Mark 2:17 - Vengo (Babungo)

¹⁷ Yeso zɔ yigisə vəŋ yɔ́, bə̀ŋsə tɨ́ vəŋ laa, «Vɨɨ mbɨə faŋ vəŋ lùu vətaa, kee yaa kɨ kəə tɨɨ ŋay me. Kəə sheꞌ vɨɨ mbɨə faŋ vəŋ zɨzasə kəə tɨɨ ŋay. Sheꞌ nee, mə kee jwì luu tɨ́ vɨɨ mbɨə faŋ vənu vəvəŋ luu vəloomə me. Mə jwì tii luu vəyɨ-kəbwə laa vəŋ kwiinə fwisə vəŋ.»

Mark 2:17 ပူးပေါင်းရင်းမြစ်များ

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 15:29

Ŋwə bəŋsə tɨ́ tii wi laa, «Maa mə nə faꞌ tɨ́ ghɔ maa ŋuꞌsə səyaŋ, kee ta bɨ̀ꞌ fəntɨ fə me, a kee ta kɔ sheꞌ wee-bi shee me, tɨ́ kaꞌ mə yɨsə vəlɔꞌ shɔ, yia vɨɨmba vaŋ.

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Lukas 16:15

Ŋwə gi tɨ́ vəŋ laa, «Viŋ lùu vɨɨ faŋ viŋ kɨɨ yɨsə laa viŋ luu vɨɨ loomə yikəꞌ vɨɨ. Luu nə, Nwi kɨɨ nə fwi siŋ. Viŋ kɔꞌ kɨɨ laa nu, faŋ luu ŋkee nu kwalə yikəꞌ vɨɨ, luu ŋkee nu bwə tɨ́ Nwi.

Lukas 19:10

Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:34

Vəŋ bəŋsə tɨ́ ŋwə laa, «A lùu wə faŋ vənu vəbwəvə lùu tɔ ghɔ, shù fɨ faŋ vɨ nə bì ghɔ. A kəə lùu yaa wuu mədeesə wia lee?» Vəŋ gi nɨniŋ, jɔ̀ŋ ŋwə fɨ taa ŋii məshəŋtə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:40

Vɨɨ Farisii vəmɔ́ꞌ faŋ vəŋ nə luu maa shəŋ kɔ́, zɔ yigi yɔ́, bìtə tɨ́ Yeso laa, «A kəə gì laa sɨ ghia luu fɨsə nɨzi mu?»

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 26:20

Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.