Mark 2:20 - Vengo (Babungo)

²⁰ Yighee ndɔ jwi faŋ Nwi ndɔ fi wəndɔŋ məndaa ghɔ́ fɨ ghɔ vəŋ. Ŋkə ndɔ luu maa shi kɔ́, vəŋ ndɔ baŋ fazɨ.»

Mark 2:20 ပူးပေါင်းရင်းမြစ်များ

Matiu 26:31

Faŋ vəŋ nəə toꞌ nɨniŋ, Yeso gi tɨ́ vɨɨ məzwetə nu ki laa, «Viŋ vənshə taa suꞌtə ghuu ghiŋ fɨ yiba jɨŋ mə sheꞌ vətuꞌ ndee, sheꞌ faŋ vɨ nə nyɔ̀ꞌ taa ŋwaꞌlə Nwi laa, Nwi taa zwi nshii bisə, bisə sɔ́ saykə.

Matiu 9:15

Yeso gi tɨ́ vəŋ laa, «Nə kaꞌ vɨɨ məzɨ yitianə wəndɔŋ məndaa kɨ luŋ-taw, faŋ wəndɔŋ məndaa lùu yɨ vəŋ mu? Luu nə, ndɔ luu maa yighee yimɔ́ꞌ, Nwi ndi wəndɔŋ məndaa ghɔ́ fɨ ghɔ vəŋ, buu vəŋ kɨ baŋ fazɨ maa yighee yɔ́.

Mark 2:19

Yeso bəŋsə tɨ́ vəŋ, nàysə tɨ́ vəŋ maa yigisə tii kɔŋ nshɨ-tɔ wi nə vɨɨ vi laa, «Kɨ kaꞌ vɨɨ gə̀ maa məzɨ məndaa, gə̀ dùꞌ ghɔ vɨ wəndɔŋ məndaa, kɨ baŋ fazɨ mu? - Kaꞌ vəŋ kee bàŋ fazɨ faŋ ghɔ vɨ wəndɔŋ məndaa lùu mɔ́ꞌ me.

Mark 2:21

Yeso baa gì tɨ́ vəŋ laa, «Wə kee yaa kɨ ndi waytə njwi faŋ ŋkə kɨ bii kəfi, faŋ vɨ kee ta yisɔ me, gə̀ tà maa njwi yimwa. Kɨ ghaŋ ŋwə yɨ nɨniŋ, buu way fi kɔ́ taa shəŋtə sà njwi yimwa yɔ́, nyə bɨ shɔ̀ɔ faŋ nyə yaa dùꞌ.»

Lukas 17:22

Ŋwə baa kɨ nii gì tɨ́ vɨɨ məzwetə nu ki laa, «Ndɔ luu shi mɔ́ꞌ, viŋ kɨ kəə maa məye mə sheꞌ maa shi kəmuꞌ, kee bee ye me.

Lukas 5:35

Vəshi ndɔ kuꞌ, faŋ vɨ ndɔ baꞌsə wəndɔŋ məndaa fɨ yɨ vəŋ, buu vəŋ ndɔ zwisə nə jɨŋ maa vəshi vɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:8

Viŋ vɨ mbəəsə lùu ghee nshə. Gə̀ fɨ maa mə, nsiŋ kee taa luu ghee nshə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:33

Vaŋ vaŋ, yighee kee baa gòꞌ ntaŋ, faŋ mə taa mèꞌtə viŋ me. Viŋ taa kɨ kəə mə, luu nə, shəŋ ŋkɨə faŋ mə gə shɔ, kaꞌ viŋ kee gə̀ shɔ me, yuu mə nə duꞌtə mə naysə tɨ́ vɨɨ Jus nə. Mə baa luu naysə nu kɔ́ tɨ́ viŋ ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:28

Mə nə ndɔ̀ fɨ yɨ Tii ŋwaa, jwi mbi nyə̀. Nɨniŋ, mə baa mèꞌtə mbi nyə̀ ndwə, bə̀ŋ gə̀ yɨ Tii ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:7

Mə naysə ŋkee nu yinsəŋ tɨ́ viŋ laa, lùu nu jəə tɨ́ viŋ faŋ mə gə nɨniŋ nə. Kaꞌ Zwitə Ley Nwi kee ndɔ jwi maa viŋ me, maa tɨ̀ lɨꞌ laa mə bɨ gə, gə̀ tɔ̀ŋ wuu məgaŋtə ghɔ́ tɨ́ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:11

