Mark 14:2 - Vengo (Babungo)

² Nɨniŋ, vəŋ nəə gisə laa, «Kɨ nsiŋ yɨ nu kɔ́ faŋ vɨ zɨ vəshi vəkwalə vɔ́ me, buꞌ vɨɨ taa buulə shɨ.»

Mark 14:2 ပူးပေါင်းရင်းမြစ်များ

Matiu 26:2

«Bàw viŋ kɨɨ laa gòꞌ vəshi vəbɔɔ, shi zwisə Pasa kùꞌ. Ndɔ luu maa yighee yɔ́, vɨ ndi Wuu yinsəŋ Nwi, bèy ŋwə fuu fəŋkɔꞌ fə ŋkɨꞌsə, ŋwə ku.»

Matiu 26:5

Luu nə, vəŋ gi laa, «Kɨ ŋkə taa luu maa yighee yitianə me, buꞌ vɨɨ taa kɨ buulə shɨ.»

Mark 11:18

Vɨɨ kwalə məfeꞌ Nwi nə vɨɨ mədeesə ŋwaꞌlə Nwi zɔ nu kɔ́, kɨ kəə jɨɨsə maa məzwi ŋwə, buꞌ laa vəŋ nəə fee ŋwə, fɔnə vɨɨ vəyaŋ nəə bəŋsə ŋwə maa vənu mbɨə faŋ ŋwə nəə deesə nə.

Mark 11:32

Nɨniŋ, nsiŋ kɨ luu gi laa nə luu sheꞌ nu wə mənsaw, ŋkə taa luu kɨkə? Kaꞌ nsiŋ kee gì nɨniŋ me, buꞌ laa vɨɨ vənshə bɨꞌtə laa Jɔn nə luu nshiiŋii-sɔghɔ yinsəŋ.» Nɨniŋ, vəŋ nəə fee vɨɨ,

Mark 14:1

Nə goꞌ sheꞌ vəshi vəbɔɔ, kɔ tɨ́ shi kwalə vɨɨ Jus, faŋ vɨ tii nə Pasa, baa nə vəshi məkwə ba faŋ vɨ kee kwàŋ fənsɨŋ taa tey yi me. Nə lùu maa yighee yɔ́ vɨɨ kwalə məfeꞌ Nwi nə vɨɨ mədeesə ŋwaꞌlə Nwi nəə kəə jɨɨ maa məshɔɔ fɨ fuŋ, jia Yeso fɨ taa mənay, zwi ŋwə.

Mark 14:3

Nə luu maa yighee yɔ́, Yeso gə duꞌ taa ŋii Saymon, wuu zatə bwə wì, ntɨꞌ Betani, kɨ zɨ fazɨ. Faŋ ŋwə nə luu yifi, wəzwi mɔ́ꞌ jwi nə kəŋ ŋkwiŋ yimɔ́ꞌ nee, faŋ vɨ tii nə alabasta, nə kəŋ məŋgwə məluŋsə jəə taa tey yi faŋ vɨ tii nə nardo, ŋkee mbə shwaŋ ndɔŋnə, jwì ŋàꞌsə ŋkwiŋ yɔ́, tùtə məŋgwə mbɔ́ tɔ Yeso.

Lukas 20:6

Luu nə, vəŋ kɨ luu gi laa fɨ ghɔ wə mənsaw, buu vɨɨ vənshə taa tumə vəŋ nə ŋoꞌsə, buꞌ laa vɨɨ vənshə biŋ laa Jɔn nə luu nshiiŋii-sɔghɔ.

Lukas 22:1

Vəshi və Pasa, faŋ vɨɨ Jus yaa kɨ zɨ bee faŋ vɨ kee kwàŋ fənsɨŋ taa tey yi me, kɨ lùu nshənə,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:19

Vɨɨ Farisii gi sheꞌ vəŋ vəŋ laa, «Sii kaꞌ vɨ baa yɨ̀ kə? Ye faŋ mbi yinshə beꞌsə ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:40

Vɨɨ vəmɔ́ꞌ faŋ vəŋ nə zɔ̀ yigi yɔ́, gi laa, «Yinsəŋ, lùu nshiiŋii-sɔghɔ wì, faŋ nsiŋ kɨꞌ ŋwə nə.»