ təyaŋ, nə vəfwàŋ vəyaŋ.