Mark 14:38 - Vengo (Babungo)

³⁸ Viŋ shi nə yikɨꞌ, kɨ shɔꞌtə Nwi laa kɨ viŋ ŋii məmɔŋ maa məyɨ nu bwə me! Maa fwi siŋ biŋ; bəə yiŋwaa yiŋ bə̀ə ŋay.»

Mark 14:38 ပူးပေါင်းရင်းမြစ်များ

Matiu 24:42

Nɨniŋ, viŋ kɨ shi nə yikɨꞌ, buꞌ laa viŋ kee kɨɨ nə shi ŋkɨə faŋ Tɨta wiŋ ndɔ jwi shɔ nə me.

Matiu 25:13

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Matiu 26:41

Viŋ kɨ kɨꞌ, shɔꞌtə Nwi, laa kɨ viŋ ŋii məmɔŋ maa məyɨ nu bwə me. Maa fwi siŋ biŋ, bəə yiŋwaa yiŋ bə̀ə ŋay.»

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Mark 14:34

gì tɨ́ vəŋ laa, «Mə kìi məluŋ taa fwi mə yaŋ, tɨ́ kɨ kaꞌ ŋwə zwì mə. Viŋ duꞌ feenə, kɨ kɨꞌ mə!»

Mark 14:37

Ŋwə bəŋ jwì, ye vəŋ nə bɨbwey. Ŋwə gi tɨ́ Pita laa, «Saymon, a bɨbwey mu? Nə kaꞌ a kee dùꞌ, kee kɨ bwey me, tày yaa ləə kəmuꞌ yimu?

Mark 14:39

Ŋwə baa kii gə shɔꞌtə Nwi, baa kɨ gi sheꞌ faŋ ŋwə nii gì nə,

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 22:40

Vəŋ kɨ ziꞌ maa shəŋ kɔ́, ŋwə gi tɨ́ vəŋ laa, «Viŋ shɔꞌtə Nwi, bùꞌ ghɔ tɨ́ ŋwə laa kɨ viŋ ŋii fɔꞌ Satan me,»

Lukas 22:46

Ŋwə gi tɨ́ vəŋ laa, «Viŋ sii bwey kə? Viŋ ndɔ yizɔ, kɨ buꞌ ghɔ tɨ́ Nwi laa kɨ viŋ ŋii fɔꞌ Satan me.»

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

Galatia 5:17

Ŋkitə vɨɨ kee lùu yaa njyə faŋ nyə kìi Zwitə Nwi me; ŋkitə Zwitə Nwi kee lùu yaa njyə vɨɨ me. Ŋkitə wə nywenə ghɔ Zwitə Ley Nwi. Lùu ŋiꞌ nu ŋkɨə faŋ ŋkə yɨsə laa viŋ kee yuu kɨ yɨsə nu ŋkɨə faŋ viŋ kəə kɨ yɨsə me.

Filipi 2:12

Vaŋ-nshwi vaŋ faŋ mə kàw, viŋ yaa zɔnə yigisə Nwi ghee nshə, faŋ nsiŋ nə luu mɔ́ꞌ nə. Bàw viŋ baa zɔnə shɨshɔɔ, faŋ nsiŋ kee baa lùu mɔ́ꞌ nə me. Viŋ kɨ toꞌ maa nu Nwi nə wutə, fee Nwi, kɨ lɔꞌ, tɨ́ kaꞌ Nwi ndɔ bweysə viŋ.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.