Mark 13:33 - Vengo (Babungo)

³³ Viŋ kɨ shiinə yiŋwaa yiŋ, duꞌ shi nə yikɨꞌ, buꞌ laa viŋ kee kɨɨ nə yighee njyə faŋ ŋkə ndɔ luu me.

Mark 13:33 ပူးပေါင်းရင်းမြစ်များ

Matiu 25:13

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Mark 13:23

Nɨniŋ, viŋ kɨ tɔfə! Maa mə duꞌtə mə naysə vənu vənshə tɨ́ viŋ, buu mbə ndɔ gay.»

Lukas 12:40

Nɨniŋ, viŋ lootə ŋwaa wiŋ nɨzi, buꞌ laa Wuu yinsəŋ Nwi ndɔ baa kɨ jwi maa yighee faŋ viŋ kee yikɨɨ me.»

Roma 13:14

Bàw viŋ mɔꞌ tɨta Yeso Kristo maa viŋ yaa njwi, kee meꞌtə yiŋwaa yiŋ bweꞌsə viŋ, fwi siŋ ndɔ maa vətɔ me.

1 Kɔrintian 16:13

Viŋ kɨ kɨɨ buꞌ viŋ gu nu me! Viŋ nuŋ fwi siŋ maa Yeso Kristo, wèꞌ shɔ. Viŋ kii fwisə weꞌsə, tɨ̀ŋnə weꞌ.

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Kɔlɔsii 4:2

Viŋ kɨ shɔꞌtə Nwi ghee nshə, kee bwa me! Viŋ kɨ shi nə yikɨꞌ, bwaŋ Nwi maa vənu vənshə!

Hibru 12:15

Viŋ kɨ ndɨɨnə laa kɨ wə fɨ wiŋ ndi jɨɨ Nwi, mànə gəŋsə Nwi me. Kɨ wə gu yaa mbiŋ faŋ ŋkə bɨbiŋ me, faŋ ŋkə jwi nə məbiŋ wi, yɨsə vətɔ vəmɔ́ꞌ biŋ me. Kəŋ vɨɨ vɔ́ yaa kɨ jwi nə vənu vəbwəvə, bɨsə nshinə vɨɨ vəyaŋ.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

Reveleyshən 16:15

Viŋ kɨ lumə yigi Kristo faŋ ŋwə nə gì laa lee, «Viŋ zɔ! Mə ndɔ jwi maa yighee faŋ wə kee yikɨɨ me, sheꞌ yaa ndɔꞌ. Mənɔŋ-bwaŋnə tɨ́ wə ntɨə faŋ ŋwə shi nə yikɨꞌ, shìŋnə njwi si laa kɨ ŋwə ndɔ toꞌ nə ntɨŋ, tɔ ki dɨɨ taa ŋwaa vɨɨ me.»

Reveleyshən 3:2

Yenə fɨ mbweysə, kwàŋ wutə maa vɨɨ mbɨə faŋ vəŋ kəə kɨ kukə nə. Mə kee ta ye nu faŋ a yɨsə ŋkə baw yikəꞌ Nwi kùꞌnə me.