Mark 15:43 - Vengo (Babungo)

⁴³ Josef, wuu Arimatia, ka fwi, gə̀ yè goməna Pilate, ndwàŋ ŋku Yeso. Josef ghɔ́ nə luu fɨ taa nwaa vɨɨ məshia nsɔꞌ. Vɨɨ nəə gwenə ŋwə. Nshɨ-tɔ wi nəə kɨkɨꞌ nu yifwàŋ Nwi.

Mark 15:43 ပူးပေါင်းရင်းမြစ်များ

Matiu 19:30

Luu nə, vɨɨ vəyaŋ faŋ vəŋ lùu vɨsɨ ndwə, ndɔ fi yiba; vɨɨ yiba fi vɨsɨ.»

Matiu 20:16

Yeso metə yigisə tii yɔ́, gì laa, «Luu sheꞌ faŋ vɨɨ mbɨə faŋ vəŋ lùu yiba, ndɔ shɔɔ vɨsɨ, mbɨə faŋ vəŋ luu vɨsɨ, gu yiba.»

Matiu 27:57

Kɨ lùu laynəfu, tɨɨ ka mɔ́ꞌ jwi faŋ ŋwə nə ndɔ̀ fɨ ntɨꞌ Arimatia, yizii yi lùu Josef. Ŋwə nə baa lùu wuu məzwetə nu Yeso.

Mark 14:54

Pita nəə beꞌsə Yeso fɨ ntaŋ, jwì dùꞌ ŋkee fu wuu kwalə məfeꞌ Nwi, kɨ zwasə wisə ghɔ vɨ vɨɨ faꞌ vɨɨ məfeꞌ Nwi.

Mark 15:44

Ŋwə ndwaŋ ŋku Yeso, shuu Pilate yɔŋ laa Yeso duꞌtə ŋwə kɔ yiku mu? Ŋwə tii tɨɨ vəsogeꞌ, bìtə tɨ́ ŋwə laa Yeso duꞌtə ŋwə ku mu?

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 2:38

Wəzwi ghɔ́ shəŋtə jwì yɨ wee ghɔ́ maa yighee yɔ́ nɨzi, bəŋsə Nwi, baa gì kɔ̀ŋ wee ghɔ́ tɨ́ vɨɨ vənshə, faŋ vəŋ nəə kɨꞌ laa Nwi ndɔ bweysə shɨ Jerusalem.

Lukas 23:50

Wə mɔ́ꞌ nə luu shɔ, yizii yi lùu Josef. Ŋwə nə luu shɨꞌ fɨ shɨ, baa lùu wuu jəə, vənu vi lùu vəloomə.

Lukas 23:51

Ŋwə nə kee bìŋ nu ŋkɨə faŋ vɨ nə kà taa ŋii nsɔꞌsə, ndɔ yɨ̀ maa Yeso nə me. Ŋwə nə ndɔ̀ fɨ Arimatia, faŋ lùu ntɨꞌ yimɔ́ꞌ fɨ shɨ Judia. Ŋwə nəə kɨkɨꞌ nu yifwàŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:38

Yiŋkii kɨ mè, wə mɔ́ꞌ jwi yifi, yizii yi luu Josef fɨ ntɨꞌ Arimatia. Ŋwə nə luu wə faŋ ŋwə nəə beꞌsə Yeso, kee beꞌsə ntee me, buꞌ laa ŋwə nəə fee vɨɨ kwalə vɨɨ Jus. Josef ghɔ́ gə ye Pilate, ndwàŋ ŋwə laa ŋwə kɔ ŋku Yeso, yi gə təə. Pilate biŋ. Josef gə ndì ŋku Yeso.

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 17:12

Nɨniŋ, vɨɨ vəyaŋ nuŋ fwisə vəŋ maa nu Kristo. Vɨɨ Griik vəyaŋ, vəndɔŋ nə vəki, nə luu taa ŋwaa vɨɨ məbiŋ nu Kristo nɨzi. Vəki vəkwalə nə luu taa ŋwaa vəŋ nɨzi.

Filipi 1:14

Nu mɔ́ꞌ baa lùu laa, vaŋ-nshwi vaŋ-nsiŋ vəyaŋ, faŋ vəŋ ye laa mə lùu taa ŋii mfiŋ buꞌ Kristo nə, vəŋ tey kɨ yɨꞌtə maa Yeso ŋkee dɨdɨꞌ, baa kìi fwi yiweꞌ maa məbaa fɨꞌtə nu Nwi tɨ́ vɨɨ, gə vɨsɨ vɨsɨ, kee baa fɨfee me.