Mark 16:16 - Vengo (Babungo)

¹⁶ Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Mark 16:16 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Mark 1:15

«Yighee njyə faŋ Nwi ndɔ jwì sɔꞌ vɨɨ maa nshɨ-tɔ wi lùu nshənə. Nɨniŋ, viŋ kwiinə fwi siŋ, biŋ ntɔŋ yijəə yɔ́.»

Lukas 8:12

Say ŋgɨə faŋ ŋə fìŋkə jɨɨ nə, lùu yaa nu vɨɨ mbɨə faŋ vəŋ yaa kɨ zɔ, tɨɨ vəzwitə vəbwəvə jwi fùusə fɨ taa fwi vəŋ, laa kɨ vəŋ nuŋ fwisə vəŋ maa Nwi, Nwi bweysə vəŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:29

Yeso bəŋsə tɨ́ vəŋ laa, «Faꞌ ŋgwə faŋ kaꞌ viŋ fàꞌ, ŋwə bàw tɨ́ Nwi, lùu laa viŋ nuŋ fwi siŋ maa mə, faŋ nə tɔ̀ŋ Nwi tɔ̀ŋ mə taa mbi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:24

Lùu ŋiꞌ nu ŋkɨə faŋ mə gì tɨ́ viŋ laa, viŋ ndɔ kukə nə vənu vəbwəvə viŋ tɔ viŋ. Ŋkee yinsəŋ viŋ ndɔ kukə nə vənu vəbwəvə viŋ tɔ viŋ, buꞌ faŋ viŋ kee biŋ laa mə lùu wə ntɨə faŋ mə lùu me.»

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 13:39

Luu nə, wə nùŋ fwi yi maa Yeso, buu Nwi taa ndenə vənu vəbwəvə vi vənshə, nu ki baa lòomə.

Akts 13:46

Pɔɔl ghɔ Barnabas ka fwi, gì tɨ́ vəŋ laa, «Ŋkə nə bàw laa vɨ bɨ fɨꞌtə nu Nwi tɨ́ vɨɨ Jus. Luu nə, viŋ twey, kee kɨ ndi ŋwaa wiŋ laa viŋ kìi məbwey vəlwaŋ me. Nɨniŋ, yia taa meꞌtə viŋ ndwə, gə̀ maa vɨɨ məshɨ məday.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 22:16

Ŋwə kɨ nii baa bìtə shee laa mə sii kɨꞌ kə? «Bàw a ndɔ yizɔ, fì muu mə Nwi, kɨ tii yizii Yeso laa ŋwə sɔ nu bwə kə.»

Roma 3:6

Ŋkə nii toꞌ lùu nɨniŋ, buu Nwi ndɔ sɔꞌ mbi kɨkə?

Roma 4:24

Vɨ nə nyɔ̀ꞌ yigi yɔ́ tɨ́ nsiŋ nɨzi, buꞌ laa Nwi taa ndi nsiŋ yaa vɨɨ loomə nɨzi, faŋ nsiŋ nùŋ fwi saŋ-nsiŋ maa Nwi faŋ ŋwə nə ywèysə tɨta ŋwaa-nsiŋ Yeso fɨ shɨ yiku.

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

2 Tesalonika 2:12

Nɨniŋ, Nwi kwàŋ nsɔꞌ tɔ vɨɨ vənshə faŋ vəŋ nə kee bìŋ nu yinsəŋ me, kaw sheꞌ nu ŋkɨə faŋ ŋkə kee lùu kəloomə me. Vəŋ ndɔ gu nsɔꞌ.

1 Pita 1:21

buꞌ laa viŋ kwàŋ fwi siŋ maa Nwi buꞌ ŋwə, faŋ Nwi nə ywèysə ŋwə fɨ shɨ yiku, kòꞌsə ŋwə fuu ŋkaw yifwàŋ. Nɨniŋ, kaꞌ viŋ nùŋ fwi siŋ maa Nwi, kɨ kɨꞌ məbwey vəlwaŋ fɨ ghɔ ŋwə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,

Reveleyshən 20:15

Wə tɨ̀ me wə faŋ vɨ nə kee nyɔ̀ꞌ yizii yi taa ŋwaꞌlə məbwey vəlwaŋ me, vɨ mɔꞌ ŋwə taa wi yɔ́.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»