Mə kee baa lùu taa mbi me, luu nə, vɨɨ vaŋ vɔ́ goꞌ taa mbi, faŋ mə jɨjwi yɨ ghɔ nə. Tɨta faŋ a bàw shɨlə, kɨ kɨꞌ vəŋ, vəŋ goꞌ maa yizii yə, faŋ a nə kɔ̀ shee nə, laa vəŋ luu fa kəmuꞌ, sheꞌ faŋ nsoo lùu fa kəmuꞌ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:13

Mə jɨjwi yɨ ghɔ ndwə, kɨ naysə nu kɔ́ taa mbi nyə̀, laa nu ŋkɨə faŋ mə ŋaytə shɔ, ŋii taa fwisə vəŋ, vəŋ kɨ ŋaytə nɨzi nə fwi vəŋ yinshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:29

Wəndɔŋ faŋ ŋwə ndaa wəzwi, wəzwi məndaa lùu ŋgwii. Gə̀ fɨ maa wuumba wəndɔŋ məndaa ghɔ́, ŋwə tɨŋnə kɨ zɔ faŋ wəndɔŋ məndaa ghɔ́ gisə, ŋwə ŋaytə ŋkee dɨdɨꞌ faŋ ŋwə zɔ̀ gɨ wəndɔŋ məndaa ghɔ́. Nɨniŋ, mə luu sheꞌ yaa wuumba wəndɔŋ məndaa ghɔ́. Nu kɔ́ fàynə ndee, mə kìi məŋaytə nɨzi.

Akts 1:9

Yeso gi nɨniŋ, Nwi kɨ nii ndì ŋwə, ŋwə koꞌ taa yizɔ, vəŋ nə ye. Mbɔꞌ kɨ nii ndì ŋwə, vəŋ kee baa ye ŋwə me.

Akts 14:23

Maa vəshəŋ vənshə vəŋ shoꞌ vɨɨ, nùŋsə vəŋ maa vɨɨ taa fɨ taa məshəŋtə vɨɨ Kristo, baŋ fazɨ, shɔꞌtə Nwi, mɔꞌ ghɔ vəŋ tɔ vɨɨ taa vɔ́, nuŋsə vəŋ vɨsɨ tɨta Yeso, laa ŋwə shiinə vəŋ, yuu vəŋ nə nùŋ fwisə vəŋ maa ŋwə nə.

Akts 3:21

Ŋwə lùu taa yizɔ ndwə, ziꞌ tɨ́ yighee njyə faŋ vənu vənshə ndɔ fuu ntee, faŋ Nwi nə kwàŋ taa shuu nshiisə-ŋii sɔghɔ shù fɨshi.

1 Kɔrintian 7:5

Nɨniŋ ghɔ́, kɨ wəndɔŋ ghɔ wəzwi twey nu liŋ wi me, maa tɨ̀ lɨꞌ laa vəŋ vənshə biŋ laa vəŋ taa gaasə yiŋwaa maa wee-fɨ-yighee maa məshɔꞌtə Nwi me. Yighee yɔ́ taa shɔɔ, bàw vəŋ baa faynə, tɨ́ kaꞌ zwitə bwə Satan kee kìi wutə, ŋii taa ŋwaa vəŋ nə məmɔŋ, kɨ yɨ laa vəŋ gu, buꞌ laa vəŋ kee kɨɨ sɔꞌ yiŋwaa yivəŋ me.

2 Kɔrintian 11:2

Mə weꞌ maa nu kiŋ, buꞌ laa yɨsə Nwi laa mə weꞌ maa nu kiŋ. Viŋ lùu yaa wee-wəzwi faŋ ŋwə kee ta kɨ̀ɨ nə wəndɔŋ me, faŋ mə ŋìi məndaa wi maa məkɔ tɨ́ wə mɔ́ꞌ, wə ghɔ́ lùu Kristo.

2 Kɔrintian 11:27

Mə nə nùꞌ ŋwaa ŋwaa maa faꞌ weꞌ, shi nə yikɨꞌ ghee yaŋ. Jɨŋ za mə, too ŋwaa yɔŋ. Mə zwisə nə jɨŋ ghee yaŋ. Gwə koo mə, mə kee kìi fa kusə me.

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.

Reveleyshən 19:7

Nsiŋ kɨ ŋaytə, shɨꞌ, bəŋsə yizii yi, buꞌ laa yighee məndaa wee-bi-njɨɨ kùꞌ, zu wi duꞌtə ŋwə lootə ŋwaa wi.

Reveleyshən 21:9

Nshiiŋii Nwi yimuꞌ fɨ taa ŋwaa nshiisə-ŋiisə Nwi kwatia, faŋ nsə nə kìi vəkay və ŋɨꞌ kwatia nə, jwi yɨ mə, gì laa, «Jwi feenə, mə də wəzwi məndaa wee-bi-njɨɨ ghɔ́ tɨ́ ghɔ.»