Mark 2:21 - Vengo (Babungo)

²¹ Yeso baa gì tɨ́ vəŋ laa, «Wə kee yaa kɨ ndi waytə njwi faŋ ŋkə kɨ bii kəfi, faŋ vɨ kee ta yisɔ me, gə̀ tà maa njwi yimwa. Kɨ ghaŋ ŋwə yɨ nɨniŋ, buu way fi kɔ́ taa shəŋtə sà njwi yimwa yɔ́, nyə bɨ shɔ̀ɔ faŋ nyə yaa dùꞌ.»

Mark 2:21 ပူးပေါင်းရင်းမြစ်များ

Matiu 9:16

Kaꞌ wə kee ndì waytə njwi yifi, ta fuu njwi yimwa me. Ŋwə yɨ̀ nɨniŋ, buu waytə njwi kɔ́ taa sa njwi yimwa yɔ́, nyə metə sànə.

Mark 2:20

Yighee ndɔ jwi faŋ Nwi ndɔ fi wəndɔŋ məndaa ghɔ́ fɨ ghɔ vəŋ. Ŋkə ndɔ luu maa shi kɔ́, vəŋ ndɔ baŋ fazɨ.»

Mark 2:22

Baa nə laa, «Wə kee yaa kɨ ndi məluꞌ məfimə, kwaŋ taa ntiasə məluꞌ məmwamə me. Kɨ ghaŋ ŋwə yɨ nɨniŋ, məluꞌ mbɔ́ taa twelə ntiasə sɔ́, fùu ndì; ntiasə sɔ́ bɨ nɨzi. Məluꞌ məfimə bàw sheꞌ taa ntiasə fisə.» (Yeso nə gì nɨniŋ maa mədə laa ŋkə kee yikuꞌnə maa məwasə nshinə yifi vɨɨ Nwi nə nshinə yimwa vɨɨ fɨ mbi me.)

Lukas 5:36

Yeso baa fɨ̀ꞌtə yigisə tii yimɔ́ꞌ tɨ́ vəŋ laa, «Kaꞌ wə kee sà waytə njwi fɨ maa njwi yifi, tà maa njwi yimwa me. Wə nəə toꞌ yɨ nɨniŋ, buu ŋwə taa sa njwi yifi yɔ́. Njwi yimwa yɔ́ nɨzi kee bàw me, buꞌ laa waytə njwi yifi kɔ́ kee kùꞌnə maa njwi yimwa yɔ́ me.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.