Mark 14:36 - Vengo (Babungo)

³⁶ Ŋwə nə gì laa lee, «Tii ŋwaa, a kìi wutə maa məyɨ vənu vənshə. Baꞌsə ndaw ŋɨꞌ fɨ maa mə! Luu nə, kɨ ghɔ yɨ nu faŋ kàw mə me, yɨ sheꞌ ŋkɨə faŋ kàw ghɔ!»

Mark 14:36 ပူးပေါင်းရင်းမြစ်များ

Matiu 26:39

Ŋwə filə gə, tùŋ yikəꞌ yi nsi maa məshɔꞌtə Nwi, gì laa, «Tii ŋwaa, jɨɨ yiday lùu shɔ, a yɨ̀ ndaw ŋɨꞌ nyə̀ shɔ̀ɔ fɨ maa mə. Luu nə, kɨ ŋkə gay maa ŋkitə nyaa me; yɨ nu ŋkɨə faŋ ŋkə lùu taa ŋkitə yə.»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Matiu 6:9

Nɨniŋ, ŋkə bàw laa viŋ kɨ shɔꞌtə Nwi, gi laa lee, Tii wia fɨ yizɔ, məbəŋsə lùu maa yizii yə.

Mark 10:27

Yeso ndeynə vəŋ, gì laa, «Tɨ́ vɨɨ ŋkə lùu kəweꞌ, kee luu tɨ́ Nwi me, buꞌ laa tɨ́ Nwi vənu vənshə lùu vəyaysə.»

Mark 10:39

Vəŋ gi tɨ́ ŋwə laa kaꞌ vəŋ yɨ̀ nu kɔ́. Ŋwə gi tɨ́ vəŋ laa, «Ndaw ŋɨꞌ njyə faŋ mə ndɔ nu, viŋ taa nu nɨzi. Muu mbɨə faŋ mə ndɔ fi, viŋ taa fi nɨzi.

Mark 14:37

Ŋwə bəŋ jwì, ye vəŋ nə bɨbwey. Ŋwə gi tɨ́ Pita laa, «Saymon, a bɨbwey mu? Nə kaꞌ a kee dùꞌ, kee kɨ bwey me, tày yaa ləə kəmuꞌ yimu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:27

Fwi nyaa kɔ mə nə ŋɨꞌ ndwə. Bàw mə gì tɨ́ Tii ŋwaa laa ŋwə fuusə mə fɨ taa ŋɨꞌ nyə̀ mu? Bey, kaꞌ mə kee gì nɨniŋ me, buꞌ laa ŋɨꞌ nyə̀ luu sheꞌ ŋiꞌ nu ŋkɨə faŋ mə nə jwì mbi nyə̀ buꞌ ŋkə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:11

Yeso gi tɨ́ Pita laa ŋwə kwaŋ baꞌ ki taa kɔ. «Nə kaꞌ mə kee nu ndaw njyə faŋ tɨta Nwi kɔ̀ shee nə yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:30

Nɨniŋ, kaꞌ mə kee yɨ tuu nu maa wutə kaŋ me. Mə shia nsɔꞌsə sheꞌ faŋ mə zɔ fɨ ghɔ Tii ŋwaa faŋ ŋwə kəə. Nɨniŋ, mə sɔꞌ nsɔꞌsə, nsə lùu səloomə, buꞌ laa mə kee yɨ nu ŋkɨə faŋ kàw mə me; mə yɨ nu ŋkɨə faŋ Nwi faŋ ŋwə nə tɔ̀ŋ mə nə, kàw.

Galatia 4:6

Faŋ viŋ lùu vaŋ Nwi, Nwi tɔ̀ŋ Zwitə ŋwiŋ wi, ŋkə jwi ŋìi taa fwisə nsiŋ. Zwitə ki kɔ́ yɨsə laa nsiŋ tii Nwi laa, «Tii wia, tɨta.»

Filipi 2:8

Yighee njyə faŋ ŋwə nə luu wə nə, ŋwə baa sùꞌsə ŋwaa wi nsi, bìŋ yiku, ŋkee yiku vɨɨ bwənə, faŋ vɨ nə bèy ŋwə fuu fəŋkɔꞌ fə ŋkɨꞌsə.

2 Timoti 2:13

Nsiŋ kɔlə kɨ luu kee bìisə ghuu maa nu ki me, buu ŋwə kɨ bii wuu yinsəŋ; kaꞌ ŋwə kee twèy nu ki me.»

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.