Mark 13:22 - Vengo (Babungo)

²² Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Mark 13:22 ပူးပေါင်းရင်းမြစ်များ

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 7:15

«Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə.

Mark 13:21

Kɨ luu wə ndɔ gi tɨ́ viŋ maa yighee yɔ́ laa, «Viŋ ye Kristo, wuu məbweysə wiŋ nə,» tɨ́ꞌnə me laa, «Ye ŋwə fiŋnə,» kɨ viŋ biŋ me!

Mark 13:23

Nɨniŋ, viŋ kɨ tɔfə! Maa mə duꞌtə mə naysə vənu vənshə tɨ́ viŋ, buu mbə ndɔ gay.»

Mark 13:6

Vɨɨ vəyaŋ ndɔ jwi, kɨ tii təzii təvəŋ maa yizii nyaa, gisə laa vəŋ lùu mə, wuu məbweysə wiŋ. Vəŋ ndɔ bweꞌsə vɨɨ vəyaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:48

Yeso gi tɨ́ wuu kwalə ghɔ́ laa, «Maa viŋ kee kaw biŋ mə maa laa viŋ bɨ ye vəshwenə və shuu yɔŋvə me.»

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.

1 Jɔn 2:19

Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.

1 Jɔn 2:26

Mə ŋwaꞌlə nu kɔ́ tɨ́ viŋ buꞌ vɨɨ mbɨə faŋ vəŋ kəə bweꞌsə viŋ nə.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 17:8

Nyaa yɔ́ faŋ a ye nə, nə fɔŋ lùu fa faŋ ŋkə lùu kəbwey. Luu nə, nyə kee baa lùu mbi ndwə me. Nɨniŋ, nyə ndɔ baa koꞌ fɨ taa wee-nsi-yibay, baa lùu shɔ, kɨ nii yindi. Shuu vɨɨ fɨ taa mbi yɔŋ faŋ vəŋ yè nyaa yɔ́ faŋ nyə nə luu shɔ, kee baa lùu shɔ nə me, ndɔ baa lùu shɔ. Luu nə, taa yɔŋ sheꞌ shuu vɨɨ mbɨə faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, yuu vɨ nə nyɔ̀ꞌ təzii tə vɨɨ Nwi taa ŋwaꞌlə ghɔ́ shù fɨ faŋ Nwi nə kìasə kɨ bɔŋ mbi nə.