Mark 16:6 - Vengo (Babungo)

⁶ Wə ghɔ́ gi tɨ́ vəŋ laa, «Kɨ viŋ baa fee me. Maa viŋ kəə Yeso, wuu Nazaret, faŋ vɨ nə bèy ŋwə fuu fəŋkɔꞌ fə ŋkɨꞌsə nə. Ŋwə kee baa lùu feenə me. Ŋwə ywèy. Ye shəŋ ŋkɨə faŋ vɨ yaa nùŋsə ŋwə shɔ nə.

Mark 16:6 ပူးပေါင်းရင်းမြစ်များ

Matiu 12:40

Jona nə shì taa njyoꞌ su yikwalə vəshi vətia, vətuꞌ nə shɨshwi. Sheꞌ nɨniŋ, Wuu yinsəŋ Nwi ndɔ shi ŋkee taa nsi vəshi vətia, vətuꞌ nə shɨshwi nɨzi.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Mark 1:27

Shuu vɨɨ vənshə yɔŋ. Vəŋ bitə sheꞌ vəŋ vəŋ laa, «Lùu kə nə? Lùu ntɔ mədeesə yifi yikə nee? - Ŋwə sɔ̀ꞌ ŋkee vəzwitə vəbwəvə nə wutə, mbə zɔnə ŋwə.»

Mark 10:34

Vɨɨ tətɔŋ fu taw ŋwə, sheꞌ mənti maa ŋwə, saŋ ŋwə nə vəmfa, ndɔ zwi ŋwə. Vəshi kɨ shɔɔ vətia, ŋwə ywey.»

Mark 14:33

Ŋwə gi nɨniŋ, ndì Pita nə Jeyms baa nə Jɔn, ghɔ vɨ vəŋ gə. Vəŋ gə nɨniŋ, fwi yi tey kɨ laꞌ, ŋwə fee,

Mark 9:15

Nwaa vɨɨ vɔ́ ye Yeso, sàylə yighee muꞌ, nyɨŋ gə̀ shɔ̀ꞌtə ŋwə.

Lukas 24:46

Ŋwə gi tɨ́ vəŋ laa, «Vɨ nə nyɔ̀ꞌ taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, vəshi kɨ ziꞌ vətia, ŋwə ywey fɨ shɨ yiku,

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.