Mark 14:18 - Vengo (Babungo)

¹⁸ Vəŋ duꞌnə nsi, kɨ zɨ. Faŋ vəŋ nə dùꞌ, kɨ zɨ, Yeso gi laa, «Viŋ zɔ! Mə gì tɨ́ viŋ yinsəŋ laa wə mɔ́ꞌ fɨ taa ŋwaa viŋ taa fiŋ mə, wə mɔ́ꞌ faŋ nsiŋ vɨ vəŋ zɨ mɔ́ꞌ.»

Mark 14:18 ပူးပေါင်းရင်းမြစ်များ

Matiu 26:21

Faŋ vəŋ nəə zɨ nɨniŋ nə, ŋwə gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa wə muꞌ fɨ taa ŋwaa viŋ taa fiŋ mə.»

Matiu 5:18

Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Matiu 6:16

«Viŋ kɨ luu kɨ baŋ fazɨ, kɨ viŋ kɨ kaŋ yikəꞌ yiŋ yaa vɨɨ məkoꞌsə ŋwaa me. Vəŋ kaŋ yikəꞌ vəŋ, tɨ́ kɨ kaꞌ vɨɨ kɨ ye, bə̀ŋsə vəŋ shɔ. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:2

Yighee njyə faŋ viŋ kɔ fa tɨ́ wuu ŋɨꞌ, kɨ viŋ kɨ taw yisaw yaa vɨɨ məkoꞌsə ŋwaa yaa kɨ yɨsə taa ndɔꞌ Nwi nə jɨɨsə laa vɨɨ kɨ bəŋsə vəŋ nə me. Mə naysə ŋkee nu yinsəŋ tɨ́ viŋ laa vəkeynə vəŋ ndì nɨniŋ.

Matiu 6:5

«Yighee njyə faŋ viŋ kəə shɔꞌtə Nwi, kɨ viŋ lùu yaa vɨɨ məkoꞌsə ŋwaa me, faŋ vəŋ yaa kɨ kaw maa mətɨŋnə taa ndɔꞌ Nwi nə maa vənsanə və jɨɨsə, shɔꞌtə Nwi yifi laa vɨɨ kɨ ye vəŋ, bəŋsə vəŋ. Mə naysə ŋkee nu yinsəŋ tɨ́ viŋ laa vəkeynə vəŋ ndì.

Mark 10:15

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə kee bìŋ nu yifwàŋ Nwi yaa weembwa wuubwa me, buu ŋwə kee ndɔ ŋii shɔ me.»

Mark 10:29

Yeso bəŋsə tɨ́ ŋwə laa, «Mə naysə ŋkee nu yinsəŋ tɨ́ viŋ laa, kɨ luu wə meꞌtə ŋii yi, tɨꞌnə me vaŋ-nshwi vi vəndɔŋ nə mbə vəki, tɨꞌnə me nshu wi, tɨꞌnə me tii wi, tɨꞌnə me vaŋ vi, tɨꞌnə me ndɨɨ si buꞌ mə nə nu ntɔŋ yijəə Nwi,

Mark 14:17

Kɨ lùu laynəfu, Yeso jwi shɔ ghɔ vɨ vɨɨ məzwetə nu ki njɔsə-bɔɔ nə.

Mark 14:19

Vəŋ tey kɨ luŋ, gisə tɨ́ ŋwə wə nə muꞌ nə muꞌ laa, «Nə kee lùu mə yimu?»

Mark 14:25

Viŋ zɔ! Mə gì tɨ́ viŋ yinsəŋ laa, mə kee ndɔ baa nu məluꞌ me, ziꞌ tɨ́ shi ŋkɨə faŋ nu yifwàŋ Nwi ndɔ jwi. Mə ndɔ baa kii nu sheꞌ maa yighee yɔ́.»

Mark 14:9

Mə gì tɨ́ viŋ yinsəŋ laa, shəŋ tɨ̀ me shəŋ faŋ vɨ ndɔ kɨ fɨꞌtə ntɔŋ yijəə Nwi mbi, vɨ ndɔ fɨꞌtə nu ŋkɨə faŋ ŋwə yɨ̀sə nə nɨzi. Vɨ ndɔ lumə ŋwə tɨ́ nee.»

Mark 3:28

Yinsəŋ, mə gì tɨ́ viŋ laa, Nwi ndɔ ndènə kəŋ nu bwə tɨ̀ me kəŋ nu bwə faŋ vɨɨ nə yɨ̀sə. Vənu və ndisə vənshə faŋ vɨɨ ndàsə Nwi shɔ nə, Nwi ndɔ ndènə nu kɔ́.

Mark 6:11

Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Mark 8:12

Yeso sɔŋ ŋkee fɨ taa njyoꞌ ŋwə, gì laa, «Ŋgwi nyə̀ sii kəə shwenə buꞌ kə? Mə gì tɨ́ viŋ yinsəŋ laa tuu kee shwenə vɨ ndɔ kee kɔ tɨ́ ŋgwi nyə̀ me.»

Mark 9:1

Ŋwə baa gì tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa vɨɨ mɔ́ꞌ faŋ vəŋ tɨ̀ŋ feenə, kee ndɔ kukə me, buu ye nu yifwàŋ Nwi fuu nə wutə Nwi.»

