Mark 14:62 - Vengo (Babungo)

⁶² Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Mark 14:62 ပူးပေါင်းရင်းမြစ်များ

Matiu 24:30

Shwenə Wuu yinsəŋ Nwi kɨ nii fùu taa yizɔ. Vɨɨ məshɨ mənshə fɨ taa mbi gwia, kɨ ye Wuu yinsəŋ Nwi ghɔ́, faŋ ŋwə bəŋ jwì fɨ fuu mbɔꞌ fɨ taa yizɔ, nə wutə nə feenə yaŋ.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Matiu 27:11

Nɨniŋ, Yeso tɨŋ vɨsɨ Goməna. Goməna bitə tɨ́ ŋwə laa, «A luu fwàŋ vɨɨ Jus mu?» Yeso gi laa, «Gì ghɔ nɨniŋ.»

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Mark 15:2

Goməna Pilate bitə tɨ́ Yeso laa, «A luu fwàŋ vɨɨ Jus mu?» Yeso bəŋsə tɨ́ ŋwə laa, «A gì ŋkee nu.»

Mark 16:19

Faŋ tɨta Yeso nə gì yigi yɔ́ tɨ́ vəŋ metə, Nwi yɨsə ŋwə koꞌ gə̀ taa yizɔ, gə̀ dùꞌnə maa kwiŋ maꞌnə Nwi.

Lukas 22:69

Luu nə, shù fɨ maa ndwə, Wuu yinsəŋ Nwi taa duꞌ maa kwiŋ Nwi maꞌnə, faŋ ŋwə kìi wutə kənshə.»

Lukas 23:3

Goməna bitə tɨ́ ŋwə laa, «A luu fwàŋ vɨɨ Jus mu?» Yeso bəŋsə tɨ́ ŋwə laa, «Gì ghɔ nɨniŋ.»

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 8:1

Nu ŋkɨə faŋ ŋkə shɔ̀ɔ vənu vənshə taa yigisə yia, lùu laa nsiŋ kìi kəŋ wuu kwalə məfeꞌ Nwi faŋ ŋwə dùꞌ maa kwiŋ maꞌnə Nwi, faŋ ŋwə kìi wutə kənshə yizɔ. Wuu kwalə məfeꞌ Nwi ghɔ́ lùu Yeso.

Hibru 8:10

Ŋwə baa luu gì tɨ́ vəŋ laa, «Məkee mbɔ́ faŋ yia vɨɨ Isirayl ndɔ gwia maa vəshi vɔ́, lùu laa mə ndɔ yɨsə vəŋ kɨɨ nə ntɨsə saŋ, nùŋ fwi vəŋ shɔ, kɨ zɔnə ntɨsə sɔ́ nə fwi yimuꞌ. Mə taa luu Nwi vəŋ, vəŋ luu vɨɨ vaŋ.

2 Pita 1:16

Viŋ kɔꞌ kɨɨ laa vənu mbɨə faŋ yia nə fɨ̀ꞌtə tɨ́ viŋ kɔ̀ŋ wutə Yeso Kristo, baa nə laa ŋwə ndɔ bəŋ jwì fùu ntee, kee luu sheꞌ mətiitii faŋ nə bɨ̀ꞌtə wə mənsaw nə yitɔfə yi me. Nshɨ-tɔ wia nə yè feenə wi nə yisɨ.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.