Mark 9:41

Yeso baa gì tɨ́ vəŋ laa, «Viŋ zɔ! Mə gì tɨ́ viŋ laa, wə ntɨə faŋ ŋwə kɔ̀ ndaw muu viŋ nu, buꞌ laa viŋ lùu vɨɨ vaŋ, buu kɨ kaꞌ vəkeynə və wə ghɔ́ kee ndɔ ndi me.

Lukas 11:51

zì faŋ vɨ nə zwi Abel, gə ziꞌ tɨ́ Zakaraya, faŋ vɨ nə zwì ŋwə nɨntəŋ ŋii Nwi yɨ shəŋ məkɔ Nwi. Maa yinsəŋ, mə naysə tɨ́ viŋ laa, vɨ ndɔ kwaŋ vɨɨ mbi ndee və̀ taa nsɔꞌ buꞌ vənu vɔ́.

Lukas 22:21

Luu nə, viŋ zɔ! Ghɔ wuu məfiŋ ŋwaa fuu shəŋ məzɨ yia ŋwə.

Lukas 4:24

Luu nə, mə gì tɨ́ viŋ ŋkee yinsəŋ laa, vɨ kee yaa kɨ biŋ nshiiŋii-sɔghɔ ntɨꞌ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:18

Mə kee gisə nɨniŋ kɔ̀ŋ viŋ vənshə me, mə kɔꞌ kɨɨ nə vɨɨ mbɨə faŋ mə shòꞌ vəŋ laa lùu vɨɨ vaŋ. Ŋkə lùu nɨniŋ laa nu ŋkɨə faŋ ŋkə lùu taa ŋwaꞌlə Nwi faynə, laa «Wə ntɨə faŋ yia vɨ vəŋ zɨ bee kəmuꞌ, kiasə gù wuu mbeenə ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:21

Faŋ Yeso nə gì vənu vɔ́ nə, fwi yi ghaysə ŋwə ŋkee dɨdɨꞌ. Ŋwə kɨ nii gì tɨ́ vəŋ ntee laa, «Viŋ zɔ! Mə naysə tɨ́ viŋ yinsəŋ laa, wə muꞌ fɨ taa ŋwaa viŋ, taa fiŋ mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:22

Vɨɨ məzwetə nu ki shaꞌsə yitɔ vəŋ, wə ndeynə liŋ wi, wə ndeynə liŋ wi, vəŋ kee kɨ̀ɨ nə wə ntɨə faŋ ŋwə gisə kɔ̀ŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:38

Yeso gi tɨ́ ŋwə laa, «A kəə ku buꞌ mə lee? Mə naysə ŋkee nu yinsəŋ tɨ́ ghɔ laa, ŋkɨꞌ taa kee taw me, a twey ghee tia laa a kee kɨ̀ɨ nə mə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:18

Zɔ mɔɔ! Mə naysə tɨ́ ghɔ yinsəŋ laa, yighee njyə faŋ a nəə kɨ bii weembwa, a nəə shuŋ kɔtə kə ŋgɨɨ-ghɔ, ndɔ gə shəŋ ŋkɨə faŋ a kàw. Luu nə, yighee njyə faŋ a ndɔ dwaŋ, a ndɔ nesə kwiŋ ghə, vɨ kɨ shuŋ kɔtə kə, ndi ghɔ, gə nə ghɔ shəŋ ŋkɨə faŋ a kee kaw gə̀ shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11

Ye mɔɔ, mə naysə tɨ́ ghɔ yinsəŋ laa, yia gisə vənu faŋ yia kɨ̀ɨ nə mbə, baa naysə vənu faŋ yia nə yè nə yisɨ. Luu nə, viŋ kee bìŋ yia me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19

Nə luu buꞌ nu kɔ́, Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, kaꞌ Wee Nwi kee kɨ yɨ tuu nu maa wutə ki me. Ŋwə yɨ sheꞌ vənu mbɨə faŋ ŋwə ye laa Tii wi yɨsə, buꞌ laa nu ŋkɨə faŋ tɨta Nwi yɨ luu sheꞌ nu ŋkɨə faŋ ŋwiŋ wi yɨsə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:26

Yeso bəŋsə tɨ́ vəŋ laa, «Yinsəŋ, mə naysə tɨ́ viŋ laa, nu ŋkɨə faŋ viŋ kəə mə shɔ, luu buꞌ laa viŋ sɨ zɨ̀ bee kì zwə̀kə, kee bee luu buꞌ nu shuu yɔŋ ŋkɨə faŋ viŋ sɨ ye fɨ ghɔ mə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:32

Yeso bəŋsə tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, Nə kee kɔ̀ Mose kɔ̀ fazɨ ŋkɨə faŋ ŋkə ndɔ̀ fɨ yizɔ tɨ́ viŋ me. Ndɔ kɨ kɔ Tii ŋwaa kɔ ŋkee fazɨ yinsəŋ tɨ́ viŋ faŋ ŋkə ndɔ̀ fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:47

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, kii məbwey faŋ ŋwə kee yaa kɨ mè me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»